२ तिमोथि 4:4 - माझी

⁴ अनि होल्‍किन सत्‍य कुरो सुनइ इन्‍कार गर्‌नारआछत र दन्‍त्‍य कथादिस मन लाइनारआछत।

२ तिमोथि 4:4 ပူးပေါင်းရင်းမြစ်များ

पेरित 7:57

तर होलत बड्‌खो सोरिन साराइतिन उठ्‌ला, र आ-आफ्‍ने कान थुन्‍ला, अनि होलाइ एकेचोटि झम्‍टिला।

२ थेसलोनिकि 2:11

होइहुदान होल्‍किन झुटो कुरोनाइ बिस्‍वास गर्‌दिखन बाजिके परमेसोरिन छलकर सक्‍ति पाठाइनारआछ।

१ तिमोथि 1:4

र होलत पइलाकराइ मान्‍छेल्‍किन बानाइल दन्‍त्‍य कथालत र कइले बइटुङ्‌गिनार बङ्‌सावलिलाइ छाड्‌दिखन, किनारइभने इन्‍खा कुरोन बाद-बिबाद मात्‍र हक्‍छइ र परमेसोरनाइ बिस्‍वासकर जिबन बिताइनारकाइ केइ सायता बइगर।

१ तिमोथि 4:7

परमेसोरकर अपमान गर्‌नार र अर्‌थ बइहक्‍ल कथाबान बद्‌दुर बस, बुरु परमेसोरकर बचन अन्‍सार हिन्‍नार कोसिस गर।

१ तिमोथि 6:20

तिमोथि, परमेसोरिन तुइलाइ जिम्‍मा दिल कुरोलाइ मजसिन हेरचाह गर। अनि तुइ परमेसोरलाइ निन्‍दा गर्‌नार मुर्‌ख कुरोबान र नचाइदो फटा कुरो, जुन्‍टोचाइ बिना कामकर ग्‍यान हो, ह्‍य कुरोबान बद्‌दुर बस।

२ तिमोथि 1:15

तुइलाइ था रोइस्‍यास, कि एसियानाइ हक्‍नाराइ सेब्‍बाइ मुइबान छुट्‌टिकइ जाइला, होलत मद्‌दे फुगेलस र हर्‌मोगेनस हो।

तितस 1:14

होल्‍किन यहुदिल्‍को दन्‍त्‍य कथा जुनसुन्‍दिखन र सत्‍यलाइ इन्‍कार गर्‌नाराइ मान्‍छेल्‍को आग्‍या जुनमान्‍दिखन।