२ थेसलोनिकि 3:2 - माझी

² अनि परमेसोरिन हाइलाइ खराब र दुस्‍ट मान्‍छेल्‍कोबान बाचाइल हक्‍दिक, किनारइभने सेब्‍बाइ मान्‍छेल्‍किन सुसमचारनाइ बिस्‍वास बइगरत।

२ थेसलोनिकि 3:2 ပူးပေါင်းရင်းမြစ်များ

लुका 18:8

मुइ तोराल्‍काइ बल्‍छु, परमेसोरिन चाने ने होल्‍को न्‍याय गर्‌दिनारआछ। तर मानुसकर बेटाक आइतिन केति होइनिन धर्‌तिनाइ बिस्‍वास गर्‌नाराइ भेट्‍टाइछइ र?”

पेरित 13:45

मान्‍छेल्‍को बड्‌खो भिड देखिके यहुदिलत डाहन भरिके पावलिन बाज्‍ल कुरोकर बिरोद गर्‌तिन डाउनो गर्‌ला।

पेरित 13:50

तर यहुदिल्‍किन परमेसोरकर डर मान्‍नाराइ मुख्‍य पद पाइलाइ बेटिल्‍काइ, र सहरकराइ मुख्‍य-मुख्‍य मान्‍छेल्‍काइ पावल र बारनाबासकर बिरोद गरइलाइ उस्‍काइल्‍याक र ह्‍व छेत्‍रबान बाइर फुकाल्‍दिल्‍याक।

पेरित 14:2

तर पर्‌भुनाइ बिस्‍वास बइगर्‌नाराइ यहुदिल्‍किन चाइ आने जातकराइ मान्‍छेल्‍काइ उस्‍काइके पर्‌भुनाइ बिस्‍वास गर्‌नाराइ दाजि-भाइको बिरोद गरइ लाग्‍ला।

पेरित 17:5

तर आने यहुदिलत चाइ डाहन भरिके बजारकराइ बदमासकाइ जम्‍मा गरिके सहरनाइ होहल्‍ला गरइ लाइल्‍याक, र पावल र सिलासलाइ भिडकर अगाडि आनइकर लागि होलत यासोनकर घरनाइ जाइके तोड-फोड गर्‌ला।

पेरित 25:27

किनारइभने एउटो कइदिकर बिरुद्‌दनाइ केइ दोस नदेखाइके, होलाइ सम्‍राटकर उछि पाठाइ मुइलाइ ठिक बइलाग्‍ले।”

पेरित 28:24

होइनिन बाज्‍ल कुरोनाइ कत्‍ताल्‍किन बुजिकइ बिस्‍वास गर्‌ला, तर कत्‍ताल्‍किन चाइ बइगर्‌ला।

१ थेसलोनिकि 2:18

किनारइभने हाइ तोरा हक्‍लनाइ आइ हेर्‌लाइ रइले, मुइ पावल चाइ घरि-घरि आइनार कोसिस गर्‌नाइ, तर सइतानिन हाइलाइ रोक्‍ले।

२ तिमोथि 4:17

तर पर्‌भु मोर साथनाइ हकिके आने जातिल्‍किन सुसमचार सुनइ सक्‍दिखन बाजिके पर्‌चार गरइकर लागि सक्‍ति दिले। अनि पर्‌भुन मुइलाइ सिहकर मुखबान बाचाइले।