२ तिमोथि 3:2 - माझी

² किनारइभने ह्‍व बेला मान्‍छेलत आफिलाइ मात्‍र मया गर्‌नाराइ, पइसाकर लोब गर्‌नाराइ, घमन्‍डि, हठि, आनेल्‍को बदनाम गर्‌नाराइ, आमेक-ब्‍वाकिन बल्‍ल बइमान्‍नाराइ, बइगुनि, अपबित्‍र,

२ तिमोथि 3:2 ပူးပေါင်းရင်းမြစ်များ

लुका 12:15

अनि फेरि येसुन होल्‍काइ बल्‌-ल्‍याक, “होसियार हको, सेब्‍बे लोब-लालचबान जोगिकइ बसो किनारइभने धन-सम्‍पति जत्‍ता धेरइ हक्‍तिन पुनि मानुसलाइ होइनिन साँच्‍चिकर जिबन चाइ बइदेक।”

लुका 16:14

ह्‍य सुनिके फरिसिल्‍किन येसुकर कुरोलाइ ठट्‍टानाइ उडाइला किनारइभने होल्‍किन पइसालाइ धेरइ मया गर्‌तेला।

लुका 6:35

तर आफ्‍ने सतुरलाइ मया गरो, सेब्‍बाल्‍काइ मजार गरो र रिन माङ्‌नारकाइ फिर्‌ता पाइनार आस नधरिकइ रिन दिखन। उन्‍खाए गर्‌लो भने तोराल्‍किन बड्‌खो इनाम पाइनारआछो र महान परमेसोरकर सन्‍तान हक्‍छो। किनारइभने परमेसोरिन ता बइगुनि र दुस्‍टल्‍काइ पुनि दया गर्‌छइ।

पेरित 5:36

किनारइभने केइ बर्‌स अगाडि थुदास बल्‍ल एउटो मानुस आफिलाइ बड्‌खो मानुस हो बाजिके आइल रइल, तर ह्‍व मारिले, र होलाइ पछ्‌याइनाराइ लगभग चार सय मान्‍छेलत छरपस्‍ट हक्‍ला, अनि होक्‍र नाउँ निसाने नाठल्‍ते।

२ थेसलोनिकि 2:4

होइनिन आफिलाइ उप्‍र बानाइके मान्‍छेल्‍किन परमेसोर बाजिके पुजा गर्‌ल सेब्‍बे थोककर बिरोद गर्‌नारआछ र आफिलाइ परमेसोर हो बाज्‍तिन परमेसोरकर मन्‍दिरनाइ बस्‍नारआछ।

१ तिमोथि 1:20

हेलत मद्‌दे हुमेनियस र अलेक्‍जेन्‍डर हो। होल्‍किन परमेसोरकर निन्‍दा जुनगर्‌दिखन बाजिके मुइनिन होल्‍काइ सइतानलाइ जिम्‍मा लाइदिलाछु।

१ तिमोथि 1:9

हाइलाइ ह्‍य कुरो पुनि था आछ, परमेसोरकर नियम धर्‌मातिल्‍को लागि बया। ह्‍य ता नियम पालन बइगर्‌नाराइ र अट्‌टेरिल्‍को लागि, परमेसोरलाइ बइमान्‍नाराइ र पापिल्‍को लागि, आमेक-ब्‍वाकलाइ मार्‌नाराइ र ज्‍यानमाराल्‍को लागि,

१ तिमोथि 3:3

मातिकइ बइहिन्‍नार र रिसुवा हकइ बइहक तर ह्‍व नम्‍र, झगडा बइगर्‌नार, पइसाकर लोब बइगर्‌नार,

१ तिमोथि 6:10

किनारइभने पइसालाइ मया गरइ ने सेब्‍बे थरिकर खराब कुरोकर जरा हो। पइसाकर लोबिन गर्‌तिन कत्‍ता बिस्‍वासिलत ता बिस्‍वास छाडिके बइमजार काम गरइ लाग्‍लाछत र धेरे पिडान गर्‌तिन होल्‍को हिर्‌दय छिया-छिया हक्‍लइस्‍याक।

१ तिमोथि 6:4

ह्‍व मानुस घमन्‍डि र केइ जान्‍ल बइहक। होइनिन बिना कामनाइ बाद-बिबाद गर्‌छइ र एउटो-एउटो सब्‍दलाइ लिके झगडा गर्‌छइ। इन्‍खा कुरोन डार, फुट, बदनाम र बइमजार सङ्‌का उत्‍पन्‍न गराइछइ।

२ तिमोथि 3:4

बिस्‍वासघाति, उत्‍ताउलाइ, मुइ जिन्‍खाए कोइ बइनेत बाज्‍तिन हिन्‍नाराइ, परमेसोरलाइ भन्‍दा मोज-मस्‍तिलाइ मन पराइनाराइ,