१ थेसलोनिकि 5:12 - माझी

¹² दाजि-भाइ हो, हाइ तोराल्‍काइ बिन्‍ति गर्‌छे, तोराल्‍को माजनाइ मन लाइके पर्‌भुकर काम गर्‌नाराइ र सिछ्‌या दिनाराइ अगुवाल्‍काइ आदर गरो।

१ थेसलोनिकि 5:12 ပူးပေါင်းရင်းမြစ်များ

लुका 10:7

तोरा होइ घरनाइ बसो अनि होल्‍किन जे खाइ दिस्‍या, होइ खाओ किनारइभने काम गर्‌नारकिन जेला पाइ पर्‌छइ। घर-घरनाइ बास बस्‍तिन जुनहिनो।

पेरित 20:28

होइहुदान तोराल्‍किन आफ्‍ने र पबित्‍र आत्‍मान तोराल्‍काइ जुन बिस्‍वासिलत दिलाछ, होल्‍को मजसिन हेरचाह गरो। परमेसोरकर मन्‍डलिकराइ मान्‍छेल्‍को मजार गोठ्‌ला हको, किनारइभने पर्‌भु येसुन ह्‍व मान्‍छेल्‍काइ आफ्‍ने रकतिन किन्‍ल हो।

पेरित 20:35

मुइनिन तोराल्‍काइ सेब्‍बे कुरोबान उदारन दिके देखाइलाछु। इनिखे ने तोराल्‍किन पुनि सक्‍लसम्‍म काम गरिके खाँचोनाइ पर्‌लाल्‍काइ सायता गरइ पर्‌छइ। पर्‌भु येसुन बाज्‍ल कुरोलाइ सम्‍जो, ‘लेइ भन्‍दा देइ अजइ आसिस हो।’”

१ थेसलोनिकि 2:9

दाजि-भाइ हो, तोराल्‍किन हाइनिन गर्‌ल काम र दुखलत देख्‍लाछो। तोरा कुनुल्‍काइ भार जुन्‍पर्‌दिक बाजिके रात-दिन काम गरिके हाइनिन तोराल्‍काइ परमेसोरकर सुसमचार पर्‌चार गर्‌ले।

१ थेसलोनिकि 4:1

अन्‍त्‍यनाइ दाजि-भाइ हो, पर्‌भु येसुनाइ हाइ तोराल्‍काइ बिन्‍ति गर्‌छे र अर्‌ति दिछे, कि तोराल्‍किन किनिखे जिबन बिताइनार र परमेसोरलाइ किनिखे खुसि बानाइनार बाजिके तोराल्‍किन हाइबान सिक्‍लो, र उन्‍खाए गर्‌तिन पुनि आछो होइनाइ तोरा अजइ बाढ्‌तिन जाओ।

१ थेसलोनिकि 5:14

दाजि-भाइ हो, हाइ तोराल्‍काइ बिन्‍ति गर्‌छे, अल्‍छिकाइ चेतावनि दिखन, हरेस खाइनारकाइ होउसला दिखन र कमजोरिकाइ सायता गरो, अनि सेब्‍बाल्‍कोसिन सइकइ बसो।

१ तिमोथि 5:1

बुर्‌राल्‍काइ डाउनो जुनगर, तर होलाइ आफ्‍ने ब्‍वालाइ जिन्‍खाए गरिके सम्‍जाउ। अनि स्‍याउनाल्‍काइ चाइ आफ्‍ने भाइलाइ जिन्‍खाए बेबहार गर।

१ तिमोथि 5:20

पाप गरिधर्‌नारकाइ सेब्‍बाल्‍को अगाडि हाकारइ, इन्‍खा गर्‌लइ भने आनेलत पुनि पाप गरइ डाराइनार आछत।

२ तिमोथि 2:6

पसिना ब्‍वाइकइ काम गर्‌नार किसानिन ने फलकर पइलो भाग पाइपर्‌छि।

तितस 1:3

परमेसोरिन ठिक समयनाइ आफ्‍ने सुसमचार देखाइलाछ। हाइलाइ मुक्‍ति दिनार परमेसोरकर आग्‍या अन्‍सार ह्‍य सुसमचार सुनाइनार जिम्‍मा मुइलाइ दिलाछ।

तितस 1:5

मुइनिन तुइलाइ बाकि हक्‍ल काम पुरा गरइ केरेटनाइ छाड्‍ल हो। मुइनिन तुइलाइ आराइल अन्‍सार हरेक सहरनाइ मन्‍डलिकर एल्‍डरलत छानइ।

तितस 2:15

तुइनिन ह्‍य सिछ्‌या दितिन पुरा अधिकारसहित अर्‌ति-उपदेस दिखन र हप्‍काखन। कुन्‍नुल्‍किन पुनि तुइलाइ हेला जुनगर्‌दिखन।