१ थेसलोनिकि 5:9 - माझी

⁹ किनारइभने परमेसोरिन हाइ उप्‍रान आफ्‍ने रिस खन्‍याइलाइ छान्‍ल बया, तर हाम्‍रो पर्‌भु येसु खिरिस्‍ट मार्‌फत मुक्‍ति देइलाइ पइला ने छान्‍ल हो।

१ थेसलोनिकि 5:9 ပူးပေါင်းရင်းမြစ်များ

पेरित 1:20

पत्‍रुसिन बाज्‍ले, “भजनसङ्‌ग्‍रहकर किताबनाइ इन्‍खा लेख्‍लाछि, ‘होक्‍र बासस्‍थान खालि हक्‍दिक, उछिका कोइ पुनि बास जुनबस्‍दिखन।’ ह्‍य पुनि लेख्‍लाछि, ‘होक्‍र कामकर जिम्‍मा अर्‌केन ने लिदिक।’

पेरित 1:25

र होइनिन ह्‍य सेवा र पेरितकर काम गरइ सक्‍दिक, किनारइभने ह्‍य सेवाबान यहुदा भट्‌किकइ जाइले र आफ्‍ने निज ठउँनाइ मर्‌ले।”

पेरित 13:48

ह्‍य कुरो सुनिके आने जातिलत रामाइतिन परमेसोरकर बचनकर पर्‌सन्‍सा गरइ लाग्‍ला। अजम्‍बरि जिबनकर लागि छानिलाइ जत्‍ताल्‍किन येसुनाइ बिस्‍वास गर्‌ला।

१ थेसलोनिकि 1:10

अनि परमेसोरकर बेटाक येसुलाइ परमेसोरिन मर्‌लबान जिउँते पारल्‍ते, र ह्‍व स्‍वर्‌गबान आइनारआछ बाजिके तोरा अस्‍याइधर्‌लाछो। होइनिन हाइलाइ आइ लाग्‍ल परमेसोरकर दन्‍डबान बाचाइछइ।

१ थेसलोनिकि 3:3

ह्‍य कस्‍टन गर्‌तिन तोराल्‍को बिस्‍वास ढलपल जुनहक्‍दिक। हेइकर लागि हाइलाइ छान्‍ल हो बाजिके तोराल्‍काइ था रोइस्‍या।

१ तिमोथि 1:13

मुइनिन पइला होक्‍र निन्‍दा, खेदो र अपमान गर्‌नाइ। तर मुइनिन ह्‍य अन्‍जान र अबिस्‍वासनाइ गर्‌ल हुदान मुइलाइ दया गर्‌ले।

१ तिमोथि 1:16

होइहुदान मुइनिन दया पाइनाइ। पापिलत मद्‌दे सेब्‍बाइ भन्‍दा मुख्‍य हकिके पुनि मुइबान येसु खिरिस्‍टनिन आफ्‍ने धइरे देखाइलाछ, ता कि ह्‍व उप्‍रान बिस्‍वास गरिके अनन्‍त जिबन पाइनारको लागि मुइ एउटो उदारन बनइ सकु।

२ तिमोथि 2:10

होइहुदान मुइ परमेसोरिन छान्‍लाइ मान्‍छेल्‍को लागि सेब्‍बे दुख सइछु। ताकि होल्‍किन पुनि खिरिस्‍ट येसुनाइ मुक्‍ति र अनन्‍त महिमा पाइ सक्‍दिखन।