१ थेसलोनिकि 2:2 - माझी

² उछि आइ भन्‍दा अगाडि हाइनिन फिलिप्‍पिनाइ दुख भोग्‍ल र उछिराइ मान्‍छेल्‍किन हाइलाइ अपमान गर्‌ल कुरो तोराल्‍काइ था रोइस्‍या। तर हाइलाइ बिरोद गर्‌नाराइ धेराइ हक्‍तिन ता पुनि परमेसोरकर बारेनाइ तोराल्‍काइ सुसमचार सुनाइलाइ परमेसोरिन हाइलाइ आँट दिले।

१ थेसलोनिकि 2:2 ပူးပေါင်းရင်းမြစ်များ

पेरित 14:3

ता पुनि पावल र बारनाबासिन आफ्‍ने भरोसा पर्‌भुनाइ गरिके साहससिन होक्‍र बारेनाइ बाज्‍तिन धेरइ दिनसम्‍म उछि बस्‍ला। पर्‌भुन होल्‍को हातबान अचम्‍मकर काम र चिन्‍नलत गराइकइ आफ्‍ने अनुगरहकर बचन साँच्‍चि हो बाजिके पर्‌मानित गर्‌ले।

पेरित 14:5

तब केइ आने जातिलत र यहुदिलत आफ्‍ने सासककोसिन मिलिके पावल र बारनाबासलाइ सताइनार र पाथरिन हिर्‌काइनार सडेन्‍तर गर्‌ला।

पेरित 16:12

उछ्‌यान हाइ फिलिप्‍पि सहरनाइ पुग्‍ले, ह्‍व माकेडोनिया छेत्‍रकर मुख्‍य सहर रल्‍ति। ह्‍व सहरचाइ रोमिल्‍को अधिननाइ रल्‍ति। हाइ ह्‍व सहरनाइ केइ दिन बस्‍ले।

पेरित 16:19

ह्‍व बेटिकर मालिककिन अब ह्‍य बेटिबान कमाइ हक्‍नार बाट सक्‍किल था पाइके पावल र सिलासलाइ आठाइके केरकार गरइकर लागि घिस्‍याइतिन सहरकराइ सासककोनाइ लाकाइला।

पेरित 16:37

तर पावलिन सिपाइकाइ बल्‌-ल्‍याक, “हाइ रोमि नागरिककाइ केरकार नगरिकइ होल्‍किन मान्‍छेल्‍को अगाडि ठाटाइला र झ्‍यालखन्‍डनाइ पुनि थुन्‍ला, अखन हाइलाइ सुटुक्‍क छाडइ चाइछत? हाइ बइजाए। होलत आफि आइके हाइलाइ निकालिके लाकाइदिखन।”

पेरित 17:1

पावल र सिलास अम्‍फिपोलिस र अपोल्‍लोनियाकर बाट हक्‍तिन थेसलोनिकेनाइ पुग्‍ला। उछि यहुदिल्‍को एउटो सभाघर रल्‍ति।

पेरित 17:17

होइहुदान पावलिन यहुदि र परमेसोरकर डर मान्‍नाराइ आने जातिल्‍कोसिन सभाघरनाइ र बजारनाइ आइनाराइ जाइनाराइ मान्‍छेल्‍कोसिन पुनि दिन्‍ने बहस गर्‌तेल।

पेरित 19:8

पावल तिन महिनासम्‍म सभाघरनाइ जाइके नडाराइकइ मान्‍छेल्‍काइ पर्‌चार गर्‌ले, र परमेसोरकर राज्‍यकर बारेनाइ छलफल गरिके होल्‍काइ बुजाइल्‍याक।

पेरित 4:13

पत्‍रुस र युहन्‍ना असिछित र साधारन मानुसलत रइला तापुनि होल्‍को साहस देखिके महासभाकराइ सेब्‍बाइ मान्‍छेलत छक्‍क पर्‌ला, र हेलत येसुसिन हक्‍ल कुरो होल्‍किन था पाइला।

पेरित 4:20

किनारइभने हाइ ता देख्‍ल र सुन्‍ल कुरो नबाजिकइ बसइ बइसके।”

पेरित 4:31

होल्‍किन पार्‌थना गरिसक्‍लपछि, होलत जम्‍मा हक्‍ल ठउँ हल्‍लिल्‍ते। होलत सेब्‍बाइ पबित्‍र आत्‍मान भरिपुर्‌न हक्‍ला र होल्‍किन परमेसोरकर बचन साहससिन बाजइ लाग्‍ला।

पेरित 5:41

पेरितलत येसुकर नाउँनाइ दुख र अपमान सइनाराइ योग्‍यकराइ ठहरिले बल्‍ल कुरोनाइ आनन्‍द मानाइतिन महासभाबान निस्‍किके जाइला।

१ थेसलोनिकि 1:5

किनारइभने हाइनिन तोराल्‍कोनाइ आन्‍ल सुसमचार सब्‍दनाइ मात्‍र बया, तर सक्‍तिनाइ, पबित्‍र आत्‍मानाइ र पुरा बिस्‍वाससाथ आइल हो। हाइ तोराल्‍कोसिन हक्‍तिन तोराल्‍को लागि हाइनिन किन्‍खा जिबन बिताइलाइ रइले, ह्‍व तोराल्‍काइ था रोइस्‍या।

२ तिमोथि 1:12

होइहुदान मुइ ह्‍य कुरोनाइ दुख भोग्‍लाछु। तर मुइ बइलाजाउ, किनारइभने मुइनिन कुनलाइ बिस्‍वास गर्‌लाछु, ह्‍व मुइलाइ था आछ। मुइनिन परमेसोरलाइ जुन्‍टो कुरोकर जिम्‍मा लाइलाछु, ह्‍व आफ्‍ने आइनार दिनसम्‍म सुरछित धर्‌नारआछ बाजिके मुइ ढुक्‍क आछु।