पेरित 16:16 - माझी

¹⁶ एक दिन हाइ पार्‌थना गर्‌नार ठउँनाइ जाइतिन रइले, एउटि जोखना हेर्‌नार आत्‍मा हक्‍लि कमारि बेटिसिन हाम्‍रो भेट हक्‍लो। होइनिन भुत आत्‍माकर सक्‍तिन जोखना हेरिकइ आफ्‍ने मालिकको लागि धेरइ पइसा कामाइ दितेलि।

पेरित 16:16 ပူးပေါင်းရင်းမြစ်များ

१ तिमोथि 6:10

किनारइभने पइसालाइ मया गरइ ने सेब्‍बे थरिकर खराब कुरोकर जरा हो। पइसाकर लोबिन गर्‌तिन कत्‍ता बिस्‍वासिलत ता बिस्‍वास छाडिके बइमजार काम गरइ लाग्‍लाछत र धेरे पिडान गर्‌तिन होल्‍को हिर्‌दय छिया-छिया हक्‍लइस्‍याक।

२ तिमोथि 3:8

यान्‍नेस र याम्‍ब्‍रेसिन मोसाकर बिरोद गर्‌ल जिन्‍खाए ह्‍य मान्‍छेल्‍किन पुनि सत्‍य कुरोकर बिरोद गर्‌छत। इन्‍खा मान्‍छेल्‍को दिमाख भरस्‍ट र बिस्‍वास पुनि नक्‍कलि हक्‍स्‍याक।

पेरित 16:18

ह्‍व बेटिन धेरइ दिनसम्‍म इन्‍खाए गरिधर्‌लि। इत्‍तिके साराइ धर्‌लनाइ पावललाइ दिक्‍क लागिकइ ह्‍व बेटिदिस फर्‌किके भुत आत्‍मालाइ बलल्‍ते, “येसु खिरिस्‍टकर नाउँनाइ मुइ तुइलाइ आग्‍या गर्‌छु, तुइ ह्‍व बेटिबान निस्‍किके जाइहाल।” इन्‍खा बल्‍लेसात ह्‍व भुत आत्‍मा निस्‍किके जाइहाल्‍ले।

पेरित 16:13

अनि बिस्‍राम-दिननाइ हाइ सहर बाइर लदि छेउनाइ जाइले, उछिका यहुदिल्‍को पार्‌थना गर्‌नार ठउँ आछि हुदो बाजिके बिचार गर्‌लाइ रइले, हाइ उछि बस्‍ले र जम्‍मा हक्‍लाइ बेटिल्‍कोसिन कुरो गरइ लाग्‍ले।

पेरित 19:24

डेमेतिरियस नाउँ हक्‍ल एउटो मानुस रइल। होइनिन आर्‌तेमिस देबिकर स्‍याउनो-स्‍याउनो चाँदिकर मन्‍दिरलत बानाइके बेच्‍तेल र धेराइ मान्‍छेल्‍काइ काम दिल रइल।

पेरित 16:19

ह्‍व बेटिकर मालिककिन अब ह्‍य बेटिबान कमाइ हक्‍नार बाट सक्‍किल था पाइके पावल र सिलासलाइ आठाइके केरकार गरइकर लागि घिस्‍याइतिन सहरकराइ सासककोनाइ लाकाइला।