१ तिमोथि 6:14 - माझी

¹⁴ मुइ तुइलाइ ह्‍य आग्‍या दिछु, हाम्‍रो पर्‌भु येसु खिरिस्‍ट नआउन्‍जेल ह्‍य आग्‍यालाइ मजसिन पालन गर, ताकि कुन्‍नुल्‍किन दोस लाइ जुनसक्‍दिखन।

१ तिमोथि 6:14 ပူးပေါင်းရင်းမြစ်များ

१ थेसलोनिकि 3:13

ता कि हाम्‍रो पर्‌भु येसु आफ्‍ने सेब्‍बाइ पबित्‍र जनकोसिन फेरि आइतिन होइनिन हाम्‍रो परमेसोर ब्‍वाकर अगाडि तोराल्‍को हिर्‌दय पबित्‍र र निर्‌दोस बानाइके इस्‍थिर गराइदिक।

१ थेसलोनिकि 5:23

सान्‍ति दिनार परमेसोर आफिन पुरा रुपिन तोराल्‍काइ सुद्‌द बानाइदिक, अनि हाम्‍रो पर्‌भु येसु खिरिस्‍टकर आगमननाइ तोराल्‍को आत्‍मा, परान र सरिर निर्‌दोस हक्‍दिक।

२ थेसलोनिकि 2:1

दाजि-भाइ हो, हाम्‍रो पर्‌भु येसु खिरिस्‍टकर आगमनकर बारेनाइ र हाइ होलाइ भेट्‌टाइ एकसाथ जम्‍मा हक्‍नार बारेनाइ हाइ तोराल्‍काइ बिन्‍ति गर्‌छे कि,

२ थेसलोनिकि 2:8

ह्‍व पछि पाप गर्‌नार मानुस देखा पर्‌नारआछ। पर्‌भु येसुन होलाइ आफ्‍ने मुखकर सासिन नास गर्‌नारआछ, र होक्‍र आगमनकर उज्‍यालोन ह्‍व नस्‍ट हक्‍नारआछ।

१ तिमोथि 6:20

तिमोथि, परमेसोरिन तुइलाइ जिम्‍मा दिल कुरोलाइ मजसिन हेरचाह गर। अनि तुइ परमेसोरलाइ निन्‍दा गर्‌नार मुर्‌ख कुरोबान र नचाइदो फटा कुरो, जुन्‍टोचाइ बिना कामकर ग्‍यान हो, ह्‍य कुरोबान बद्‌दुर बस।

२ तिमोथि 4:1

मर्‌लाइ र जिउँताइ सेब्‍बाल्‍को न्‍याय गरइ आइनार खिरिस्‍ट येसु र परमेसोरकर अगाडि, अनि होक्‍र आगमन र राज्‍यलाइ ध्‍याननाइ धरिके मुइ तुइलाइ ह्‍य आग्‍या दिछु,

तितस 2:13

इनिखे ने हाइनिन आसा धर्‌ल कुरो पुरा हक्‍नार दिनकर बाट हेर्‌छे। ह्‍व दिन हाम्‍रो महान परमेसोर र मुक्‍तिदाता येसु खिरिस्‍टकर बड्‌खो आदर हक्‍ल देखइ पाइनारआछे।