१ तिमोथि 6:10 - माझी

¹⁰ किनारइभने पइसालाइ मया गरइ ने सेब्‍बे थरिकर खराब कुरोकर जरा हो। पइसाकर लोबिन गर्‌तिन कत्‍ता बिस्‍वासिलत ता बिस्‍वास छाडिके बइमजार काम गरइ लाग्‍लाछत र धेरे पिडान गर्‌तिन होल्‍को हिर्‌दय छिया-छिया हक्‍लइस्‍याक।

१ तिमोथि 6:10 ပူးပေါင်းရင်းမြစ်များ

मर्‌कुस 4:19

तर ह्‍य जिबनकर चिन्‍ता, धन-सम्‍पति र आने थोककर लोबिन गर्‌तिन बचन नाठ्‌तिन जाइछि र होइनिन फल फलाइ बइसक।

१ तिमोथि 3:3

मातिकइ बइहिन्‍नार र रिसुवा हकइ बइहक तर ह्‍व नम्‍र, झगडा बइगर्‌नार, पइसाकर लोब बइगर्‌नार,

१ तिमोथि 6:21

किनारइभने कत्‍ता मान्‍छेलत ह्‍य कुरोकर पछि लागिके बिस्‍वासबान पछि हट्‌लाछत। तोरा सेब्‍बाल्‍कोसिन परमेसोरकर अनुगरह हक्‍दिक।

१ तिमोथि 6:9

तर धनि हकइ चाइनाराइचाइ परिछ्‌यानाइ र पासोनाइ पर्‌छत। अनि धेरे मुर्‌ख र हानिकारक इछ्‌यानाइ डुब्‍छत, इन्‍खाए इछ्‌यान मान्‍छेल्‍काइ बर्‌बाद र सर्‌बनासनाइ पुराइछइ।

२ तिमोथि 3:2

किनारइभने ह्‍व बेला मान्‍छेलत आफिलाइ मात्‍र मया गर्‌नाराइ, पइसाकर लोब गर्‌नाराइ, घमन्‍डि, हठि, आनेल्‍को बदनाम गर्‌नाराइ, आमेक-ब्‍वाकिन बल्‍ल बइमान्‍नाराइ, बइगुनि, अपबित्‍र,

२ तिमोथि 4:10

किनारइभने डेमासिन सन्‍सारनाइ हक्‍ल थोकलाइ मया गरिके मुइलाइ छाडिके थेसलोनिकेनाइ जाइलाछ। केरेसेन्‍स गलातियानाइ र तितसचाइ दलमातियानाइ जाइलाछ।

तितस 1:11

होल्‍को मुख बन्‍द पारइपर्‌छइ, किनारइभने होल्‍किन आफ्‍ने फाइदाकर लागि नचाइदो सिछ्‌या सिकाइकइ सेब्‍बे घर-परिवारलाइ बिगारि धर्‌लाछत। इन्‍खा सिछ्‌या होल्‍किन सिकाइ बइहक्‍नाल्‍ति।