१ थेसलोनिकि 3:4 - माझी

⁴ किनारइभने हाइनिन कस्‍ट भोगइपर्‌छइ बाजिके पइला ने तोराल्‍कोसिन हक्‍तिन हाइनिन तोराल्‍काइ बल्‍लाइ रइले। हाइनिन बल्‍ल जिन्‍खाए हकल्‍ते, ह्‍य ता तोराल्‍काइ था रोइस्‍या।

१ थेसलोनिकि 3:4 ပူးပေါင်းရင်းမြစ်များ

पेरित 17:1

पावल र सिलास अम्‍फिपोलिस र अपोल्‍लोनियाकर बाट हक्‍तिन थेसलोनिकेनाइ पुग्‍ला। उछि यहुदिल्‍को एउटो सभाघर रल्‍ति।

पेरित 17:13

तर थेसलोनिकेनाइ हक्‍लाइ यहुदिल्‍किन बेरियानाइ पुनि पावलिन परमेसोरकर बचन पर्‌चार गर्‌तिन आछ बल्‍ल कुरो सुन्‍ला, र होलत बेरियानाइ पुनि आइके भिडकाइ उचालिकइ पावलकर बिरोद गरइ लाग्‍ला।

पेरित 20:24

तर मुइ आफ्‍ने जिबनलाइ कुनइ मोलकर बइठानु। किनारइभने परमेसोरकर अनुगरहकर बारेनाइ सुसमचार सुनाइ र पर्‌भु येसुन मुइलाइ दिल काम पुरा गरइ सकु भन्‍ने मोर इछ्‌या आछ।

१ थेसलोनिकि 2:14

किनारइभने दाजि-भाइ हो, तोरा खिरिस्‍ट येसुनाइ यहुदियानाइ हक्‍ल परमेसोरकर मन्‍डलिकर देखासिकि गर्‌नाराइ हक्‍लो, अनि यहुदियाकराइ मन्‍डलिकिन दुख भोग्‍ल जिन्‍खाए तोराल्‍किन पुनि आफ्‍ने जातिराइ मान्‍छेल्‍कोबान दुख भोग्‍लो।

१ थेसलोनिकि 2:2

उछि आइ भन्‍दा अगाडि हाइनिन फिलिप्‍पिनाइ दुख भोग्‍ल र उछिराइ मान्‍छेल्‍किन हाइलाइ अपमान गर्‌ल कुरो तोराल्‍काइ था रोइस्‍या। तर हाइलाइ बिरोद गर्‌नाराइ धेराइ हक्‍तिन ता पुनि परमेसोरकर बारेनाइ तोराल्‍काइ सुसमचार सुनाइलाइ परमेसोरिन हाइलाइ आँट दिले।

२ थेसलोनिकि 2:5

केति तोराल्‍काइ याद बइन्‍या? मुइ तोराल्‍कोसिन हक्‍तिन ने ह्‍य सेब्‍बे कुरो बल्‍ल रइनाइ।

२ थेसलोनिकि 3:10

हाइ तोराल्‍कोसिन हक्‍तिन इन्‍खा आग्‍या दिलाइ रइले, “कुन्‍नुल्‍किन काम बइगरत भने होइनिन खाइनार कुरो पुनि जुनखाइदिक।”