२ थेसलोनिकि 3:6 - माझी

⁶ दाजि-भाइ हो, हाम्‍रो पर्‌भु येसु खिरिस्‍टकर नाउँनाइ हाइ तोराल्‍काइ आग्‍या दिछे, कि हाइनिन दिल सिछ्‌यानाइ बइहिन्‍नाराइ र अल्‍छिल्‍कोबान बद्‌दुर बसो।

२ थेसलोनिकि 3:6 ပူးပေါင်းရင်းမြစ်များ

१ थेसलोनिकि 4:1

अन्‍त्‍यनाइ दाजि-भाइ हो, पर्‌भु येसुनाइ हाइ तोराल्‍काइ बिन्‍ति गर्‌छे र अर्‌ति दिछे, कि तोराल्‍किन किनिखे जिबन बिताइनार र परमेसोरलाइ किनिखे खुसि बानाइनार बाजिके तोराल्‍किन हाइबान सिक्‍लो, र उन्‍खाए गर्‌तिन पुनि आछो होइनाइ तोरा अजइ बाढ्‌तिन जाओ।

१ थेसलोनिकि 4:11

हाइनिन तोराल्‍काइ आग्‍या दिल जिन्‍खाए, तोराल्‍किन सान्‍त जिबन बिताओ, आफ्‍ने कामनाइ ध्‍यान देओ र आफ्‍ने हातिन काम गरो।

१ थेसलोनिकि 5:14

दाजि-भाइ हो, हाइ तोराल्‍काइ बिन्‍ति गर्‌छे, अल्‍छिकाइ चेतावनि दिखन, हरेस खाइनारकाइ होउसला दिखन र कमजोरिकाइ सायता गरो, अनि सेब्‍बाल्‍कोसिन सइकइ बसो।

२ थेसलोनिकि 2:15

होइहुदान दाजि-भाइ हो, दरो हकिके बसो र हाइनिन बल्‍ल वा पत्‍रबान लेख्‍ल जे सिछ्‌या तोराल्‍किन पाइलाछो होइलाइ ने मजसिन पालन गरिधरो।

२ थेसलोनिकि 3:7

किनारइभने हाइनिन गर्‌ल जिन्‍खाए तोराल्‍किन पुनि गरइपर्‌छइ बाजिके तोराल्‍काइ था रोइस्‍या। हाइ तोराल्‍कोसिन बस्‍तिन कइले अल्‍छि हकिके बइबस्‍ले।

१ तिमोथि 5:21

परमेसोर, खिरिस्‍ट येसु र चुन्‍लाइ स्‍वर्‌गदुतको अगाडि मुइ तुइलाइ कडा आग्‍या दितिन ह्‍य बल्‍तिन आछु, कुनुल्‍काइ पछ्‌यपात नगरिकइ ह्‍य नियमलत तुइनिन पालन गर।

१ तिमोथि 6:5

इन्‍खा मान्‍छेलत ता एकोरो कच-कच गरिधर्‌छत, होल्‍को बुद्‌दि बिग्‍रिल हक्‍स्‍याक, होल्‍किन सत्‍य गुमाइ सक्‍लाइ हक्‍छत, होल्‍किन धार्‌मिक सिछ्‌या पालन गरइचाइ धन कामाइनार उपाय हो बाजिके सम्‍जिछत।

२ तिमोथि 3:5

र धर्‌मि हो बाजिके टोपल्‍नाराइ, तर परमेसोरकर सक्‍तिन गर्‌ल कामलाइ चाइ इन्‍कार गर्‌नाराइ हक्‍छत। इन्‍खा मान्‍छेल्‍कोसिन बद्‌दुर बस।

२ तिमोथि 4:1

मर्‌लाइ र जिउँताइ सेब्‍बाल्‍को न्‍याय गरइ आइनार खिरिस्‍ट येसु र परमेसोरकर अगाडि, अनि होक्‍र आगमन र राज्‍यलाइ ध्‍याननाइ धरिके मुइ तुइलाइ ह्‍य आग्‍या दिछु,