पेरित 11:20 - माझी

²⁰ तर होलत मद्‌दे कोइ-कोइ चाइ साइपरस र कुरेनिबान आइलाइ बिस्‍वासिलत रइला। होल्‍किन एन्‍टिओखियानाइ आइके आने जातिल्‍काइ पुनि पर्‌भु येसुकर बारेनाइ सुसमचार सुनाइला।

पेरित 11:20 ပူးပေါင်းရင်းမြစ်များ

पेरित 11:19

इस्‍तिफनसलाइ मार्‌ल पछि सतावट सुरु हकल्‍ते, र बिस्‍वासिलत छरपस्‍ट हकिके कोइ फोनिके छेत्‍र, कोइ साइपरस टापु र कोइ एन्‍टिओखिया सहरसम्‍म पुग्‍ला। होल्‍किन यहुदिल्‍काइ मात्‍र सुसमचार सुनाइला।

पेरित 11:22

जब ह्‍य खबर यरुसलेमकर मन्‍डलिनाइ पुगल्‍ते, तब मन्‍डलिकराइ अगुवाल्‍किन बारनाबासलाइ एन्‍टिओखियानाइ पाठाइला।

पेरित 11:26

बारनाबासिन साउललाइ भेट्‌टाइके एन्‍टिओखियानाइ आनल्‍ते। होलत धेउटाइ पुरा एक बर्‌ससम्‍म एन्‍टिओखियाकर मन्‍डलिकराइ मान्‍छेल्‍कोसिन भेटघाट गर्‌ला र धेराल्‍काइ सिकाइला। चेलाल्‍काइ पइलो चोटि एन्‍टिओखियानाइ ने खिरिस्‍टियन बल्‍ल हो।

पेरित 11:27

होइ बेला कोइ अगमबक्‍तालत यरुसलेमबान एन्‍टिओखियानाइ आइला।

पेरित 13:1

एन्‍टिओखिया सहरकर मन्‍डलिनाइ अगमबक्‍तालत र सिछ्‌या दिनाराइ मान्‍छेलत रइला। होलत बारनाबास, काले बाज्‍नार सिमियोन, कुरेनिकर लुकियस, राजा हेरोदसिन हुर्‌किल मनेन अनि साउल रइला।

पेरित 14:26

अनि उछ्‌यान होलत जहाजनाइ चडिके सिरियाकर एन्‍टिओखियानाइ फर्‌किला। हेइ एन्‍टिओखियाकराइ बिस्‍वासिल्‍किन पावल र बारनाबासलाइ परमेसोरकर अनुगरहनाइ सुम्‍पिकइ पाठाइलाइ रइला।

पेरित 15:22

ह्‍व पछि पेरितलत, एल्‍डरलत र मन्‍डलिकराइ सेब्‍बाइ दाजि-भाइकिन मिलिके दुइटाइ मानुस छान्‍ला। होल्‍किन ह्‍व दुइटाकाइ पावल र बारनाबासकर साथनाइ एन्‍टिओखियानाइ पाठाइनार निर्‌नय गर्‌ला। ह्‍व दुइटाइ बारसाबास बल्‍ल यहुदा र सिलास रइला र बिस्‍वासिलत मद्‌दे ह्‍य दुइटाइ मुख्‍य मानुसलत रइला।

पेरित 15:23

ह्‍व चारुटाको हातनाइ होल्‍किन इन्‍खा पत्‍र पाठाइला, “एन्‍टिओखिया, सिरिया र किलिकियानाइ हक्‍लाइ आने जातकराइ बिस्‍वासि दाजि-भाइकाइ, पेरितको र एल्‍डरकोबान सेवाढोग।

पेरित 15:30

ह्‍व पछि बिदा हकिके होलत एन्‍टिओखियानाइ पुग्‍ला, र होल्‍किन मन्‍डलिकराइ बिस्‍वासिल्‍काइ एकइ ठउँ जम्‍मा गराइकइ ह्‍व पत्‍र दिल्‍याक।

