१ तिमोथि 6:12 - माझी

¹² बिस्‍वासकर लडाइ मजसिन लड। अजम्‍बरि जिबन आठाइ धर। हेक्‍र लागि परमेसोरिन तुइलाइ बालाइल हो। अनि तुइनिन धेराइ मान्‍छेल्‍को अगाडि बिस्‍वासकर मजार साछि दिलाछस।

१ तिमोथि 6:12 ပူးပေါင်းရင်းမြစ်များ

१ थेसलोनिकि 2:12

ताकि तोराल्‍काइ आफ्‍ने राज्‍य र महिमानाइ बालाइनार परमेसोरकर अगाडि तोराल्‍को चालचलन योग्‍यकर हक्‍दिक।

२ थेसलोनिकि 2:14

हेक्‍र लागि हाइनिन सुनाइल सुसमचारबान हाम्‍रो पर्‌भु येसु खिरिस्‍टकर महिमा पाइ परमेसोरिन तोराल्‍काइ बालाइले।

१ तिमोथि 1:18

मोर बेटाक तिमोथि, मुइ तुइलाइ ह्‍य आग्‍या दिछु, कि तोर बारेनाइ पइला ने गर्‌ल अगमबानिबान साहस पाइके तुइनिन सुसमचारकर लागि असल लडाइ लड।

१ तिमोथि 1:19

ह्‍व बेला आफ्‍ने बिस्‍वास र सुद्‌द बिबेकलाइ जोगाइ धर। कत्‍ताल्‍किन आफ्‍ने बिबेकिन बल्‍ल बइमान्‍तिन होल्‍को बिस्‍वास ने नाठ्‌लाछि।

१ तिमोथि 4:14

तुइसिन हक्‍ल बरदानलाइ हेला जुनगर, ह्‍व बरदान एल्‍डरकिन आफ्‍ने हात तुइ उप्‍रान धर्‌तिन अगमबानिबान तुइनिन पाइल रइलइ।

१ तिमोथि 6:13

सेब्‍बे थोकलाइ जिबन दिनार परमेसोर र पन्‍तियस पिलातसकर अगाडि सत्‍य साछि दिनार खिरिस्‍ट येसुकर अगाडि,

१ तिमोथि 6:19

इत्‍तिके होल्‍किन पछिकर साँचो जिबनकर लागि काम लाग्‍नार धन जम्‍मा गर्‌दिखन, ताकि होल्‍किन साँचो जिबनलाइ आठाइ धर्‌दिखन।

२ तिमोथि 1:9

परमेसोरिन हाइलाइ उद्‌दार गरिके आफ्‍ने पबित्‍र जन हकइलाइ बालाइले। ह्‍य हाइनिन गर्‌ल कामिन बया, तर होक्‍र आफ्‍ने उदेस्‍य र अनुगरहन हो, परमेसोरिन ह्‍य अनुगरह सिस्‍टि हकइ भन्‍दा अगाडि ने खिरिस्‍ट येसुबान हाइलाइ दिल रइल।

२ तिमोथि 2:2

धेराइ मान्‍छेल्‍को साछिनाइ मुइबान तुइनिन जे कुरो सुन्‍लाछस, ह्‍व कुरो आनेल्‍काइ सिकाइ सक्‍नाराइ बिस्‍वासिलो मान्‍छेल्‍काइ जिम्‍मा दिखन।

२ तिमोथि 4:7

मुइनिन असल लडाइ लड्‌लाछु। मुइनिन कुद्‌नार काम सिद्‌याइलाछु र बिस्‍वासलाइ जोगाइ धर्‌लाछु।