१ तिमोथि 4:4 - माझी

⁴ परमेसोरिन सिस्‍टि गर्‌ल सेब्‍बे थोक माहाल आछि। परमेसोरलाइ धन्‍नेबाद दिके खाइतिन कुनइ पुनि थोक इन्‍कार गरइ बइपर।

१ तिमोथि 4:4 ပူးပေါင်းရင်းမြစ်များ

पेरित 10:15

पत्‍रुसिन फेरि इन्‍खा आवाज सुन्‍ले, “परमेसोरिन सुद्‌द बानाइल थोकलाइ तुइ असुद्‌द जुनठान।”

पेरित 15:29

तोराल्‍किन मुर्‌तिलाइ बलि चाराइल खाइनार कुरो, रकत, घोक्‍रो आठाइके मार्‌ल पसुकर मासु जुनखाओ, र बेभिचार जुनगरो। ह्‍य कुरो पालन गर्‌लो भने तोराल्‍काइ मजार हक्‍नारआछि। तोरा सेब्‍बाल्‍को भलाइ हक्‍दिक, बलइ पर्‌नार कुरो यत्‍ते ने हो।”

पेरित 21:25

तर आने जाति बिस्‍वासिल्‍काइ, होल्‍किन मुर्‌तिलाइ चाराइल खाइनार कुरो, रकत, घोक्‍रो आठाइके मार्‌ल पसुकर मासु बइखाइ र बेभिचारबान बद्‌दुर बसइ बाजिके निर्‌नय गरिके हाइनिन पत्‍र लेखिके पाठाइसक्‍लाछे।”

१ तिमोथि 4:3

इन्‍खा मान्‍छेल्‍किन ब्‍याहा गरइ बइहक र कत्‍ता कुरो चाइ खाइ बइहक बाजिके सिकाइछत। तर बिस्‍वास गर्‌नारकिन र सत्‍यलाइ चिन्‍नारकिन धन्‍नेबाद दिके परमेसोरिन सिस्‍टि गर्‌ल थोक खाइ सक्‍छत।