पेरित 1:16 - माझी

¹⁶ “दाजि-भाइ हो, धर्‌मसास्‍तरनाइ लेख्‍ल बचन पुरा हकइ पर्‌नार रल्‍ति, जुन बचन येसुलाइ पक्‍राइनारको अगुवा यहुदा इस्‍करियोतकर बारेनाइ दाउदकर मुखबान पइला ने पबित्‍र आत्‍मान बाज्‍ल रइल।

पेरित 1:16 ပူးပေါင်းရင်းမြစ်များ

मर्‌कुस 12:36

किनारइभने दाउद आफिन पबित्‍र आत्‍माबान बाज्‍लाछ, ‘परमपर्‌भुन मोर पर्‌भुलाइ बलल्‍ते, “तुइ मोर दाइने हात पटि बस। जब सम्‍म मुइ तोर सतुरकाइ तोर पइतला हेठ्‌ठान बइपारु।”’

मर्‌कुस 14:43

येसुन ह्‍य कुरो बाज्‍तिन गर्‌तिन बारुटाइ चेलालत मद्‌दे एउटो यहुदा बल्‍ल चेला उछि आइले। होइसिन मुख्‍य पुजारिल्‍किन, धर्‌म-गुरुकिन र आने अगुवाल्‍किन पाठाइलाइ मान्‍छेल्‍को भिड लउरि र तरवार लिके उछि आइला।

लुका 22:47

येसुन ह्‍य कुरो बाज्‍तिन गर्‌तिन मान्‍छेल्‍को भिड उछि आइपुग्‍ला। बारुटाइ चेलालत मद्‌दे एउटो यहुदा बल्‍ल चेलान चाइ भिडको अगि-अगि आइके येसुलाइ मइँ खाइकर लागि येसुकर नजिक जाइले।

पेरित 1:20

पत्‍रुसिन बाज्‍ले, “भजनसङ्‌ग्‍रहकर किताबनाइ इन्‍खा लेख्‍लाछि, ‘होक्‍र बासस्‍थान खालि हक्‍दिक, उछिका कोइ पुनि बास जुनबस्‍दिखन।’ ह्‍य पुनि लेख्‍लाछि, ‘होक्‍र कामकर जिम्‍मा अर्‌केन ने लिदिक।’

पेरित 13:15

मोसान लेख्‍ल परमेसोरकर नियम र अगमबक्‍ताल्‍किन लेख्‍ल किताबबान पढ्‌लपछि सभाघरकराइ सासककिन पावल र बारनाबासलाइ बालाइके बल्‌-ल्‍याक, “ए भाइलत, तोराल्‍कोसिन मान्‍छेल्‍काइ साहस दिनार केइ बचन आछ भने बाजो।”

पेरित 13:38

होइहुदान दाजि-भाइ हो, होइ येसुबान ने पापकर छेमा हक्‍छि बाजिके मुइ तोराल्‍काइ बल्‍छु।

पेरित 15:13

होल्‍किन बाजिसक्‍लपछि याकुबिन ठडाइके बाज्‍ले, “दाजि-भाइलत, मोर कुरो सुनो।

पेरित 15:7

धेरइ बाद-बिबाद हक्‍लपछि पत्‍रुसिन ठडाइके बाज्‍ले, “दाजि-भाइलत, तोराल्‍काइ था ने रोइस्‍या, पइला ने परमेसोरिन मोर मुखबान आने जातिल्‍किन सुसमचारकर बचन सुन्‍दिखन र बिस्‍वास गर्‌दिखन बाजिके तोराल्‍को माजबान मुइलाइ छान्‍ल रइल।

पेरित 2:23

परमेसोरिन आफ्‍ने निस्‍चित योजना र ग्‍यानअन्‍सार येसुलाइ तोराल्‍को हातनाइ सुम्‍पिदिले र तोराल्‍किन होलाइ अधर्‌मि मान्‍छेल्‍को हातनाइ सुम्‍पिकइ कुरुसनाइ टागिकइ मारइ लाइलो।

पेरित 2:37

ह्‍य कुरो सुनिके होल्‍को हिर्‌दय छिया-छिया हक्‍ल्‍याक, अनि होल्‍किन पत्‍रुस र आने पेरितकाइ सोद्‌ला, “दाजि-भाइ हो, अब हाइ केति गर्‌नार?”

पेरित 22:1

“दाजि-भाइ तथा ब्‍वालत, तोराल्‍को अगाडि मुइनिन आफ्‍ने पछ्‌यनाइ बाजइपर्‌नार कुरो अब सुनो।”

पेरित 23:1

पावलिन महासभानाइ हक्‍लाइ सेब्‍बाल्‍काइ मजसिन हेर्‌तिन बाज्‍ले, “दाजि-भाइ हो, आजकर दिनसम्‍म मुइनिन परमेसोरकर अगि सुद्‌द बिबेकिन जिबन बिताइ धर्‌लाछु।”

पेरित 23:6

अनि पावलिन ह्‍व महासभानाइ सदुकि र फरिसिलत आछत बाजिके था पाइले र बड्‌खो सोरिन बाज्‍ले, “दाजि-भाइ हो, मुइ ता फरिसिकर बेटाक फरिसि ने हो, मुइनिन मर्‌ल मानुस फेरि जिउँते हक्‍छइ बाजिके आस गर्‌ल कारनिन इछि मोर मुद्‌दा चलिधर्‌लाछि।”

पेरित 28:17

तिन दिनपछि पावलिन उछिराइ यहुदिल्‍को अगुवाल्‍काइ बालाइल्‍याक। होलत जम्‍मा हक्‍लपछि पावलिन बल्‌-ल्‍याक, “दाजि-भाइ हो, मुइनिन ता हाम्‍रो जाति र हाम्‍रो पुर्‌खादेखि चल्‍तिन आइल रितिथितिकर बिरुद्‌दनाइ केइ काम बइगर्‌तिन पुनि यहुदि दाजि-भाइकिन मुइलाइ यरुसलेमनाइ आठाइके रोमिल्‍को जिम्‍मानाइ सुम्‍पिदिला।

पेरित 28:25

होलत आफि-आफिनाइ असहमत हक्‍ला, र बिदा हकिके जाइलाग्‍तिन पावलिन होल्‍काइ इनिखे बल्‌-ल्‍याक, “तोराल्‍को पुर्‌खाल्‍काइ यसइया अगमबक्‍ता मार्‌फत पबित्‍र आत्‍मान बल्‍ल बचन ठिके रल्‍ति,

पेरित 7:2

इस्‍तिफनसिन बाज्‍ले, “मोर दाजि-भाइ र ब्‍वालत, मोर कुरो ध्‍यान दिके सुनो, हाम्‍रो पुर्‌खा अब्‍राहाम हाराननाइ जाइ भन्‍दा अगाडि मेसोपोटामियानाइ हक्‍तिन महिमाकर परमेसोर देखा पर्‌ले,