पेरित 10:22 - माझी

²² होल्‍किन बाज्‍ला, “हाइलाइ रोमि कप्‍तान कर्‌नेलियसिन पाठाइल हो। ह्‍व इमान्‍दार र परमेसोरकर डर मान्‍नार मानुस हो। होलाइ सेब्‍बाइ यहुदिल्‍किन पुनि मान गर्‌छत। परमेसोरकर एउटो पबित्‍र स्‍वर्‌गदुत कर्‌नेलियस हक्‍लनाइ देखा परिके तुइलाइ होक्‍र घरनाइ बालाइके तुइबान सन्‍देस सुनइ बाजिके होइनिन स्‍वर्‌गदुतबान आदेस पाइलाछ।”

पेरित 10:22 ပူးပေါင်းရင်းမြစ်များ

मर्‌कुस 6:20

किनारइभने युहन्‍ना धर्‌माति र पबित्‍र मानुस हो बाजिके हेरोदलाइ था रल्‍ति, अनि हेरोद डाराइतेल होइहुदान युहन्‍नालाइ सुरछित धर्‌ल रइल। युहन्‍नाकर सिछ्‌या सुन्‍तिन हेरोदकर मननाइ छट्‌पटि हक्‍तेल्‍ति, ता पुनि खुसि हकिके सुन्‍तेल।

मर्‌कुस 8:38

अनि ह्‍य बेभिचारि र पापि पुस्‍तानाइ जुन मुइ र मोर बचनदेखि लाजाइछइ, मानुसकर बेटाक पुनि ब्‍वाककर महिमानाइ र पबित्‍र स्‍वर्‌गदुतकोसिन आइतिन ह्‍व देखि लाजाइनारआछ।”

लुका 2:25

ह्‍व बेला सिमियोन नाउँ हक्‍ल मानुस यरुसलेमनाइ बस्‍तेल। ह्‍व परमेसोरकर आग्‍या अन्‍सार हिन्‍नार र धर्‌माति मानुस रइल। होइनिन इज्‍राएलिल्‍काइ बाचाइनार मानुसकर बाट हेरिधर्‌ल रइल र परमेसोरकर आत्‍मा होइसिन रल्‍ति।

लुका 23:50

महासभाकर सदस्‍यलत मद्‌दे यहुदिया छेत्‍रकर अरिमाथिया सहरबान आइल एउटो योसेफ नाउँ गर्‌ल मानुस रइल। ह्‍व मजार र इमान्‍दार मानुस रइल।

लुका 9:26

जुन मानुस मुइसिन र मोर बचनसिन लाजाइछइ, मानुसकर बेटाक पुनि आफ्‍ने र आफ्‍ने ब्‍वाककर र पबित्‍र स्‍वर्‌गदुतकर महिमानाइ आइतिन होलाइ आफ्‍ने बलइलाइ लाजाइनारआछ।

पेरित 10:2

ह्‍व परमेसोरकर बचन पालन गर्‌नार धर्‌मि मानुस रइल। ह्‍व र होक्‍र सेब्‍बाइ परिवारकिन परमेसोरकर डर मान्‍तेला। होइनिन खाँचोनाइ पर्‌लाल्‍काइ खुसि मनिन सायता गर्‌तेल र दिन्‍ने परमेसोरसिन पार्‌थना गर्‌तेल।

पेरित 10:21

अनि पत्‍रुस हेठ्‌ठ झर्‌ले र ह्‍व मान्‍छेल्‍काइ बल्‌-ल्‍याक, “तोराल्‍किन हेर्‌ल मानुस मुइ ने हो। तोरा किनारइ इछि आइलाइ?”

पेरित 10:30

कर्‌नेलियसिन बाज्‍ले, “चार दिन अगाडिकर कुरो हो। दिउँसो तिन बजेदिस मुइ घरनाइ ने पार्‌थना गरिधर्‌ल रइनाइ। एक्‍कासि चहकिलो लुगा लाइल एउटो मानुस मोर अगाडि ठडाइके बाज्‍ले,

पेरित 10:33

होइहुदान मुइ झट्‍टइ तुइलाइ बालाइलाइ मान्‍छेल्‍काइ पाठाइनाइ र हाम्‍रो लागि दुख गरिके इछिसम्‍म आइलइ। अब पर्‌भुन तुइलाइ आग्‍या गर्‌ल कुरो सुनइलाइ हाइ सेब्‍बाइ परमेसोरकर अगाडि जम्‍मा हक्‍लाछे।”

पेरित 10:6

ह्‍व छालाकर काम गर्‌नार सिमोनकर घरनाइ बस्‍लाछ, होक्‍र घर समुन्‍द्‌रकर छेउनाइ आछि।”

पेरित 11:14

होइनिन तुइलाइ बचन सुनाइनारआछ, ह्‍व बचनिन तुइ र तोर सेब्‍बाइ परिवारकिन मुक्‍ति पाइनारआछत।’

पेरित 22:12

“ह्‍व सहरनाइ मोसान लेख्‍ल परमेसोरकर नियम पालन गर्‌नार हननिया नाउँकर एउटो धर्‌मि मानुस रइल। उछिराइ सेब्‍बाइ यहुदिल्‍किन होलाइ आदर गर्‌तेला।

पेरित 24:15

हेलत जिन्‍खाए मुइ पुनि परमेसोरिन धर्‌मि र अधर्‌मि सेब्‍बाल्‍काइ मर्‌लबान जिउँते पार्‌छइ बाजिके आस गर्‌छु।

पेरित 6:3

होइहुदान दाजि-भाइ हो, तोराल्‍को माजबान पबित्‍र आत्‍मा र बुद्‌दिन भरिलाइ र सेब्‍बाल्‍को आदर पाइलाइ सात जनकाइ छानो। हाइ ह्‍य कामकर जिम्‍मा होल्‍काइ दिनारआछे।

१ तिमोथि 3:7

बिसप मन्‍डलि बाइरकराइ मान्‍छेल्‍को अगाडि पुनि असल मानुस हकइ पर्‌छइ, नत्‍र भने मान्‍छेल्‍किन होलाइ निन्‍दा गर्‌नारआछत र दियाबलसकर पासोनाइ पर्‌नारआछ।