१ थेसलोनिकि 2:9 - माझी

⁹ दाजि-भाइ हो, तोराल्‍किन हाइनिन गर्‌ल काम र दुखलत देख्‍लाछो। तोरा कुनुल्‍काइ भार जुन्‍पर्‌दिक बाजिके रात-दिन काम गरिके हाइनिन तोराल्‍काइ परमेसोरकर सुसमचार पर्‌चार गर्‌ले।

१ थेसलोनिकि 2:9 ပူးပေါင်းရင်းမြစ်များ

लुका 18:7

उन्‍खाए परमेसोरलाइ रात-दिन पुकार्‌नाराइ आफ्‍ने मान्‍छेल्‍काइ परमेसोरिन न्‍याय बइगरक र? केति परमेसोरिन होल्‍काइ सायता गरइ ढिलो गर्‌छइ र?

लुका 2:37

र होइ चोउरासि बर्‌स जत्‍ता हक्‍लि रइलि। होइनिन मन्‍दिर बइछाड्‍तेलि, उपबास बस्‍तेलि र परमेसोरलाइ पुकार्‌तिन र पर्‌सन्‍सा गर्‌तिन रात-दिन बिताइतेलि।

पेरित 18:3

र ह्‍व होल्‍कोसिन बसिके काम गर्‌ले, किनारइभने पावलकर पुनि होल्‍को जिन्‍खाए पाल बानाइनार काम रल्‍ति।

पेरित 20:24

तर मुइ आफ्‍ने जिबनलाइ कुनइ मोलकर बइठानु। किनारइभने परमेसोरकर अनुगरहकर बारेनाइ सुसमचार सुनाइ र पर्‌भु येसुन मुइलाइ दिल काम पुरा गरइ सकु भन्‍ने मोर इछ्‌या आछ।

पेरित 20:31

होइहुदान मुइनिन तोराल्‍काइ तिन बर्‌ससम्‍म रात-दिन आँसु ब्‍वाइतिन एक-एक गरिके सेब्‍बाल्‍काइ चेतावनि दिल कुरो सम्‍जिकइ होसियार हकिके बसो।

१ थेसलोनिकि 1:3

हाम्‍रो पर्‌भु येसु खिरिस्‍टनाइ तोराल्‍को बिस्‍वासकर काम, मयाकर काम र आसाकर धइरे सदइ हाम्‍रो परमेसोर ब्‍वाकर अगाडि सम्‍जिछे।

१ थेसलोनिकि 2:2

उछि आइ भन्‍दा अगाडि हाइनिन फिलिप्‍पिनाइ दुख भोग्‍ल र उछिराइ मान्‍छेल्‍किन हाइलाइ अपमान गर्‌ल कुरो तोराल्‍काइ था रोइस्‍या। तर हाइलाइ बिरोद गर्‌नाराइ धेराइ हक्‍तिन ता पुनि परमेसोरकर बारेनाइ तोराल्‍काइ सुसमचार सुनाइलाइ परमेसोरिन हाइलाइ आँट दिले।

१ थेसलोनिकि 2:6

खिरिस्‍टकर पेरित हक्‍ल हुदान हाइनिन तोरा उप्‍रान अधिकार चालाइ सक्‍नाले। ता पुनि हाइनिन मान्‍छेल्‍कोबान आदर बइहेर्‌ले, न ता तोराबान, न ता आने कोइबान।

१ थेसलोनिकि 3:10

तोराल्‍काइ फेरि भेट्‌टाइके बिस्‍वासनाइ अजइ दरो बानाइ सकउ बाजिके हाइ रात-दिन जोसिलो हकिके पार्‌थना गरिधर्‌लाछे।

१ तिमोथि 1:11

ह्‍य सिछ्‌या सेब्‍बे आसिस दिनार परमेसोरकर महिमित सुसमचार अन्‍सार आछि र ह्‍य सुसमचार पर्‌चार गर्‌नार जिम्‍मा मुइलाइ दिलाछ।

१ तिमोथि 4:10

होइहुदान हाइ दिलोज्‍यानिन काम र कोसिस गर्‌छे, किनारइभने हाइनिन जिउँते परमेसोरनाइ आसा धर्‌लाछे। ह्‍व सेब्‍बाइ मान्‍छेल्‍को, खास गरिके परमेसोरनाइ बिस्‍वास गर्‌नाल्‍को मुक्‍तिदाता हो।

१ तिमोथि 5:5

तर जुन बिद्‌दुइकर कोइ बइने र अस्‍करे आछि, होइनिन आफ्‍ने भरोसा परमेसोरनाइ ने धर्‌लि हक्‍छइ। अनि होइनिन रात-दिन परमेसोरलाइ आफ्‍ने बिन्‍ति चाढाइ धर्‌छइ।

२ तिमोथि 1:3

मुइ सदइ पार्‌थना गर्‌तिन तुइलाइ सम्‍जिकइ परमेसोरलाइ धन्‍नेबाद दिछिन, र मोर पुर्‌खाल्‍किन परमेसोरकर सेवा गर्‌लठि सुद्‌द बिबेकिन मुइ होक्‍र सेवा गर्‌छु।