१ तिमोथि 6:9 - माझी

⁹ तर धनि हकइ चाइनाराइचाइ परिछ्‌यानाइ र पासोनाइ पर्‌छत। अनि धेरे मुर्‌ख र हानिकारक इछ्‌यानाइ डुब्‍छत, इन्‍खाए इछ्‌यान मान्‍छेल्‍काइ बर्‌बाद र सर्‌बनासनाइ पुराइछइ।

१ तिमोथि 6:9 ပူးပေါင်းရင်းမြစ်များ

मर्‌कुस 4:19

तर ह्‍य जिबनकर चिन्‍ता, धन-सम्‍पति र आने थोककर लोबिन गर्‌तिन बचन नाठ्‌तिन जाइछि र होइनिन फल फलाइ बइसक।

लुका 12:21

अनि येसुन होलाइ बलल्‍ते, “आफ्‍ने लागि मात्‍र धन-सम्‍पति थुपार्‌नार तर परमेसोरकर नजरनाइ धनि बइहक्‍नारकर हालत इन्‍खाए ने हक्‍छि।”

लुका 21:35

इनिखे धर्‌तिनाइ हक्‍लाइ सेब्‍बाइ मान्‍छे उप्‍रान ह्‍व दिन आइनारआछि।

पेरित 8:20

तर पत्‍रुसिन बलल्‍ते, “तोर पइसा तुइसिन ने नस्‍ट हक्‍दिक, किनारइभने तुइनिन परमेसोरकर बरदानलाइ पइसानाइ किनइ सक्‍छे बाजिके बिचार गर्‌लइ।

१ तिमोथि 1:9

हाइलाइ ह्‍य कुरो पुनि था आछ, परमेसोरकर नियम धर्‌मातिल्‍को लागि बया। ह्‍य ता नियम पालन बइगर्‌नाराइ र अट्‌टेरिल्‍को लागि, परमेसोरलाइ बइमान्‍नाराइ र पापिल्‍को लागि, आमेक-ब्‍वाकलाइ मार्‌नाराइ र ज्‍यानमाराल्‍को लागि,

१ तिमोथि 3:7

बिसप मन्‍डलि बाइरकराइ मान्‍छेल्‍को अगाडि पुनि असल मानुस हकइ पर्‌छइ, नत्‍र भने मान्‍छेल्‍किन होलाइ निन्‍दा गर्‌नारआछत र दियाबलसकर पासोनाइ पर्‌नारआछ।

१ तिमोथि 6:10

किनारइभने पइसालाइ मया गरइ ने सेब्‍बे थरिकर खराब कुरोकर जरा हो। पइसाकर लोबिन गर्‌तिन कत्‍ता बिस्‍वासिलत ता बिस्‍वास छाडिके बइमजार काम गरइ लाग्‍लाछत र धेरे पिडान गर्‌तिन होल्‍को हिर्‌दय छिया-छिया हक्‍लइस्‍याक।

१ तिमोथि 6:17

अखन ह्‍य सन्‍सारनाइ धनि हक्‍नाल्‍काइ घमन्‍ड जुनगरो बाजिके आग्‍या दिखन, र नस्‍ट हकिके जाइनार धननाइ बया तर हाइलाइ सेब्‍बे थोक पर्‌सस्‍त परयोग गरइ दिनार परमेसोरनाइ होल्‍किन आसा धर्‌दिखन।

२ तिमोथि 2:26

अनि होल्‍को होस आइल पछि दियाबलसकर बन्‍धनबान उम्‍किनार आछत। किनारइभने दियाबलसिन होल्‍काइ आफ्‍ने इछ्‌या पुरा गरइलाइ बन्‍धननाइ धर्‌लाछ।

तितस 2:12

ह्‍य अनुगरहन हाइलाइ परमेसोरलाइ मन बइपर्‌नार जिबन र सन्‍सारिक लोब त्‍यागइ लाइछइ, र आफिन आफिलाइ अधिननाइ धरिके ह्‍य सन्‍सारनाइ सोजो र धर्‌मि जिबन बिताइ सिकाइछइ।