पेरित 11:23 - माझी

²³ बारनाबास एन्‍टिओखियानाइ आइपुग्‍तिन परमेसोरिन ह्‍व मान्‍छेल्‍काइ दया गर्‌ल र आसिस दिल देखिके एकदम खुसि हक्‍ले, र बारनाबासिन होल्‍काइ सेब्‍बे हिर्‌दयन पर्‌भुनाइ बिस्‍वासि हकिधरइ बाजिके उत्‍साह दिल्‍याक।

पेरित 11:23 ပူးပေါင်းရင်းမြစ်များ

मर्‌कुस 2:5

येसुन होल्को बिस्‍वास देखिके ह्‍व पछ्‌यघातिलाइ बलल्‍ते,“ए बेटाक, तोर पापलत छेमा हक्‍लाछि।”

पेरित 13:43

सभा सक्‍किलपछि यहुदिलत र यहुदि धर्‌म मान्‍नाराइ आने जातिकराइ धेराइ मान्‍छेलत पावल र बारनाबासकर पछि लाग्‍ला। पावल र बारनाबासिन होल्‍कोसिन कुरो गर्‌तिन होल्‍काइ सदइ परमेसोरकर अनुगरहनाइ बसिधरइ बाजिके धेरे अनुरोध गर्‌ला।

पेरित 14:22

होल्‍किन ह्‍व ठउँ-ठउँनाइ हक्‍लाइ पर्‌भुकराइ चेलाल्‍काइ आत्‍मानाइ दरो बानाइला र बिस्‍वासनाइ लागिधरइ बाजिके उत्‍साह दितिन बल्‌-ल्‍याक, “हाइ परमेसोरकर राज्‍यनाइ जाइकर लागि धेरे दुख कस्‍ट सइपर्‌छइ।”

पेरित 14:26

अनि उछ्‌यान होलत जहाजनाइ चडिके सिरियाकर एन्‍टिओखियानाइ फर्‌किला। हेइ एन्‍टिओखियाकराइ बिस्‍वासिल्‍किन पावल र बारनाबासलाइ परमेसोरकर अनुगरहनाइ सुम्‍पिकइ पाठाइलाइ रइला।

पेरित 15:40

तर पावलिन चाइ सिलासलाइ छानल्‍ते, र दाजि-भाइकिन होल्‍काइ पर्‌भुकर अनुगरहनाइ सुम्‍पिदिल्‍याक। ह्‍व पछि होलत उछ्‌यान बिदा हकिके हिन्‍ला।

पेरित 20:24

तर मुइ आफ्‍ने जिबनलाइ कुनइ मोलकर बइठानु। किनारइभने परमेसोरकर अनुगरहकर बारेनाइ सुसमचार सुनाइ र पर्‌भु येसुन मुइलाइ दिल काम पुरा गरइ सकु भन्‍ने मोर इछ्‌या आछ।

पेरित 20:32

“अब मुइ तोराल्‍काइ परमेसोरनाइ र होक्‍र अनुगरहकर बचननाइ सुम्‍पिदिछु, जुनिन तोराल्‍काइ बिस्‍वासनाइ बल्‌-ल्‍यो बानाइछइ र आफ्‍ने मान्‍छेल्‍काइ हकवाला बानाइछइ।

पेरित 4:36

ह्‍व दिननाइ साइपरस देसकर लेबि कुलकर योसेफ रइल, ह्‍यलाइ पेरितकिन बारनाबास बाजिके बालाइतेला, हेक्‍र अर्‌थ “उत्‍साह दिनार मानुस” हो।

२ तिमोथि 3:10

तर तुइनिन मोर सिछ्‌या, चालचलन, जिबनकर लछ्‌य, बिस्‍वास, धइरे, मया र इस्‍थिरता देख्‍लाछस।