21 सेब्बे कुरोकर मजसिन जाँच गरो र मजार कुरोनाइ लागिधरो।
“कुन्टो कुरो ठिक हो बाजिके तोरा आफि किनारइ छुट्टाइ बइसको?
बारनाबास एन्टिओखियानाइ आइपुग्तिन परमेसोरिन ह्व मान्छेल्काइ दया गर्ल र आसिस दिल देखिके एकदम खुसि हक्ले, र बारनाबासिन होल्काइ सेब्बे हिर्दयन पर्भुनाइ बिस्वासि हकिधरइ बाजिके उत्साह दिल्याक।
होल्किन ह्व ठउँ-ठउँनाइ हक्लाइ पर्भुकराइ चेलाल्काइ आत्मानाइ दरो बानाइला र बिस्वासनाइ लागिधरइ बाजिके उत्साह दितिन बल्-ल्याक, “हाइ परमेसोरकर राज्यनाइ जाइकर लागि धेरे दुख कस्ट सइपर्छइ।”
उछिकराइ यहुदिलत थेसलोनिकेकराइ यहुदिलत भन्दा बढ्ता असल रइला। होल्किन येसुकर बारेनाइ पावलिन बाज्ल कुरो एकदम खुसि हकिके सुन्तेला र ह्व कुरो ठिक हो कि बया बाजिके दिन्ने धर्मसास्तर पढिके छानबिन गर्तेला।
तोरा कुन्नुल्किन खराबकर बदला खराब जुनगरो, तर एउटोन अर्कोलाइ र सेब्बाइ मान्छेल्काइ सदइ मजार गर्नार कोसिस गरो।
सेब्बे थरिकर खराब कुरोबान बद्दुर बसो।
होइहुदान दाजि-भाइ हो, दरो हकिके बसो र हाइनिन बल्ल वा पत्रबान लेख्ल जे सिछ्या तोराल्किन पाइलाछो होइलाइ ने मजसिन पालन गरिधरो।
तुइलाइ था रोइस्यास, कि एसियानाइ हक्नाराइ सेब्बाइ मुइबान छुट्टिकइ जाइला, होलत मद्दे फुगेलस र हर्मोगेनस हो।
किनारइभने होलत मद्दे कत्ता चाइ घर-घरनाइ जाइके पापिन भरिलाइ र धेरे थरिकर खराब इछ्यान भरिलाइ कमजोर बेटिकाइ आफ्ने अधिननाइ पार्छत।
तामाकर काम गर्नार अलेक्जेन्डरिन मुइलाइ धेरे खराबि गर्ले। पर्भुन होलाइ होक्र काम अन्सारकर बदला लिनारआछ।
