पेरित 13:31 - माझी

³¹ गालिल छेत्‍रबान यरुसलेमसम्‍म येसुसिन आइलाल्‍कोनाइ येसु धेरे दिनसम्‍म देखा परिधर्‌ले, र अखन होलत ने इज्‍राएलकराइ मान्‍छेल्‍को लागि साछि आछत।

पेरित 13:31 ပူးပေါင်းရင်းမြစ်များ

पेरित 1:3

येसुन धेरइ दुख भोगिकइ कुरुसनाइ मर्‌लपछि आफि साँच्‍चि ने जिउँते हक्‍ल कुरो भिन्‍दे-भिन्‍दे तरिकाबान देखाइले, र चालिस दिनसम्‍म घरि-घरि होल्‍कोनाइ देखा पर्‌ले। अनि होल्‍कोसिन परमेसोरकर राज्‍यकर बारेनाइ कुरो गर्‌ले।

लुका 24:48

तोरा ने ह्‍य सेब्‍बे कुरोकर साँक्‍छि हो।

पेरित 1:11

होल्‍किन बाज्‍ला, “गालिलकराइ मान्‍छे हो, तोरा किनारइ आकासदिस हेर्‌तिन ठडाइधर्‌लाछो? येसु ता स्‍वर्‌ग जाइसक्‍ले, जिनिखे अखन तोराल्‍किन येसुलाइ स्‍वर्‌ग जाइधर्‌ल देख्‍लाछो, उनिखे ने येसु फेरि आइनारआछ।”

पेरित 1:8

तर पबित्‍र आत्‍मा तोराल्‍कोनाइ आइल पछि तोराल्‍किन सक्‍ति पाइनारआछो, र तोरा यरुसलेमनाइ, सेब्‍बे यहुदियानाइ, सामरियानाइ र धर्‌तिकर कुना-कुनासम्‍म मोर साछि हक्‍नारआछो।”

पेरित 10:41

सेब्‍बाइ मान्‍छेल्‍किन ता बया, तर हाइ जुनलाइ परमेसोरिन साछि हकइलाइ छान्‍ल रइल र येसु मर्‌लबान जिउँते हक्‍लपछि हाइनिन येसुसिन खाइपि पुनि गर्‌ले।

पेरित 10:39

येसुन सारा यहुदिया र यरुसलेमनाइ गर्‌ल सेब्‍बे कामकर हाइ साछि आछे। होल्‍किन येसुलाइ कुरुसनाइ झुन्‍ड्‌याइकइ मार्‌ला।

पेरित 5:32

ह्‍य सेब्‍बे कुरोकर हाइ साछि आछे, र परमेसोरिन आफ्‍ने आग्‍या पालन गर्‌नारकाइ दिल पबित्‍र आत्‍मान पुनि साछि दितिन आछ।”

पेरित 3:15

जिबन दिनारलाइ तोराल्‍किन मार्‌लो, तर परमेसोरिन होलाइ मर्‌लबान जिउँते पारल्‍ते, अनि हेइ कुरोकर हाइ साछि आछे।

पेरित 2:32

हेइ येसुलाइ परमेसोरिन जिउँते पारल्‍ते अनि हेइ कुरोकर हाइ सेब्‍बाइ साछि आछे।

पेरित 1:22

अर्‌थात युहन्‍नान बप्‍तिस्‍मा दिल समयसिन लिके येसु मर्‌लबान जिउँते हक्‍तिन देख्‍ल र स्‍वर्‌ग उठाइ लाकाइल दिनसम्‍म हाइसिन हक्‍ल हकइ पर्‌छि।”