२ थेसलोनिकि 2:8 - माझी

⁸ ह्‍व पछि पाप गर्‌नार मानुस देखा पर्‌नारआछ। पर्‌भु येसुन होलाइ आफ्‍ने मुखकर सासिन नास गर्‌नारआछ, र होक्‍र आगमनकर उज्‍यालोन ह्‍व नस्‍ट हक्‍नारआछ।

२ थेसलोनिकि 2:8 ပူးပေါင်းရင်းမြစ်များ

२ थेसलोनिकि 2:3

तोराल्‍काइ कुन्‍नुल्‍किन पुनि कुनइ तरिकान जुनझुक्‍याइदिखन। किनारइभने परमेसोरकर बड्‌खो बिरोद नहकुन्‍जेलसम्‍म पाप गर्‌नार मानुस वा नास हकइ पर्‌नार मानुस देखा नपरुन्‍जेलसम्‍म ह्‍व दिन आइनार बइने।

१ तिमोथि 6:14

मुइ तुइलाइ ह्‍य आग्‍या दिछु, हाम्‍रो पर्‌भु येसु खिरिस्‍ट नआउन्‍जेल ह्‍य आग्‍यालाइ मजसिन पालन गर, ताकि कुन्‍नुल्‍किन दोस लाइ जुनसक्‍दिखन।

२ तिमोथि 1:10

ह्‍य अनुगरह अखन हाम्‍रो मुक्‍तिदाता खिरिस्‍ट येसु आइलपछि देखाइलाछ। होइनिन ने मिर्‌त्‍युकर सक्‍तिलाइ नास गर्‌ले र सुसमचारबान अजम्‍बरि जिबन देखाइले।

२ तिमोथि 4:1

मर्‌लाइ र जिउँताइ सेब्‍बाल्‍को न्‍याय गरइ आइनार खिरिस्‍ट येसु र परमेसोरकर अगाडि, अनि होक्‍र आगमन र राज्‍यलाइ ध्‍याननाइ धरिके मुइ तुइलाइ ह्‍य आग्‍या दिछु,

२ तिमोथि 4:8

अब परमेसोरिन मोर लागि धार्‌मिकताकर मुकुट धर्‌दिलाछ, जुन ठिकसिन न्‍याय गर्‌नार पर्‌भुन ह्‍व दिन मुइलाइ दिनारआछ। मुइलाइ मात्‍र बया, तर ह्‍व आइछइ बाजिके अस्‍याइ धर्‌नाराइ सेब्‍बाल्‍काइ दिनारआछ।

तितस 2:13

इनिखे ने हाइनिन आसा धर्‌ल कुरो पुरा हक्‍नार दिनकर बाट हेर्‌छे। ह्‍व दिन हाम्‍रो महान परमेसोर र मुक्‍तिदाता येसु खिरिस्‍टकर बड्‌खो आदर हक्‍ल देखइ पाइनारआछे।