पेरित 13:3 - माझी

³ तब होल्‍किन उपबास बसिके र पार्‌थना गरिके ह्‍व दुइटाइ उप्‍रान आफ्‍ने हात धरिके होल्‍काइ पाठाइल्‍याक।

पेरित 13:3 ပူးပေါင်းရင်းမြစ်များ

लुका 2:37

र होइ चोउरासि बर्‌स जत्‍ता हक्‍लि रइलि। होइनिन मन्‍दिर बइछाड्‍तेलि, उपबास बस्‍तेलि र परमेसोरलाइ पुकार्‌तिन र पर्‌सन्‍सा गर्‌तिन रात-दिन बिताइतेलि।

पेरित 1:24

होल्‍किन इनिखे पार्‌थना गर्‌ला, “हे पर्‌भु, तुइनिन सेब्‍बाइ मान्‍छेल्‍को हिर्‌दयनाइ हक्‍ल कुरो जान्‍छस, ह्‍य दुइटाइ मद्‌दे तुइनिन जुन्‍टोलाइ चुन्‍लाछस ह्‍व हाइलाइ देखाउ,

पेरित 13:2

होल्‍किन उपबास बसिके पार्‌थना र पर्‌भुलाइ आराधना गरिधर्‌ल बेलानाइ पबित्‍र आत्‍मान होल्‍काइ बल्‌-ल्‍याक, “बारनाबास र साउललाइ मुइनिन जुन्‍टो कामकर लागि बालाइलाछु होइ कामकर लागि अलग गरो।”

पेरित 13:4

बारनाबास र साउललाइ पबित्‍र आत्‍मान पाठाइल्‍याक र होलत सिलुकियानाइ पुग्‍ला अनि उछ्‌यान जहाज चडिके साइपरस टापुनाइ जाइला।

पेरित 14:23

जब पावल र बारनाबासिन सेब्‍बे मन्‍डलिनाइ एल्‍डरलत नियुक्‍त गर्‌ला, अनि उपबास बसिके पार्‌थना गर्‌तिन ह्‍व चेलाल्‍काइ आफिन बिस्‍वास गर्‌ल पर्‌भुकर जिम्‍मानाइ छाड्‌दिल्‍याक।

पेरित 14:26

अनि उछ्‌यान होलत जहाजनाइ चडिके सिरियाकर एन्‍टिओखियानाइ फर्‌किला। हेइ एन्‍टिओखियाकराइ बिस्‍वासिल्‍किन पावल र बारनाबासलाइ परमेसोरकर अनुगरहनाइ सुम्‍पिकइ पाठाइलाइ रइला।

पेरित 15:40

तर पावलिन चाइ सिलासलाइ छानल्‍ते, र दाजि-भाइकिन होल्‍काइ पर्‌भुकर अनुगरहनाइ सुम्‍पिदिल्‍याक। ह्‍व पछि होलत उछ्‌यान बिदा हकिके हिन्‍ला।

पेरित 6:6

होल्‍किन छान्‍लाइ ह्‍व सातुटाकाइ पेरितको अगाडि आन्‍ला र पेरितकिन पार्‌थना गर्‌ला र होलत उप्‍रान आफ्‍ने हात धर्‌ला।

पेरित 9:17

अनि हननिया जाइके यहुदाकर घरभित्‍र पस्‍ले र साउल उप्‍रान आफ्‍ने हात धर्‌तिन बाज्‍ले, “मोर भाइ साउल, तुइ इछि आइतिन बाटनाइ देख्‍ल पर्‌भु येसुन ने तुइनिन फेरि देखइ सक र पबित्‍र आत्‍मान भरिपुर्‌न हक बाजिके मुइलाइ पाठाइल हो।”

१ तिमोथि 4:14

तुइसिन हक्‍ल बरदानलाइ हेला जुनगर, ह्‍व बरदान एल्‍डरकिन आफ्‍ने हात तुइ उप्‍रान धर्‌तिन अगमबानिबान तुइनिन पाइल रइलइ।

१ तिमोथि 5:22

कुनु उप्‍रान हात धरिके मन्‍डलिकर अगुवा छान्‍नार कामनाइ हतार जुनगर। आनेल्‍को पापनाइ सहभागि जुनहक। आफ्‍ने जिबनलाइ सदइ पबित्‍र धर।

२ तिमोथि 1:6

होइहुदान मुइ तुइलाइ याद गराइछु, मुइनिन तुइउप्‍रान हात धर्‌तिन तुइनिन पाइल परमेसोरकर बरदानलाइ चालाइ धर।

२ तिमोथि 2:2

धेराइ मान्‍छेल्‍को साछिनाइ मुइबान तुइनिन जे कुरो सुन्‍लाछस, ह्‍व कुरो आनेल्‍काइ सिकाइ सक्‍नाराइ बिस्‍वासिलो मान्‍छेल्‍काइ जिम्‍मा दिखन।