१ थेसलोनिकि 2:15 - माझी

¹⁵ होइ यहुदिल्‍किन पर्‌भु येसु र अगमबक्‍ताल्‍काइ मार्‌ला, र हाइलाइ पुनि सताइला। होल्‍किन परमेसोरलाइ मन बइपर्‌नार काम गर्‌ला र सेब्‍बाइ मान्‍छेल्‍को बिरोदि हक्‍ला।

१ थेसलोनिकि 2:15 ပူးပေါင်းရင်းမြစ်များ

लुका 24:20

तर हाम्‍राइ मुख्‍य पुजारिल्‍किन र सासककिन होलाइ मिर्‌त्‍यु दन्‍ड दिके कुरुसनाइ झुन्‍डाइ लाइला।

पेरित 12:3

ह्‍य कामबान यहुदिलत खुसि हक्‍ल देखिके हेरोदिन अजइ सुरिकइ पत्‍रुसलाइ पुनि पक्‍रिनार बिचार गर्‌ले। ह्‍य घटना अखमिरि पिठो खाइनार चाडकर बेलानाइ हक्‍ल रल्‍ति।

पेरित 2:23

परमेसोरिन आफ्‍ने निस्‍चित योजना र ग्‍यानअन्‍सार येसुलाइ तोराल्‍को हातनाइ सुम्‍पिदिले र तोराल्‍किन होलाइ अधर्‌मि मान्‍छेल्‍को हातनाइ सुम्‍पिकइ कुरुसनाइ टागिकइ मारइ लाइलो।

पेरित 3:15

जिबन दिनारलाइ तोराल्‍किन मार्‌लो, तर परमेसोरिन होलाइ मर्‌लबान जिउँते पारल्‍ते, अनि हेइ कुरोकर हाइ साछि आछे।

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

पेरित 5:30

तोराल्‍किन कुरुसनाइ टागिकइ मार्‌ल येसुलाइ हाम्‍रो पुर्‌खाल्‍को परमेसोरिन जिउँते पारल्‍ते।

पेरित 7:52

तोराल्‍को पुर्‌खाल्‍किन कुन्‍टो अगमबक्‍तालाइ चाइ बइसताइला? परमेसोरकर धर्‌मि जन आइतिन आछ बाजिके खबर सुनाइनार अगमबक्‍तालाइ समेत होल्‍किन मार्‌ला। तोराल्‍किन चाइ आइल परमेसोरकर धर्‌मि जनलाइ ने धोका दिके मार्‌लो।