पेरित 17:18

इपिकिउरि र इस्‍तोइकि दार्‌सनिकलत मद्‌दे पुनि कत्‍ताल्‍किन पावलसिन बाद-बिबाद गर्‌ला। होल्‍किन बाज्‍ला, “ह्‍य बकबके केति बाज्‍छइ?” कत्‍ताल्‍किन चाइ “हेइनिन ता आने बिदेसि देउताकर पर्‌चार गर्‌ल जिन्‍खाए देख्‍छे” बाज्‍ला। किनारइभने पावलिन येसु र मर्‌लबान जिउँते हक्‍नार कुरोकर पर्‌चार गर्‌तेल।

पेरित 18:22

पावल कइसरियानाइ जहाजबान झर्‌ले र उछ्‌यान यरुसलेम जाइले। अनि उछिकर मन्‍डलिकराइ मान्‍छेल्‍कोसिन भेटघाट गर्‌लपछि एन्‍टिओखिया जाइले।

पेरित 2:10

फिर्‌गिया, पामफिलिया, मिस्‍र देस, कुरेनिनाइ पर्‌नार लिबियाकर छेत्‍रलत र रोमबान आइलाइ,

पेरित 4:36

ह्‍व दिननाइ साइपरस देसकर लेबि कुलकर योसेफ रइल, ह्‍यलाइ पेरितकिन बारनाबास बाजिके बालाइतेला, हेक्‍र अर्‌थ “उत्‍साह दिनार मानुस” हो।

पेरित 5:42

र होल्‍किन दिन-दिने मन्‍दिरनाइ र घर-घरनाइ जाइके येसु ने खिरिस्‍ट हो बाजिके सिकाइ र पर्‌चार गरइ बइछाड्‌ला।

पेरित 6:1

ह्‍व दिननाइ चेलाल्‍को सङ्‌ख्‍या बाढ्‌तिन जाइल रल्‍ति, बाढ्‌तिन जाइतिन हिब्‍रु भासा बाज्‍नाराइ यहुदिल्‍को बिरुद्‌दनाइ गिरिक भासा बाज्‍नाराइ यहुदिल्‍किन गनगन गर्‌ला, किनारइभने दिन्‍ने खाइनार कुरो बाड्‌तिन हाम्‍राइ बिद्‌दुइको मजसिन वास्‍ता बइगर्‌ला बाजिके गिरिक भासा बाज्‍नाराइ यहुदिल्‍को भनाइ रल्‍ति।

पेरित 6:5

ह्‍य कुरो समुहकराइ सेब्‍बाल्‍काइ मन पर्‌ल्‍याक, अनि होल्‍किन बिस्‍वास र पबित्‍र आत्‍मान भरिपुर्‌न हक्‍ल इस्‍तिफनसलाइ छान्‍ला र सङ्‌सगे फिलिप, पर्‌खरस, निकनोर, तिमोन, पर्‌मिनास र एन्‍टिओखिया सहरकर यहुदि धर्‌मनाइ आइल निकोलाउसलाइ छान्‍ला।

पेरित 6:9

तर स्‍वतन्‍तर बाज्‍नार सभाघरकराइ कत्‍ता मान्‍छेल्‍किन चाइ इस्‍तिफनसकर बिरोद गरइ लाग्‍ला। होलत कुरेनि र अलेक्‍जेन्‍डिरिया सहर, किलिकिया र एसिया छेत्‍रकराइ यहुदिलत रइला। होलत सेब्‍बाइ मिलिके इस्‍तिफनसिन बाद-बिबाद गरइ लाग्‍ला।

पेरित 8:35

अनि फिलिपिन होलाइ धर्‌मसास्‍तरकर होइ खन्‍डबान येसुकर बारेनाइ सुसमचार सुनाल्‍ते।

पेरित 8:5

फिलिप चाइ सामरियाकर सहरनाइ जाइके येसु ने मुक्‍ति दिनार खिरिस्‍ट हो बाजिके पर्‌चार गर्‌ले।

पेरित 9:20

अनि साउल तुरुन्‍तइ सभाघरनाइ पसिके “पर्‌भु येसु ने परमेसोरकर बेटाक हो” बाजिके पर्‌चार गरइ लाग्‍ले।

पेरित 9:29

साउल गिरिक भासा बाज्‍नाराइ यहुदिल्‍कोसिन पुनि बाद-बिबाद गर्‌तेल। तर होल्‍किन साउललाइ मारइ हेर्‌तेला।