पेरित 13:32 - माझी

³² अब हाइ तोराल्‍काइ हेइ सुसमचार सुनाइछे, परमेसोरिन हाम्‍रो पुर्‌खाल्‍कोसिन गर्‌ल पर्‌तिग्‍या

पेरित 13:32 ပူးပေါင်းရင်းမြစ်များ

लुका 1:19

स्‍वर्‌गदुतिन बलल्‍ते, “मुइ परमेसोरकर नजिक ठडाइनार गब्‍रिएल स्‍वर्‌गदुत हो, मुइलाइ परमेसोरिन तुइसिन कुरो गरइ र ह्‍य खुसिकर खबर बलइ पाठाइल हो।

लुका 2:10

तर स्‍वर्‌गदुतिन होल्‍काइ बल्‌-ल्‍याक, “जुनडाराओ! किनारइभने मुइ सेब्‍बाइ मान्‍छेल्‍को लागि बडो आनन्‍द दिनार खुसिकर खबर लिके तोराल्‍को उछि आइलाछु।

पेरित 10:36

परमेसोरिन इज्‍राएलिल्‍काइ पाठाइल सन्‍देस, अर्‌थात येसु खिरिस्‍ट मार्‌फत पर्‌चार गर्‌ल सान्‍तिकर सुसमचार तोराल्‍काइ था रोइस्‍या, ह्‍व ने सेब्‍बाल्‍को पर्‌भु हो।

पेरित 13:23

आफिन गर्‌ल पर्‌तिग्‍या पुरा गरिके परमेसोरिन इज्‍राएलिल्‍को लागि दाउद राजाकर सन्‍तानबान ने एउटो मुक्‍तिदाता पाठाइले, ह्‍व ने येसु हो।

पेरित 13:38

होइहुदान दाजि-भाइ हो, होइ येसुबान ने पापकर छेमा हक्‍छि बाजिके मुइ तोराल्‍काइ बल्‍छु।

पेरित 14:15

“ए दाजि-भाइलत, तोरा किनारइ इन्‍खा काम गर्‌छो? हाइ पुनि ता तोराजिन्‍खाए दुख-सुख भोग्‍नाराइ मान्‍छे हो। हाइ तोराल्‍काइ ह्‍य बेर्‌थेकर काम छाडिके आकास, धर्‌ति, समुन्‍द्‌र र उछि हक्‍ल सेब्‍बे थोक बानाइनार जिउँते परमेसोरदिसउने फर्‌को बाजिके सुसमचार सुनाइ आइलाइ हो।

पेरित 26:6

परमेसोरिन हाम्‍रो पुर्‌खाल्‍कोसिन गर्‌ल पर्‌तिग्‍यानाइ मुइनिन आसा धर्‌ल हुदान आज इछि मोर मुद्‌दा चलिधर्‌लाछि।

पेरित 3:19

अब तोरा आ-आफ्‍ने पापलाइ मानिलिके परमेसोरदिस फर्‌कोउबे र परमेसोरिन तोराल्‍को सेब्‍बे पाप छेमा गर्‌दिनार आछ अनि परमपर्‌भुबान सान्‍ति र आनन्‍द पाइनार आछो।

पेरित 5:42

र होल्‍किन दिन-दिने मन्‍दिरनाइ र घर-घरनाइ जाइके येसु ने खिरिस्‍ट हो बाजिके सिकाइ र पर्‌चार गरइ बइछाड्‌ला।