30 इन्खा अन्जानकर बेलानाइ गर्ल कामलाइ परमेसोरिन वास्ता बइगर्ले, तर अब परमेसोरिन सेब्बे ठउँकराइ सेब्बाइ मान्छेल्काइ आफ्ने-आफ्ने पापलाइ मानिलिके छाड्नार आग्या दिलाछ।
येसुन बाज्ले,“समय पुरा हक्लाछि, र परमेसोरकर राज्य नजिक आइलाछि। आफ्ने पाप मानिलिके छाडो र सुसमचारनाइ बिस्वास गरो।”
ह्व पछि चेलालत जाइला अनि मान्छेल्काइ, “आ-आफ्ने पाप मानिलिके छाडो” बाजिके पर्चार गर्ला।
उन्खा बया, तर मुइ तोराल्काइ बल्छु, तोराल्किन आ-आफ्ने पाप बइछाड्लो भने तोरा पुनि उन्खाए ने नस्ट हक्नारआछो।”
मुइ तोराल्काइ बल्छु, इनिखे ने आफ्ने पाप मानिलिके फर्किनार एउटो पापिकर लागि परमेसोरकर स्वर्गदुतलत पुनि खुसि हक्नारआछत।”
खिरिस्टकर नाउँनाइ आफ्ने पापलाइ मानिलिके छाड्ले भने पापबान माफ पाइछे बाज्नार कुरो यरुसलेमबान लिके सेब्बाइ जातिकराइ मान्छेल्काइ सुनाइ पर्छइ।
ह्य कुरो सुन्लपछि यहुदि बिस्वासिल्किन पत्रुसलाइ बिरोद गरइ छाड्ला, र इन्खा बाज्तिन परमेसोरकर महिमा गर्ला, “अब ता आने जातिल्काइ पुनि परमेसोरिन आफ्ने पाप मानिलिके छाड्नार र अजम्बरि जिबन लिनार अनुमति दिलसइ।”
उइलेराइ मान्छेल्काइ परमेसोरिन आफ्ने मनखुसिनाइ देबि देउता मानइ छाड्दिल्याक।
किनारइभने ह्य सहरनाइ मुइ घुम्तिन जाइतिन तोराल्किन पुजा गर्नार ठउँ पुनि देख्नाइ। मुइनिन एउटो इन्खा थान पुनि भेट्टाइनाइ, उछिका ‘बइचिन्ल देउताकर लागि’ बाजिके खोपिकइ लेख्ल रल्तिसइ। तोराल्किन नचिनिकइ पुजा गर्ल परमेसोरकर बारेनाइ अब मुइ तोराल्काइ बल्छु।
मुइनिन यहुदि र आने जातकराइ मान्छेल्काइ आ-आफ्ने पाप छाडिके परमेसोरदिसउने फर्को र पर्भु येसुनाइ बिस्वास गरो बाजिके चेतावनि दिनाइ, ह्व सेब्बे कुरो तोराल्काइ था रोइस्या।
अब तोरा आ-आफ्ने पापलाइ मानिलिके परमेसोरदिस फर्कोउबे र परमेसोरिन तोराल्को सेब्बे पाप छेमा गर्दिनार आछ अनि परमपर्भुबान सान्ति र आनन्द पाइनार आछो।