२ थेसलोनिकि 1:7 - माझी

⁷ र तोरा दुख पाइलाल्‍काइ हाइसगिन छुट्‌कारा दिनारआछ, ह्‍य कुरो ह्‍व दिन हक्‍नारआछि, जब पर्‌भु येसु आफ्‍ने सक्‍तिसालि स्‍वर्‌गदुतकोसिन आगिकर ज्‍वालानाइ स्‍वर्‌गबान आइनारआछ।

२ थेसलोनिकि 1:7 ပူးပေါင်းရင်းမြစ်များ

मर्‌कुस 14:62

येसुन बाज्‍ले,“मुइ हो, अनि एक दिन तोराल्‍किन मानुसकर बेटाकलाइ सर्‌बसक्‍तिमानकर दाइनेपटि सिहासननाइ बसिधर्‌ल र स्‍वर्‌गबान बादलनाइ आइधर्‌ल देख्‍नारआछो।”

मर्‌कुस 8:38

अनि ह्‍य बेभिचारि र पापि पुस्‍तानाइ जुन मुइ र मोर बचनदेखि लाजाइछइ, मानुसकर बेटाक पुनि ब्‍वाककर महिमानाइ र पबित्‍र स्‍वर्‌गदुतकोसिन आइतिन ह्‍व देखि लाजाइनारआछ।”

लुका 16:25

तर अब्‍राहामिन होलाइ बलल्‍ते, ‘बेटाक, याद गर, तुइ सन्‍सारनाइ हक्‍तिन आफ्‍ने जिबन सुखनाइ बिताइलइ तर लाजरसिन चाइ दुखइ-दुख पाइल रइल। अखन इछि लाजरस सुखनाइ आछ र तुइ चाइ कस्‍टनाइ आछस।

लुका 17:30

मानुसकर बेटाक आइनार दिननाइ पुनि इन्‍खाए हक्‍नारआछि।

पेरित 1:11

होल्‍किन बाज्‍ला, “गालिलकराइ मान्‍छे हो, तोरा किनारइ आकासदिस हेर्‌तिन ठडाइधर्‌लाछो? येसु ता स्‍वर्‌ग जाइसक्‍ले, जिनिखे अखन तोराल्‍किन येसुलाइ स्‍वर्‌ग जाइधर्‌ल देख्‍लाछो, उनिखे ने येसु फेरि आइनारआछ।”

पेरित 3:19

अब तोरा आ-आफ्‍ने पापलाइ मानिलिके परमेसोरदिस फर्‌कोउबे र परमेसोरिन तोराल्‍को सेब्‍बे पाप छेमा गर्‌दिनार आछ अनि परमपर्‌भुबान सान्‍ति र आनन्‍द पाइनार आछो।

१ थेसलोनिकि 3:13

ता कि हाम्‍रो पर्‌भु येसु आफ्‍ने सेब्‍बाइ पबित्‍र जनकोसिन फेरि आइतिन होइनिन हाम्‍रो परमेसोर ब्‍वाकर अगाडि तोराल्‍को हिर्‌दय पबित्‍र र निर्‌दोस बानाइके इस्‍थिर गराइदिक।

२ तिमोथि 2:12

हाइनिन ह्‍वसिन दुख सइ सक्‍ले भने, हाइ ह्‍वसिन ने राज्‍य गर्‌नारआछे। हाइनिन होलाइ इन्‍कार गर्‌छे भने, होइनिन पुनि हाइलाइ इन्‍कार गर्‌नारआछ,

तितस 2:13

इनिखे ने हाइनिन आसा धर्‌ल कुरो पुरा हक्‍नार दिनकर बाट हेर्‌छे। ह्‍व दिन हाम्‍रो महान परमेसोर र मुक्‍तिदाता येसु खिरिस्‍टकर बड्‌खो आदर हक्‍ल देखइ पाइनारआछे।