पेरित 13:2 - माझी

² होल्‍किन उपबास बसिके पार्‌थना र पर्‌भुलाइ आराधना गरिधर्‌ल बेलानाइ पबित्‍र आत्‍मान होल्‍काइ बल्‌-ल्‍याक, “बारनाबास र साउललाइ मुइनिन जुन्‍टो कामकर लागि बालाइलाछु होइ कामकर लागि अलग गरो।”

पेरित 13:2 ပူးပေါင်းရင်းမြစ်များ

लुका 10:1

ह्‍व पछि पर्‌भुन आने सत्‍तरि जनकाइ छानिकइ आफि जाइ लाग्‍ल सेब्‍बे गाउँ र सहरनाइ दुइ-दुइटाइ गरिके होल्‍काइ आफि जाइ भन्‍दा अगाडि पाठाइतिन बल्‌-ल्‍याक,

लुका 2:37

र होइ चोउरासि बर्‌स जत्‍ता हक्‍लि रइलि। होइनिन मन्‍दिर बइछाड्‍तेलि, उपबास बस्‍तेलि र परमेसोरलाइ पुकार्‌तिन र पर्‌सन्‍सा गर्‌तिन रात-दिन बिताइतेलि।

पेरित 10:19

ह्‍व बेला पत्‍रुस आफिन देख्‍ल दर्‌सनकर बारेनाइ सोच्‍तिन गर्‌तिन पबित्‍र आत्‍मान पत्‍रुसलाइ बलल्‍ते, “सिमोन, हेठ्‌ठ तिन्‍टाइ मान्‍छेल्‍किन तुइलाइ हेर्‌तिन आछत।

पेरित 10:30

कर्‌नेलियसिन बाज्‍ले, “चार दिन अगाडिकर कुरो हो। दिउँसो तिन बजेदिस मुइ घरनाइ ने पार्‌थना गरिधर्‌ल रइनाइ। एक्‍कासि चहकिलो लुगा लाइल एउटो मानुस मोर अगाडि ठडाइके बाज्‍ले,

पेरित 13:3

तब होल्‍किन उपबास बसिके र पार्‌थना गरिके ह्‍व दुइटाइ उप्‍रान आफ्‍ने हात धरिके होल्‍काइ पाठाइल्‍याक।

पेरित 13:4

बारनाबास र साउललाइ पबित्‍र आत्‍मान पाठाइल्‍याक र होलत सिलुकियानाइ पुग्‍ला अनि उछ्‌यान जहाज चडिके साइपरस टापुनाइ जाइला।

पेरित 14:26

अनि उछ्‌यान होलत जहाजनाइ चडिके सिरियाकर एन्‍टिओखियानाइ फर्‌किला। हेइ एन्‍टिओखियाकराइ बिस्‍वासिल्‍किन पावल र बारनाबासलाइ परमेसोरकर अनुगरहनाइ सुम्‍पिकइ पाठाइलाइ रइला।

पेरित 20:28

होइहुदान तोराल्‍किन आफ्‍ने र पबित्‍र आत्‍मान तोराल्‍काइ जुन बिस्‍वासिलत दिलाछ, होल्‍को मजसिन हेरचाह गरो। परमेसोरकर मन्‍डलिकराइ मान्‍छेल्‍को मजार गोठ्‌ला हको, किनारइभने पर्‌भु येसुन ह्‍व मान्‍छेल्‍काइ आफ्‍ने रकतिन किन्‍ल हो।

पेरित 22:21

तर पर्‌भुन बल्‍ले, ‘तुइ जा, किनारइभने मुइ तुइलाइ बद्‌दुर-बद्‌दुसम्‍म आने जातिल्‍कोनाइ पाठाइनार आछु।’”

पेरित 4:36

ह्‍व दिननाइ साइपरस देसकर लेबि कुलकर योसेफ रइल, ह्‍यलाइ पेरितकिन बारनाबास बाजिके बालाइतेला, हेक्‍र अर्‌थ “उत्‍साह दिनार मानुस” हो।

पेरित 6:4

तर हाइ चाइ पार्‌थना र बचन पर्‌चारकर सेवानाइ सेब्‍बे समय दिनारआछे।”

पेरित 8:29

तब पबित्‍र आत्‍मान फिलिपलाइ बलल्‍ते, “जा र ह्‍व रथकर साथ लाग।”

पेरित 9:15

तर पर्‌भुन हननियालाइ बलल्‍ते, “तुइ जा, किनारइभने होलाइ मोर सेवा गरइलाइ छान्‍लाछु, र होइनिन आने जातिल्‍काइ, राजाल्‍काइ र इज्‍राएलिल्‍काइ मोर नाउँ पर्‌चार गर्‌नारआछ।

१ तिमोथि 2:7

हेक्‍र लागि परमेसोरिन मुइलाइ आने जातिकराइ मान्‍छेल्‍काइ बिस्‍वास र सत्‍यकर बारेनाइ सिकाइनार पर्‌चारक र पेरित बानाइलाछ। मुइनिन साँच्‍चि बाज्‍ल हो, झुक्‍काइल बया।

२ तिमोथि 1:11

हेइ सुसमचार सुनाइकर लागि परमेसोरिन मुइलाइ पर्‌चारक, पेरित र सिछ्‌यक हकइलाइ छान्‍ले।

२ तिमोथि 2:2

धेराइ मान्‍छेल्‍को साछिनाइ मुइबान तुइनिन जे कुरो सुन्‍लाछस, ह्‍व कुरो आनेल्‍काइ सिकाइ सक्‍नाराइ बिस्‍वासिलो मान्‍छेल्‍काइ जिम्‍मा दिखन।

२ तिमोथि 4:11

लुका मात्‍र मुइसिन आछ। मर्‌कुसलाइ हेरिकइ आफिसगिन लिके आबे, किनारइभने होइनिन मोर सेवाकाइनाइ धेरे सायता गर्‌नारआछ।

२ तिमोथि 4:5

तर तुइ चाइ सेब्‍बे कुरोनाइ होसियार हक। दुख भोग्‍नार गर, पर्‌चार गर्‌नार कामनाइ लागिधर र आफ्‍ने सेवाकर काम पुरा गर।