पेरित 15:1 - माझी

¹ केइ समय पछि यहुदियाबान केइ मान्‍छेलत एन्‍टिओखियानाइ आइके उछिराइ बिस्‍वासि दाजि-भाइकाइ इत्‍तिके सिकाइ लाग्‍ला, “मोसाकर रितिअन्‍सार खतना बइगर्‌लो भने तोराल्‍किन मुक्‍ति पाइ बइसको।”

पेरित 15:1 ပူးပေါင်းရင်းမြစ်များ

पेरित 1:15

ह्‍व बेला उछि लगभग एक सय बिस जन येसुलाइ बिस्‍वास गर्‌नाराइ मान्‍छेलत जम्‍मा हक्‍लाइ रइला, अनि पत्‍रुस होल्‍को माजनाइ ठडाइके बाजइ लाग्‍ले,

पेरित 15:22

ह्‍व पछि पेरितलत, एल्‍डरलत र मन्‍डलिकराइ सेब्‍बाइ दाजि-भाइकिन मिलिके दुइटाइ मानुस छान्‍ला। होल्‍किन ह्‍व दुइटाकाइ पावल र बारनाबासकर साथनाइ एन्‍टिओखियानाइ पाठाइनार निर्‌नय गर्‌ला। ह्‍व दुइटाइ बारसाबास बल्‍ल यहुदा र सिलास रइला र बिस्‍वासिलत मद्‌दे ह्‍य दुइटाइ मुख्‍य मानुसलत रइला।

पेरित 15:23

ह्‍व चारुटाको हातनाइ होल्‍किन इन्‍खा पत्‍र पाठाइला, “एन्‍टिओखिया, सिरिया र किलिकियानाइ हक्‍लाइ आने जातकराइ बिस्‍वासि दाजि-भाइकाइ, पेरितको र एल्‍डरकोबान सेवाढोग।

पेरित 15:24

हाम्‍रो माजबान जाइलाइ कोइ-कोइ मान्‍छेल्‍किन गलत सिछ्‌या दिके तोराल्‍को मन अलमलनाइ पारिके धेरे दुख दिल कुरो हाइनिन सुन्‍लाछे। तर हाइनिन ह्‍व मान्‍छेल्‍काइ पाठाइलाइ बया।

पेरित 15:3

मन्‍डलिकराइ बिस्‍वासिल्‍किन होल्‍काइ उछ्‌यान बिदा गर्‌ला। होलत फोनिके र सामरिया हकिके जाइतिन उछिराइ बिस्‍वासि दाजि-भाइकाइ आने जातिल्‍किन पुनि पर्‌भुलाइ बिस्‍वास गर्‌ल कुरो सुनाइला। ह्‍य कुरो सुनिके होलत एकदम खुसि हक्‍ला।

पेरित 15:32

यहुदा र सिलास आफि पुनि अगमबक्‍ता हक्‍ल हुदान दाजि-भाइकाइ बचनबान धेरे कुरो सिकाइतिन उत्‍साह दिल्‍याक, र होल्‍काइ बिस्‍वासनाइ बल्‌-ल्‍यो गराइला।

पेरित 15:5

होल्‍को कुरो सुनिके फरिसि दलकराइ केइ बिस्‍वासिल्‍किन ठडाइके बाज्‍ला, “आने जातिल्‍को पुनि खतना हकइपर्‌छइ र होल्‍काइ मोसान लेख्‍ल परमेसोरकर नियम पालन गरइ लाइपर्‌छइ।”

पेरित 21:20

पावलकर कुरो सुनिके होल्‍किन परमेसोरकर पर्‌सन्‍सा गर्‌ला। अनि होल्‍किन पावललाइ बल्‍ला, “हेर भाइ, इछि पुनि हजारउ यहुदिल्‍किन पर्‌भु येसुनाइ बिस्‍वास गर्‌लाछत, र मोसान लेख्‍ल परमेसोरकर नियम पुनि मजसिन पालन गर्‌छत।

पेरित 6:14

नासरतकर येसुन ह्‍य मन्‍दिरलाइ भत्‍काइनारआछ र मोसान हाइलाइ दिल रितिथिति पुनि परिबर्‌तन गर्‌नारआछ बाज्‍ल हाइनिन सुन्‍ले।”