१ तिमोथि 4:16 - माझी

¹⁶ आफ्‍ने बारेनाइ र आफिन दिल सिछ्‌याकर बारेनाइ होसियार हकइ। ह्‍य कामनाइ लागिधर्‌लइ भने तुइनिन आफिलाइ र तोर कुरो सुन्‍नारकाइ समेत बाचाइनारआछस।

१ तिमोथि 4:16 ပူးပေါင်းရင်းမြစ်များ

मर्‌कुस 13:9

“तोराचाइ होसियार हकिके बसो, किनारइभने मान्‍छेल्‍किन तोराल्‍काइ आठाइके अदालतनाइ सुम्‍पिनार आछत अनि सभाघरनाइ लाकाइके ठाटाइनार आछत। तोरा मोर कारनिन बडा-हाकिम र राजाल्‍को अगाडि ठडाइनार आछो, र मोर बारेनाइ तोराल्‍किन होल्‍काइ साछि दिनारआछो।

लुका 21:34

“तोरा होसियार हकिके बसो, धेरइ भोज-भतेरनाइ जुनलागो, मातिकइ जुनहिनो र जिबनकर चिन्‍ता जुनगरो, नत्‍रता तोराल्‍को मन बोदो हक्‍नारआछि र तोराल्‍किन बइसोच्‍ल बेलानाइ एक्‍कासि ह्‍व दिन पासोठि आइनारआछि।

पेरित 26:22

तर आजकर दिनसम्‍म परमेसोरिन मुइलाइ सायता गरिधर्‌लाछ। होइहुदान इछि हक्‍लाइ स्‍याउनाइ बुङ्‌डाइ सेब्‍बाल्‍को अगाडि ठडाइके मुइ साछि दिनार मउका पाइलाछु। अगमबक्‍ताल्‍किन र मोसान पुरा हक्‍छि, बाजिके बाज्‍ल कुरो भन्‍दा आने बढ्‌ता केइ पुनि मुइनिन पर्‌चार गर्‌ल बइने।

पेरित 6:4

तर हाइ चाइ पार्‌थना र बचन पर्‌चारकर सेवानाइ सेब्‍बे समय दिनारआछे।”

१ थेसलोनिकि 2:16

होल्‍किन हाइलाइ आने जातिराइ मान्‍छेल्‍काइ मुक्‍तिकर कुरो सुनाइ बइदिला। इनिखे सदइ होल्‍किन आफ्‍ने पाप थप्‍तिन जाइला, तर पछि परमेसोरकर रिस होलत उप्‍रान पर्‌लाछि।

१ तिमोथि 1:3

मुइ माकेडोनिया जाइतिन तुइलाइ बिन्‍ति गर्‌ल जिन्‍खाए एफिससनाइ ने बस र गलत सिछ्‌या सिकाइनारकाइ कडा आग्‍या दिखन।

१ तिमोथि 4:15

तुइलाइ दिल ह्‍य जिम्‍मा मजसिन गर र हेइनाइ ने लागिधर, ताकि तोर उन्‍नति सेब्‍बाल्‍किन देख्‍दिखन।

१ तिमोथि 4:6

यदि तुइनिन बिस्‍वासि दाजि-भाइकाइ ह्‍य सिछ्‌या सिकाइलइ भने तुइ हुर्‌किल असल सिछ्‌या र बिस्‍वासकर बचन पालन गर्‌तिन आइल खिरिस्‍ट येसुकर असल सेबक हक्‍नारआछस।

२ तिमोथि 2:10

होइहुदान मुइ परमेसोरिन छान्‍लाइ मान्‍छेल्‍को लागि सेब्‍बे दुख सइछु। ताकि होल्‍किन पुनि खिरिस्‍ट येसुनाइ मुक्‍ति र अनन्‍त महिमा पाइ सक्‍दिखन।

२ तिमोथि 3:14

तर तुइ चाइ आफिन सिक्‍ल र पक्‍का बिस्‍वास गर्‌ल कुरोनाइ लागिधर। ह्‍य कुरो तुइनिन कुनबान सिक्‍लाछस ह्‍व तुइलाइ था रोइस्‍यास।

२ तिमोथि 4:2

बचन पर्‌चार गर, हर समयनाइ बचन सुनाइ तयार हक, अर्‌ति दिखन, हप्‍काखन, उत्‍साह दिखन र धइरेसाथ सिछ्‌या सिकाखन।

तितस 1:9

आफिन पाइल साँचो सिछ्‌यानाइ इस्‍थिर हकइ पर्‌छइ, र होइनिन आनेल्‍काइ पुनि ह्‍व साँचो सिछ्‌याबान उत्‍साह देइ सक्‍दिक। ह्‍व सिछ्‌याकर बिरोद गर्‌नारकाइ पुनि गल्‍ति देखाइ सक्‍नार हकइपर्‌छइ।

तितस 2:15

तुइनिन ह्‍य सिछ्‌या दितिन पुरा अधिकारसहित अर्‌ति-उपदेस दिखन र हप्‍काखन। कुन्‍नुल्‍किन पुनि तुइलाइ हेला जुनगर्‌दिखन।

तितस 2:7

तुइनिन सेब्‍बे कुरोनाइ असल कामकर नमुना हकिके आफिलाइ देखाउ र तोर सिछ्‌यानाइ इमान्‍दार, गम्‍भिर