२ तिमोथि 3:5 - माझी

⁵ र धर्‌मि हो बाजिके टोपल्‍नाराइ, तर परमेसोरकर सक्‍तिन गर्‌ल कामलाइ चाइ इन्‍कार गर्‌नाराइ हक्‍छत। इन्‍खा मान्‍छेल्‍कोसिन बद्‌दुर बस।

२ तिमोथि 3:5 ပူးပေါင်းရင်းမြစ်များ

२ थेसलोनिकि 3:14

हाइनिन ह्‍य पत्‍रनाइ लेख्‍ल कुरो यदि कुन्‍नुल्‍किन पालन बइगरत भने, होलाइ चिनिधरो र ह्‍वसिन केइ सम्‍बन्‍ध जुनधरो। इन्‍खा गर्‌लो भने ह्‍व लाजनाइ पर्‌नारआछ।

२ थेसलोनिकि 3:6

दाजि-भाइ हो, हाम्‍रो पर्‌भु येसु खिरिस्‍टकर नाउँनाइ हाइ तोराल्‍काइ आग्‍या दिछे, कि हाइनिन दिल सिछ्‌यानाइ बइहिन्‍नाराइ र अल्‍छिल्‍कोबान बद्‌दुर बसो।

१ तिमोथि 4:7

परमेसोरकर अपमान गर्‌नार र अर्‌थ बइहक्‍ल कथाबान बद्‌दुर बस, बुरु परमेसोरकर बचन अन्‍सार हिन्‍नार कोसिस गर।

१ तिमोथि 4:8

किनारइभने सरिरकर लागि गर्‌ल तालिमिन केइ दिन मात्‍र फाइदा हक्‍छइ, तर परमेसोरकर बचन अन्‍सार हिन्‍ले भने धेरे कुरोकर फाइदा हक्‍छइ। ह्‍य अखन र पछिकर जिबनकर लागि गर्‌ल पर्‌तिग्‍या हो।

१ तिमोथि 5:8

यदि कुन्‍नुल्‍किन आफ्‍ने नातेदारकर र खास गरिके आफ्‍ने परिवारकर पालनपोसन बइगर भने ता होइनिन बिस्‍वास गरइ छाड्‌छइ, र बिस्‍वास बइगर्‌नाराइ भन्‍दा पुनि खराब हक्‍छइ।

१ तिमोथि 6:5

इन्‍खा मान्‍छेलत ता एकोरो कच-कच गरिधर्‌छत, होल्‍को बुद्‌दि बिग्‍रिल हक्‍स्‍याक, होल्‍किन सत्‍य गुमाइ सक्‍लाइ हक्‍छत, होल्‍किन धार्‌मिक सिछ्‌या पालन गरइचाइ धन कामाइनार उपाय हो बाजिके सम्‍जिछत।

२ तिमोथि 2:16

परमेसोरलाइ आदर बइगर्‌नार बेर्‌थेकर कुरोलाइ त्‍याग, किनारइभने इन्‍खा कुरोन मान्‍छेल्‍काइ परमेसोरबान झन बद्‌दुर लाकाइछइ।

२ तिमोथि 2:23

तर तुइ मुर्‌ख र बिना कामकर बाद-बिबादबान बद्‌दुरे बस। तुइलाइ था रोइस्‍यास, इन्‍खा कुरोन झगडा मात्‍र हक्‍छि।

तितस 1:16

होल्‍किन परमेसोरलाइ चिन्‍लाछे बाजिके दाबि ता गर्‌छत, तर होल्‍किन आफ्‍ने कामबाटेन चाइ परमेसोरलाइ इन्‍कार गरि धर्‌लाइ हक्‍छत। होलत घिनलाग्‍दाइ र अट्‌टेरि हक्‍छत, र कुनइ असल काम गरइ योग्‍यकराइ बइहकत।

तितस 3:10

झगडा गर्‌नार मानुसलाइ चाइ एक-दुइ चोटि सम्‍जाइ। उनिखे गर्‌तिन पुनि बइमान्‍ले भने ह्‍वसिन कुनइ सम्‍बन्‍ध बइधरइ।