१ तिमोथि 6:20 - माझी

²⁰ तिमोथि, परमेसोरिन तुइलाइ जिम्‍मा दिल कुरोलाइ मजसिन हेरचाह गर। अनि तुइ परमेसोरलाइ निन्‍दा गर्‌नार मुर्‌ख कुरोबान र नचाइदो फटा कुरो, जुन्‍टोचाइ बिना कामकर ग्‍यान हो, ह्‍य कुरोबान बद्‌दुर बस।

१ तिमोथि 6:20 ပူးပေါင်းရင်းမြစ်များ

पेरित 16:1

पावल डर्‌बि र लुस्‍त्‍रा सहरनाइ पुग्‍ले। उछिका तिमोथि नाउँ हक्‍ल एउटो चेला रइल। होक्‍रि आमेक पर्‌भुलाइ बिस्‍वास गर्‌नारि यहुदि बेटि रइलि र ब्‍वाक चाइ गिरिक रइल।

पेरित 17:18

इपिकिउरि र इस्‍तोइकि दार्‌सनिकलत मद्‌दे पुनि कत्‍ताल्‍किन पावलसिन बाद-बिबाद गर्‌ला। होल्‍किन बाज्‍ला, “ह्‍य बकबके केति बाज्‍छइ?” कत्‍ताल्‍किन चाइ “हेइनिन ता आने बिदेसि देउताकर पर्‌चार गर्‌ल जिन्‍खाए देख्‍छे” बाज्‍ला। किनारइभने पावलिन येसु र मर्‌लबान जिउँते हक्‍नार कुरोकर पर्‌चार गर्‌तेल।

पेरित 17:21

एथेन्‍सकराइ सेब्‍बाइ मान्‍छेल्‍किन र उछि बस्‍नाराइ बिदेसिल्‍किन नउलो-नउलो कुरो गरिके र सुनिके मात्‍र समय बिताइतेला।

२ थेसलोनिकि 1:4

होइहुदान तोराल्‍को सेब्‍बे सतावट र तोराल्‍किन सइधर्‌ल दुखनाइ तोराल्‍को इस्‍थिरता र बिस्‍वासकर बारेनाइ हाइ परमेसोरकर आने मन्‍डलिकर माजनाइ गर्‌बसाथ बाजइ सक्‍छे।

२ थेसलोनिकि 2:15

होइहुदान दाजि-भाइ हो, दरो हकिके बसो र हाइनिन बल्‍ल वा पत्‍रबान लेख्‍ल जे सिछ्‌या तोराल्‍किन पाइलाछो होइलाइ ने मजसिन पालन गरिधरो।

१ तिमोथि 1:11

ह्‍य सिछ्‌या सेब्‍बे आसिस दिनार परमेसोरकर महिमित सुसमचार अन्‍सार आछि र ह्‍य सुसमचार पर्‌चार गर्‌नार जिम्‍मा मुइलाइ दिलाछ।

१ तिमोथि 1:4

र होलत पइलाकराइ मान्‍छेल्‍किन बानाइल दन्‍त्‍य कथालत र कइले बइटुङ्‌गिनार बङ्‌सावलिलाइ छाड्‌दिखन, किनारइभने इन्‍खा कुरोन बाद-बिबाद मात्‍र हक्‍छइ र परमेसोरनाइ बिस्‍वासकर जिबन बिताइनारकाइ केइ सायता बइगर।

१ तिमोथि 1:6

तर कत्‍ता मान्‍छेलत ह्‍य कुरोलाइ छाडिके बेर्‌थेकर कुरोनाइ अलमलि धर्‌लाछत।

१ तिमोथि 1:9

हाइलाइ ह्‍य कुरो पुनि था आछ, परमेसोरकर नियम धर्‌मातिल्‍को लागि बया। ह्‍य ता नियम पालन बइगर्‌नाराइ र अट्‌टेरिल्‍को लागि, परमेसोरलाइ बइमान्‍नाराइ र पापिल्‍को लागि, आमेक-ब्‍वाकलाइ मार्‌नाराइ र ज्‍यानमाराल्‍को लागि,

१ तिमोथि 4:7

परमेसोरकर अपमान गर्‌नार र अर्‌थ बइहक्‍ल कथाबान बद्‌दुर बस, बुरु परमेसोरकर बचन अन्‍सार हिन्‍नार कोसिस गर।

१ तिमोथि 6:11

तर तुइ परमेसोरकर जन हक्‍ल हुदान ह्‍य कुरोबान बद्‌दुर बस, धार्‌मिकतानाइ, परमेसोरकर डरनाइ, बिस्‍वासनाइ, मयानाइ, इस्‍थिरतानाइ र नम्‍र हक्‍नार कुरोनाइ आफ्‍ने मन लाउ।

१ तिमोथि 6:14

मुइ तुइलाइ ह्‍य आग्‍या दिछु, हाम्‍रो पर्‌भु येसु खिरिस्‍ट नआउन्‍जेल ह्‍य आग्‍यालाइ मजसिन पालन गर, ताकि कुन्‍नुल्‍किन दोस लाइ जुनसक्‍दिखन।

२ तिमोथि 2:1

होइहुदान मोर प्‍यारो बेटाक तिमोथि, खिरिस्‍ट येसुनाइ हक्‍ल अनुगरहनाइ बलियो हक।

२ तिमोथि 2:16

परमेसोरलाइ आदर बइगर्‌नार बेर्‌थेकर कुरोलाइ त्‍याग, किनारइभने इन्‍खा कुरोन मान्‍छेल्‍काइ परमेसोरबान झन बद्‌दुर लाकाइछइ।

तितस 1:14

होल्‍किन यहुदिल्‍को दन्‍त्‍य कथा जुनसुन्‍दिखन र सत्‍यलाइ इन्‍कार गर्‌नाराइ मान्‍छेल्‍को आग्‍या जुनमान्‍दिखन।

तितस 1:4

मुइसिन एउटे बिस्‍वासनाइ हक्‍ल मोर साँचो बेटाक तितसलाइ ह्‍य चिठ्‌ठि लेख्‍तिनआछु। परमेसोर ब्‍वा र हाइलाइ मुक्‍ति दिनार खिरिस्‍ट येसुबान तुइलाइ अनुगरह र सान्‍ति हक्‍दिक।

तितस 1:9

आफिन पाइल साँचो सिछ्‌यानाइ इस्‍थिर हकइ पर्‌छइ, र होइनिन आनेल्‍काइ पुनि ह्‍व साँचो सिछ्‌याबान उत्‍साह देइ सक्‍दिक। ह्‍व सिछ्‌याकर बिरोद गर्‌नारकाइ पुनि गल्‍ति देखाइ सक्‍नार हकइपर्‌छइ।

तितस 3:9

तर मुर्‌ख कुरो, बङ्‌सावलिकर कुरो, परमेसोरकर नियम सम्‍बन्‍धि बाद-बिबाद र झगडाबान बद्‌दुर बस। किनारइभने ह्‍व काम बइलाग्‍नार र बेर्‌थेकर कुरो हो।