पेरित 13:51 - माझी

⁵¹ तब पावल र बारनाबासिन ह्‍व मान्‍छेल्‍काइ परमेसोरिन ने न्‍याय गर्‌नारआछ बाजिके चेतावनि दितिन पइतलाकर धुलो टकटकाइला र आइकोनियन सहरनाइ जाइला।

पेरित 13:51 ပူးပေါင်းရင်းမြစ်များ

मर्‌कुस 6:11

यदि कुनइ ठउँनाइ पुग्‍तिन मान्‍छेल्‍किन तोराल्‍काइ स्‍वागत बइगर्‌ला र तोराल्‍को कुरो सुनइ बइमान्‍ला भने, ह्‍व मान्‍छेल्‍काइ परमेसोरिन गर्‌नार न्‍यायकर दिननाइ साछि देइलाइ पइतलाकर धुलो टकटकाइकइ ह्‍व गाउँलाइ छाड्‌देइ।”

लुका 10:11

‘हाम्‍रो पइतलानाइ टासिल तोराल्‍को सहरकर धुलोसमेत हाइ तोराल्‍को बिरुद्‌दनाइ टकटकाइछे। तर पुनि तोरा जानो, कि परमेसोरकर राज्‍य नजिकइ आइपुग्‍लाछि।’

लुका 9:5

तर तोराल्‍काइ कुनइ सहरनाइ मान्‍छेल्‍किन स्‍वागत बइगर्‌ला भने ह्‍व मान्‍छेल्‍काइ परमेसोरिन गर्‌नार न्‍यायकर दिननाइ होल्‍को बिरुद्‌दनाइ साछि देइलाइ पइतलाकर धुलो टकटकाइकइ ह्‍व गाउँलाइ छाडो।”

पेरित 14:1

आइकोनियननाइ पुनि पावल र बारनाबास यहुदिल्‍को सभाघरनाइ जाइके इन्‍खा कुरो बाज्‍ला, कि उछि हक्‍लाइ धेराइ यहुदि र आने जातकराइ मान्‍छेल्‍किन पर्‌भुनाइ बिस्‍वास गर्‌ला।

पेरित 14:19

ह्‍व पछि पिसिदिया छेत्‍रकर एन्‍टिओखिया र आइकोनियन सहरबान केइ यहुदिलत उछि आइके मान्‍छेल्‍को भिडकाइ उस्‍काइके पावललाइ पाथरिन हिर्‌काइला। अनि मर्‌ले बाजिके होल्‍किन पावललाइ सहर बाइर घिस्‍याइतिन लाकाइला।

पेरित 14:21

पावल र बारनाबासिन डर्‌बि सहरनाइ सुसमचार पर्‌चार गरिके धेराल्‍काइ पर्‌भु येसुकर चेला बानाइला। ह्‍व पछि होलत लुस्‍त्‍रा र आइकोनियन हक्‍तिन पिसिदियाकर एन्‍टिओखियानाइ फर्‌किला।

पेरित 16:2

लुस्‍त्‍रा र आइकोनियननाइ हक्‍लाइ पर्‌भुलाइ बिस्‍वास गर्‌नाराइ सेब्‍बाइ दाजि-भाइकिन तिमोथिलाइ असल मानुस ठान्‍तेला।

पेरित 18:6

तर होल्‍किन पावलकर बिरोद गरिके अपमान गर्‌ला। पावलिन होल्‍काइ चेतावनि देइलाइ आफ्‍ने लुगाकर धुलो टकटकाइतिन बल्‌-ल्‍याक, “तोरा नास हक्‍तिन पुनि आफ्‍ने दोसकर कारनिन नास हक्‍छो, मुइलाइ दोस लाग्‍नार बइने। अबसिन मुइ आने जातिल्‍कोनाइ पर्‌चार गरइ जाइनार आछु।”

२ तिमोथि 3:11

एन्‍टिओखिया, आइकोनियन र लुस्‍त्‍रानाइ मुइनिन भोग्‍ल सतावट तुइलाइ मजसिन था रोइस्‍यास। तर पुनि पर्‌भुन मुइलाइ ह्‍व सेब्‍बे सतावटबान बाचाइले।