पेरित 15:2 - माझी

² इन्‍खा सिछ्‌या सुनिके पावल र बारनाबासकर होल्‍कोसिन मतभेद र बाद-बिबाद हक्‍लपछि उछिराइ दाजि-भाइकिन पावल, बारनाबास र आने केइ बिस्‍वासिल्‍काइ ह्‍य परस्‍नकर फइसला गरइकर लागि पेरितलत र एल्‍डरकोनाइ यरुसलेम जाइलाइ छान्‍ला।

पेरित 15:2 ပူးပေါင်းရင်းမြစ်များ

पेरित 10:23

तब पत्‍रुसिन होल्‍काइ भित्‍र बालाइके सेवा सत्‍कार गर्‌ले, र ह्‍व दिन होलत उछि ने बस्‍ला। अनि अर्‌को दिन पत्‍रुस होल्‍कोसिन जाइले, र योप्‍पानाइ हक्‍लाइ केइ बिस्‍वासि दाजि-भाइलत पुनि होल्‍कोसिन जाइला।

पेरित 11:12

पबित्‍र आत्‍मान मुइलाइ ह्‍व मान्‍छेल्‍कोसिन नअनकनाइकइ जा बाजिके बल्‍ले। मुइसिन हक्‍लाइ ह्‍य छउटाइ बिस्‍वासि दाजि-भाइलत पुनि मोर साथ लाग्‍ला, र हाइ सेब्‍बाइ कर्‌नेलियसकर घरनाइ जाइले।

पेरित 11:30

इनिखे उठाइल पइसा होल्‍किन बारनाबास र साउलकर हातनाइ यहुदिया मन्‍डलिकराइ एल्‍डरकोनाइ पाठाइदिला।

पेरित 15:25

होइहुदान हाइनिन सभा गर्‌ले, र सेब्‍बाइ एकमत हकिके हाम्‍रो कुरो तोराल्‍कोनाइ पुराइलाइ हाम्‍रे माजबान ह्‍य दुइटाकाइ छानिकइ हाम्‍रो प्‍यारो बारनाबास र पावलकर साथनाइ पाठाइनार निर्‌नय गर्‌ले।

पेरित 15:27

होइहुदान हाइनिन यहुदा र सिलासलाइ पाठाइलाछे। होलत आफिन पुनि हाइनिन लेख्‍ल कुरो तोराल्‍काइ बल्‍नारआछत।

पेरित 15:4

जब होलत यरुसलेमनाइ आइपुग्‍ला, तब मन्‍डलिकराइ दाजि-भाइ, पेरित र एल्‍डरकिन होल्‍काइ स्‍वागत गर्‌ला। ह्‍व पछि पावल र बारनाबासिन उछि हक्‍लाइ सेब्‍बाल्‍काइ परमेसोरिन होलत मार्‌फत गर्‌ल कामकर बारेनाइ सुनाइला।

पेरित 16:4

अनि होल्‍किन सहर-सहर हकिके जाइतिन उछिराइ बिस्‍वासिल्‍काइ यरुसलेमकराइ पेरितकिन र एल्‍डरकिन गर्‌ल निर्‌नय सुनाइला र पालन गरइ बाजिके अर्‌ति दिल्‍याक।

पेरित 21:18

अर्‌को दिन पावल हाइसिन याकुबलाइ भेट्‌टाइ जाइले। उछिका सेब्‍बाइ एल्‍डरलत जम्‍मा हक्‍लाइ रइला।