पेरित 13:16 - माझी

¹⁶ तब पावल ठडाइके हातिन इसारा गर्‌तिन बाजइ लाग्‍ले, “हे इज्‍राएलि दाजि-भाइ र परमेसोरकर डर मान्‍नाराइ हो, मुइनिन बाज्‍ल सुनो,

पेरित 13:16 ပူးပေါင်းရင်းမြစ်များ

लुका 1:22

अनि जकरिया बाइर निस्‍किके आइतिन होल्‍कोसिन बाजइ ने बइसक्‍ले र उछि हक्‍लाइ मान्‍छेल्‍काइ हातिन इसारा गर्‌ले अनि होल्‍किन मन्‍दिर भित्‍र दर्‌सन देख्‍लसइ बाजिके था पाइला।

लुका 1:50

र होक्‍र डर मान्‍नाल्‍काइ पुस्‍तउ-पुस्‍तासम्‍म परमेसोरिन सदइ दया देखाइनारआछ।

लुका 23:40

तर अर्‌को अपराधिन होलाइ हाकार्‌तिन इत्‍तिके बलल्‍ते, “तुइलाइ परमेसोरकर डर बइलाग्‍यास? ह्‍व पुनि हाइ जिन्‍खाए दन्‍ड भोगिधर्‌लाछ।

पेरित 10:2

ह्‍व परमेसोरकर बचन पालन गर्‌नार धर्‌मि मानुस रइल। ह्‍व र होक्‍र सेब्‍बाइ परिवारकिन परमेसोरकर डर मान्‍तेला। होइनिन खाँचोनाइ पर्‌लाल्‍काइ खुसि मनिन सायता गर्‌तेल र दिन्‍ने परमेसोरसिन पार्‌थना गर्‌तेल।

पेरित 10:35

मान्‍छे जुनसुके जातकर हक्‍दिक, परमेसोरकर डर मान्‍नार र असल काम गर्‌नार मानुसलाइ ने परमेसोरिन सुइकार गर्‌छइ।

पेरित 12:17

तर पत्‍रुसिन होल्‍काइ हातिन इसारा गर्‌तिन चुप लागो बल्‌-ल्‍याक, र पर्‌भुन आफिलाइ झ्‍यालखन्‍डबान किनिखे निस्‍काइले, ह्‍व कुरो होल्‍काइ बल्‌-ल्‍याक। ह्‍य कुरो याकुब र आने दाजि-भाइकाइ पुनि बल्‍देइ बाजिके पत्‍रुस उछ्‌यान अर्‌को ठउँ जाइहाल्‍ले।

पेरित 13:26

“ए दाजि-भाइलत, चाहे अब्‍राहामकराइ सन्‍तान हक्‍दिखन, चाहे परमेसोरकर डर मान्‍नाराइ आने जाति हक्‍दिखन, ह्‍य मुक्‍तिकर सन्‍देस परमेसोरिन हाम्‍रे लागि पाठाइदिल हो।

पेरित 13:46

तर पावल र बारनाबासिन अजइ आँट गरिके बाज्‍ला, “परमेसोरकर बचन सबभन्‍दा पइला तोराल्‍काइ ने सुनाइ आबस्‍यक रल्‍ति, तर तोराल्‍किन इन्‍कार गर्‌लो र आफिलाइ अजम्‍बरि जिबन पाइबान अयोग्‍य बानाइलो। होइहुदान अब हाइ आने जातिल्‍कोनाइ जाइछे।

पेरित 19:33

उछि हक्‍लाइ यहुदिल्‍किन अलेक्‍जेन्‍डरलाइ अगाडि सार्‌ला र भिडकाइ केइ कुरो बलिके बुजाइदिखन बाजिके अलेक्‍जेन्‍डरलाइ होल्‍किन बल्‍ला। होइनिन हातिन इसारा गर्‌तिन यहुदिल्‍को बचाउकर लागि केइ बाज्‍नार कोसिस गर्‌ले।

पेरित 2:14

तब पत्‍रुस एघार पेरितकोसिन ठडाइके बड्‌खो सोरिन भिडकाइ बल्‌-ल्‍याक, “यहुदिया र यरुसलेमनाइ बस्‍नाराइ सेब्‍बाइ मान्‍छेलत, इछि केति हक्‍ल हो ह्‍व कुरो मुइ तोराल्‍काइ बल्‍छु। अब मोर कुरो सुनो।

पेरित 2:22

“हे इज्‍राएलकराइ मान्‍छे हो, ह्‍य कुरो सुनो, परमेसोरिन नासरतकर येसुमार्‌फत तोराल्‍को माजनाइ सक्‍तिसालि कामलत, अचम्‍मकर कामलत र चिन्‍नलत देखाइल तोराल्‍काइ था ने रोइस्‍या। ह्‍व कामबान परमेसोरिन नासरतकर येसुलाइ आफिन पाठाइल हो बाजिके पर्‌मानित गर्‌ले।

पेरित 21:40

जब सेनापतिन पावललाइ अनुमति दिल्‍ते, तब सिढिनाइ ठडाइके पावलिन मान्‍छेल्‍काइ हातिन इसारा गर्‌ले। मान्‍छेलत सान्‍त हक्‍लपछि पावलिन हिब्‍रु भासानाइ बाजइ लाग्‍ले।

पेरित 22:22

होल्‍किन पावलकर कुरो इछिसम्‍म मात्‍र सुन्‍ला, र होल्‍किन बड्‌खो सोरिन चिच्‍याइतिन इत्‍तिके बाज्‍ला, “इन्‍खा मानुसलाइ मारइनइ पर्‌छइ! अब ह्‍य मानुसलाइ जिउँते छाडइ बइहक।”

पेरित 3:12

ह्‍य देखिके पत्‍रुसिन मान्‍छेल्‍काइ बल्‌-ल्‍याक, “हे इज्‍राएलकराइ मान्‍छे हो, तोरा ह्‍य कुरोनाइ किनारइ अचम्‍म मान्‍छो? तोराल्‍किन ह्‍य मानुसलाइ हाइनिन आफ्‍ने सक्‍ति र भक्‍तिन ने हिन्‍नार गराइल जिन्‍खाए हाइलाइ किनारइ ट्‌वाल्‍ल परिके हेर्‌छो?