पेरित 14:2 - माझी

² तर पर्‌भुनाइ बिस्‍वास बइगर्‌नाराइ यहुदिल्‍किन चाइ आने जातकराइ मान्‍छेल्‍काइ उस्‍काइके पर्‌भुनाइ बिस्‍वास गर्‌नाराइ दाजि-भाइको बिरोद गरइ लाग्‍ला।

पेरित 14:2 ပူးပေါင်းရင်းမြစ်များ

पेरित 1:15

ह्‍व बेला उछि लगभग एक सय बिस जन येसुलाइ बिस्‍वास गर्‌नाराइ मान्‍छेलत जम्‍मा हक्‍लाइ रइला, अनि पत्‍रुस होल्‍को माजनाइ ठडाइके बाजइ लाग्‍ले,

पेरित 13:45

मान्‍छेल्‍को बड्‌खो भिड देखिके यहुदिलत डाहन भरिके पावलिन बाज्‍ल कुरोकर बिरोद गर्‌तिन डाउनो गर्‌ला।

पेरित 13:50

तर यहुदिल्‍किन परमेसोरकर डर मान्‍नाराइ मुख्‍य पद पाइलाइ बेटिल्‍काइ, र सहरकराइ मुख्‍य-मुख्‍य मान्‍छेल्‍काइ पावल र बारनाबासकर बिरोद गरइलाइ उस्‍काइल्‍याक र ह्‍व छेत्‍रबान बाइर फुकाल्‍दिल्‍याक।

पेरित 14:19

ह्‍व पछि पिसिदिया छेत्‍रकर एन्‍टिओखिया र आइकोनियन सहरबान केइ यहुदिलत उछि आइके मान्‍छेल्‍को भिडकाइ उस्‍काइके पावललाइ पाथरिन हिर्‌काइला। अनि मर्‌ले बाजिके होल्‍किन पावललाइ सहर बाइर घिस्‍याइतिन लाकाइला।

पेरित 14:4

तर ह्‍व सहरकराइ मान्‍छेल्‍कोनाइ फाटो आल्‍ते, र कोइ यहुदिलत दिसउने र कोइचाइ पेरितलत दिसउने लाग्‍ला।

पेरित 14:5

तब केइ आने जातिलत र यहुदिलत आफ्‍ने सासककोसिन मिलिके पावल र बारनाबासलाइ सताइनार र पाथरिन हिर्‌काइनार सडेन्‍तर गर्‌ला।

पेरित 17:13

तर थेसलोनिकेनाइ हक्‍लाइ यहुदिल्‍किन बेरियानाइ पुनि पावलिन परमेसोरकर बचन पर्‌चार गर्‌तिन आछ बल्‍ल कुरो सुन्‍ला, र होलत बेरियानाइ पुनि आइके भिडकाइ उचालिकइ पावलकर बिरोद गरइ लाग्‍ला।

पेरित 17:5

तर आने यहुदिलत चाइ डाहन भरिके बजारकराइ बदमासकाइ जम्‍मा गरिके सहरनाइ होहल्‍ला गरइ लाइल्‍याक, र पावल र सिलासलाइ भिडकर अगाडि आनइकर लागि होलत यासोनकर घरनाइ जाइके तोड-फोड गर्‌ला।

पेरित 18:12

जब गलियोन अखइया छेत्‍रकर सासक हक्‍ले, तब यहुदिलत एकजुट हकिके पावललाइ पक्‍रिला, र अदालतनाइ लाकाइके बाज्‍ला,

१ थेसलोनिकि 2:14

किनारइभने दाजि-भाइ हो, तोरा खिरिस्‍ट येसुनाइ यहुदियानाइ हक्‍ल परमेसोरकर मन्‍डलिकर देखासिकि गर्‌नाराइ हक्‍लो, अनि यहुदियाकराइ मन्‍डलिकिन दुख भोग्‍ल जिन्‍खाए तोराल्‍किन पुनि आफ्‍ने जातिराइ मान्‍छेल्‍कोबान दुख भोग्‍लो।