१ तिमोथि 1:12 - माझी

¹² मुइलाइ सक्‍ति दिनार खिरिस्‍ट येसु हाम्‍रो पर्‌भुलाइ मुइ धन्‍नेबाद दिछिन, किनारइभने होइनिन मुइलाइ बिस्‍वासयोग्‍य ठानिकइ आफ्‍ने कामकर लागि छान्‍लाछ।

१ तिमोथि 1:12 ပူးပေါင်းရင်းမြစ်များ

पेरित 16:15

अनि ह्‍व र होक्‍र घरकराइ सेब्‍बाइ परिवारकिन बप्‍तिस्‍मा लिलपछि होइनिन हाइलाइ बिन्‍ति गर्‌तिन बल्‍लि, “यदि तोराल्‍किन साँच्‍चि ने मुइलाइ पर्‌भुकर बिस्‍वासि ठान्‍छो भने मोर घरनाइ आइके हाइसिन बसो।” इत्‍तिके होइनिन हाइलाइ कर लाइलि।

पेरित 9:15

तर पर्‌भुन हननियालाइ बलल्‍ते, “तुइ जा, किनारइभने होलाइ मोर सेवा गरइलाइ छान्‍लाछु, र होइनिन आने जातिल्‍काइ, राजाल्‍काइ र इज्‍राएलिल्‍काइ मोर नाउँ पर्‌चार गर्‌नारआछ।

पेरित 9:22

तर साउल झन सक्‍तिसालि हक्‍तिन पर्‌चार गरइ लाग्‍ले, र येसु ने खिरिस्‍ट हो बाजिके इन्‍खा पक्‍का पर्‌मान दिल्‍याक कि दमस्‍कसनाइ हक्‍लाइ यहुदिल्‍किन केइ पुनि जबाफ देइ बइसक्‍ला।

१ तिमोथि 1:1

बिस्‍वासनाइ मोर साँचो बेटाक तिमोथि, हाइलाइ मुक्‍ति दिनार परमेसोर र हाइनिन आस गर्‌ल खिरिस्‍ट येसुकर आग्‍या अन्‍सार मुइ पेरित पावलकर सेवाढोग। परमेसोर ब्‍वा र खिरिस्‍ट येसु हाम्‍रो पर्‌भुबान तुइलाइ अनुगरह, दया र सान्‍ति हक्‍दिक।

१ तिमोथि 1:11

ह्‍य सिछ्‌या सेब्‍बे आसिस दिनार परमेसोरकर महिमित सुसमचार अन्‍सार आछि र ह्‍य सुसमचार पर्‌चार गर्‌नार जिम्‍मा मुइलाइ दिलाछ।

१ तिमोथि 6:13

सेब्‍बे थोकलाइ जिबन दिनार परमेसोर र पन्‍तियस पिलातसकर अगाडि सत्‍य साछि दिनार खिरिस्‍ट येसुकर अगाडि,

२ तिमोथि 2:2

धेराइ मान्‍छेल्‍को साछिनाइ मुइबान तुइनिन जे कुरो सुन्‍लाछस, ह्‍व कुरो आनेल्‍काइ सिकाइ सक्‍नाराइ बिस्‍वासिलो मान्‍छेल्‍काइ जिम्‍मा दिखन।

२ तिमोथि 4:17

तर पर्‌भु मोर साथनाइ हकिके आने जातिल्‍किन सुसमचार सुनइ सक्‍दिखन बाजिके पर्‌चार गरइकर लागि सक्‍ति दिले। अनि पर्‌भुन मुइलाइ सिहकर मुखबान बाचाइले।

तितस 1:4

मुइसिन एउटे बिस्‍वासनाइ हक्‍ल मोर साँचो बेटाक तितसलाइ ह्‍य चिठ्‌ठि लेख्‍तिनआछु। परमेसोर ब्‍वा र हाइलाइ मुक्‍ति दिनार खिरिस्‍ट येसुबान तुइलाइ अनुगरह र सान्‍ति हक्‍दिक।