२ तिमोथि 3:8 - माझी

⁸ यान्‍नेस र याम्‍ब्‍रेसिन मोसाकर बिरोद गर्‌ल जिन्‍खाए ह्‍य मान्‍छेल्‍किन पुनि सत्‍य कुरोकर बिरोद गर्‌छत। इन्‍खा मान्‍छेल्‍को दिमाख भरस्‍ट र बिस्‍वास पुनि नक्‍कलि हक्‍स्‍याक।

२ तिमोथि 3:8 ပူးပေါင်းရင်းမြစ်များ

पेरित 15:24

हाम्‍रो माजबान जाइलाइ कोइ-कोइ मान्‍छेल्‍किन गलत सिछ्‌या दिके तोराल्‍को मन अलमलनाइ पारिके धेरे दुख दिल कुरो हाइनिन सुन्‍लाछे। तर हाइनिन ह्‍व मान्‍छेल्‍काइ पाठाइलाइ बया।

१ तिमोथि 1:19

ह्‍व बेला आफ्‍ने बिस्‍वास र सुद्‌द बिबेकलाइ जोगाइ धर। कत्‍ताल्‍किन आफ्‍ने बिबेकिन बल्‍ल बइमान्‍तिन होल्‍को बिस्‍वास ने नाठ्‌लाछि।

१ तिमोथि 4:2

इन्‍खा सिछ्‌या झुटो बाज्‍नाराइ मान्‍छेल्‍कोबान आइछइ, हेल्‍को बिबेक तातो फालामिन डाम्‍ल जिन्‍खाए केइ था बइपाइनार हक्‍स्‍याक।

१ तिमोथि 6:5

इन्‍खा मान्‍छेलत ता एकोरो कच-कच गरिधर्‌छत, होल्‍को बुद्‌दि बिग्‍रिल हक्‍स्‍याक, होल्‍किन सत्‍य गुमाइ सक्‍लाइ हक्‍छत, होल्‍किन धार्‌मिक सिछ्‌या पालन गरइचाइ धन कामाइनार उपाय हो बाजिके सम्‍जिछत।

२ तिमोथि 4:15

तुइ पुनि ह्‍वसिन होसियार हकिके बस। किनारइभने होइनिन हाम्‍रो पर्‌चारकर एकदम बिरोद गर्‌छइ।

तितस 1:10

किनारइभने धेराइ मान्‍छेलत आनेल्‍को अधिननाइ बइबस्‍नाराइ, बेर्‌थेकर कुरो गर्‌नाराइ र झुक्‍काइनाराइ हक्‍छत, हेलत मद्‌दे खतना गरइ पर्‌छइ बाज्‍नाराइ झन इन्‍खाए हक्‍छत।

तितस 1:16

होल्‍किन परमेसोरलाइ चिन्‍लाछे बाजिके दाबि ता गर्‌छत, तर होल्‍किन आफ्‍ने कामबाटेन चाइ परमेसोरलाइ इन्‍कार गरि धर्‌लाइ हक्‍छत। होलत घिनलाग्‍दाइ र अट्‌टेरि हक्‍छत, र कुनइ असल काम गरइ योग्‍यकराइ बइहकत।