पेरित 15:8 - माझी

⁸ सेब्‍बाइ मान्‍छेल्‍को हिर्‌दयकर कुरो जान्‍नार परमेसोरिन आने जातिल्‍काइ पुनि हाइलाइ जिन्‍खाए पबित्‍र आत्‍मा दिके सुइकार गर्‌ल कुरो हाइलाइ देखाइले।

पेरित 15:8 ပူးပေါင်းရင်းမြစ်များ

पेरित 1:24

होल्‍किन इनिखे पार्‌थना गर्‌ला, “हे पर्‌भु, तुइनिन सेब्‍बाइ मान्‍छेल्‍को हिर्‌दयनाइ हक्‍ल कुरो जान्‍छस, ह्‍य दुइटाइ मद्‌दे तुइनिन जुन्‍टोलाइ चुन्‍लाछस ह्‍व हाइलाइ देखाउ,

पेरित 10:47

“हाइ जिन्‍खाए हेल्‍किन पुनि पबित्‍र आत्‍मा पाइलाछत। अब ह्‍य मान्‍छेल्‍काइ पानिकर बप्‍तिस्‍मा लेइलाइ कुनिन रोकइ सक्‍छइ र?”

पेरित 14:3

ता पुनि पावल र बारनाबासिन आफ्‍ने भरोसा पर्‌भुनाइ गरिके साहससिन होक्‍र बारेनाइ बाज्‍तिन धेरइ दिनसम्‍म उछि बस्‍ला। पर्‌भुन होल्‍को हातबान अचम्‍मकर काम र चिन्‍नलत गराइकइ आफ्‍ने अनुगरहकर बचन साँच्‍चि हो बाजिके पर्‌मानित गर्‌ले।

पेरित 15:28

पबित्‍र आत्‍मा र हाइलाइ पुनि ह्‍य ठिक लाग्‍लो, कि ह्‍य एकदम आबस्‍यक कुरो बाएक आने बढ्‌ता बोज बोकाइ बइहक।

पेरित 2:4

अनि होलत सेब्‍बाइ पबित्‍र आत्‍मान भरिपुर्‌न हक्‍ला, र होल्‍किन पबित्‍र आत्‍माबान बाज्‍नार सक्‍ति पाइके आने भासानाइ बाजइ लाग्‍ला।

पेरित 4:31

होल्‍किन पार्‌थना गरिसक्‍लपछि, होलत जम्‍मा हक्‍ल ठउँ हल्‍लिल्‍ते। होलत सेब्‍बाइ पबित्‍र आत्‍मान भरिपुर्‌न हक्‍ला र होल्‍किन परमेसोरकर बचन साहससिन बाजइ लाग्‍ला।