पेरित 16:9 - माझी

⁹ राति पावलिन दर्‌सननाइ माकेडोनियाकर एउटो मानुसिन ठडाइके होलाइ “दया गरिके माकेडोनियानाइ आइदेउ र हाइलाइ सायता गर्‌देउ” बाजिके बिन्‍ति गरिधर्‌ल देख्‍ले।

पेरित 16:9 ပူးပေါင်းရင်းမြစ်များ

पेरित 10:3

एक दिन दिउँसो तिन बजे पार्‌थनाकर समयनाइ कर्‌नेलियसिन दर्‌सननाइ परमेसोरकर एउटो स्‍वर्‌गदुतलाइ इस्‍पस्‍ट रुपनाइ आफिदिस आइधर्‌ल देख्‍ले, र इत्‍तिके बाज्‍ल सुन्‍ले, “ए कर्‌नेलियस।”

पेरित 10:30

कर्‌नेलियसिन बाज्‍ले, “चार दिन अगाडिकर कुरो हो। दिउँसो तिन बजेदिस मुइ घरनाइ ने पार्‌थना गरिधर्‌ल रइनाइ। एक्‍कासि चहकिलो लुगा लाइल एउटो मानुस मोर अगाडि ठडाइके बाज्‍ले,

पेरित 16:10

पावलिन इन्‍खा दर्‌सन पाइलपछि हाइ तुरुन्‍तइ माकेडोनिया जाइलाइ तयार हक्‍ले किनारइभने उछिराइ मान्‍छेल्‍काइ पर्‌भुकर सुसमचार सुनाइलाइ परमेसोरिन ने बालाइल हो बाजिके हाइलाइ पक्‍का था हक्‍लो।

पेरित 16:12

उछ्‌यान हाइ फिलिप्‍पि सहरनाइ पुग्‍ले, ह्‍व माकेडोनिया छेत्‍रकर मुख्‍य सहर रल्‍ति। ह्‍व सहरचाइ रोमिल्‍को अधिननाइ रल्‍ति। हाइ ह्‍व सहरनाइ केइ दिन बस्‍ले।

पेरित 18:5

सिलास र तिमोथि माकेडोनियाबान आइपुग्‍लपछि पावल बचन पर्‌चार गर्‌नार कामनाइ मात्‍र बेस्‍त हक्‍ले, र यहुदिल्‍काइ येसु ने खिरिस्‍ट हो बाजिके साछि दिल्‍याक।

पेरित 19:21

ह्‍य सेब्‍बे घटनापछि पबित्‍र आत्‍माकर अगुवाइनाइ पावलिन माकेडोनिया र अखइया पुगिके यरुसलेम जाइनार निर्‌नय गर्‌ले। होइनिन बाज्‍ले, “यरुसलेम पुग्‍लपछि मुइ रोम पुनि जाइ पर्‌छइ।”

पेरित 19:22

अनि पावलिन आफिलाइ सायता गर्‌नाराइ तिमोथि र इरास्‍तसलाइ माकेडोनिया पाठाइल्‍याक, तर आफिचाइ केइ दिन एसिया छेत्‍रकर एफिससनाइ ने बस्‍ले।

पेरित 19:29

सेब्‍बे सहरभोरि हुलदङ्‍गा हकल्‍ते, अनि मान्‍छेलत एकजुट हकिके माकेडोनियाबान पावलसिन आइलाइ गायस र अरिस्‍तार्‌खसलाइ आठाइके मान्‍छेलत भेला हकिके छलफल गर्‌नार सार्‌बजनिक ठउँनाइ घिस्‍याइतिन लाकाइला।

पेरित 20:1

होहल्‍ला सान्‍त हक्‍लपछि पावलिन बिस्‍वासिकाइ बालाइल्‍याक, र होल्‍काइ उत्‍साह दिल्‍याक, अनि होल्‍कोसिन बिदा हकिके माकेडोनियादिस जाइले।

पेरित 20:3

उछिका ह्‍व तिन महिनासम्‍म बस्‍ले। ह्‍व पछि पावल जहाजनाइ चडिके सिरिया जाइ लाग्‍तिन यहुदिल्‍किन होलाइ मार्‌नार सडेन्‍तर गर्‌ल कुरो होइनिन था पाइले। होइहुदान पावल फर्‌किके माकेडोनिया हक्‍तिन सिरिया जाइनार निर्‌नय गर्‌ले।

पेरित 27:2

हाइ एड्‌रामिटेनोस सहरबान एसिया छेत्‍रकर धेरइ बन्‍दरगाह हक्‍तिन जाइ लाग्‍ल जहाजनाइ चडिके यात्‍रा सुरु गर्‌ले। माकेडोनियाकर थेसलोनिके सहरबान आइल अरिस्‍तार्‌खस पुनि हाम्‍रो साथनाइ रइल।

पेरित 9:38

लुड्‌डा योप्‍पा नजिके रल्‍ति। चेलाल्‍किन पत्‍रुस उछि आछ बाजिके था पाइला र दुइटाल्‍काइ पत्‍रुस हक्‍लनाइ इन्‍खा बलिके पाठाइल्‍याक, “दया गरिके हाइ हक्‍लनाइ चाने आबे।”

१ थेसलोनिकि 4:10

माकेडोनियाकराइ सेब्‍बाइ दाजि-भाइकाइ तोराल्‍किन साँच्‍चि ने मया गर्‌छो। दाजि-भाइ हो, अजइ धेरे मया गर्‌तिन जाओ बाजिके हाइ तोराल्‍काइ बिन्‍ति गर्‌छे।