पेरित 13:47 - माझी

⁴⁷ किनारइभने पर्‌भुन हाइलाइ इन्‍खा आग्‍या दिलाछ, ‘धर्‌तिकराइ सेब्‍बाइ मान्‍छेल्‍किन मुक्‍ति पाइदिखन बाजिके, मुइनिन तुइलाइ आने जातिल्‍को माजनाइ उज्‍यालो छरइलाइ छानिकइ पाठाइलाछु।’”

पेरित 13:47 ပူးပေါင်းရင်းမြစ်များ

मर्‌कुस 16:15

येसुन होल्‍काइ बल्‌-ल्‍याक,“सारा सन्‍सारनाइ जाइके सेब्‍बाइ मान्‍छेल्‍काइ सुसमचार पर्‌चार गरो।

लुका 2:32

ह्‍य आने जातिल्‍को लागि बाट देखाइनार जोति र तोर आफ्‍ने इज्‍राएलि जातिको लागि सम्‍मान हक्‍नारआछ।”

लुका 24:47

खिरिस्‍टकर नाउँनाइ आफ्‍ने पापलाइ मानिलिके छाड्‌ले भने पापबान माफ पाइछे बाज्‍नार कुरो यरुसलेमबान लिके सेब्‍बाइ जातिकराइ मान्‍छेल्‍काइ सुनाइ पर्‌छइ।

पेरित 1:8

तर पबित्‍र आत्‍मा तोराल्‍कोनाइ आइल पछि तोराल्‍किन सक्‍ति पाइनारआछो, र तोरा यरुसलेमनाइ, सेब्‍बे यहुदियानाइ, सामरियानाइ र धर्‌तिकर कुना-कुनासम्‍म मोर साछि हक्‍नारआछो।”

पेरित 22:21

तर पर्‌भुन बल्‍ले, ‘तुइ जा, किनारइभने मुइ तुइलाइ बद्‌दुर-बद्‌दुसम्‍म आने जातिल्‍कोनाइ पाठाइनार आछु।’”

पेरित 26:23

होल्‍किन बाज्‍लाइ रइला, मुक्‍ति दिनार खिरिस्‍टनिन दुख भोगिकइ मरइ पर्‌छि, र मर्‌लबान जिउँते हक्‍नाराइ मद्‌दे पइलो हकिके होइनिन आफ्‍ने जाति र आने जातिल्‍काइ जोतिकर घोसना गर्‌नारआछ।”

पेरित 9:15

तर पर्‌भुन हननियालाइ बलल्‍ते, “तुइ जा, किनारइभने होलाइ मोर सेवा गरइलाइ छान्‍लाछु, र होइनिन आने जातिल्‍काइ, राजाल्‍काइ र इज्‍राएलिल्‍काइ मोर नाउँ पर्‌चार गर्‌नारआछ।