१ थेसलोनिकि 1:10 - माझी

¹⁰ अनि परमेसोरकर बेटाक येसुलाइ परमेसोरिन मर्‌लबान जिउँते पारल्‍ते, र ह्‍व स्‍वर्‌गबान आइनारआछ बाजिके तोरा अस्‍याइधर्‌लाछो। होइनिन हाइलाइ आइ लाग्‍ल परमेसोरकर दन्‍डबान बाचाइछइ।

१ थेसलोनिकि 1:10 ပူးပေါင်းရင်းမြစ်များ

लुका 2:25

ह्‍व बेला सिमियोन नाउँ हक्‍ल मानुस यरुसलेमनाइ बस्‍तेल। ह्‍व परमेसोरकर आग्‍या अन्‍सार हिन्‍नार र धर्‌माति मानुस रइल। होइनिन इज्‍राएलिल्‍काइ बाचाइनार मानुसकर बाट हेरिधर्‌ल रइल र परमेसोरकर आत्‍मा होइसिन रल्‍ति।

लुका 3:7

मान्‍छेल्‍को भिड युहन्‍ना हक्‍ल ठउँनाइ बप्‍तिस्‍मा लेइ आइला। युहन्‍नान होल्‍काइ बल्‌-ल्‍याक, “ए बिखालु सापाकराइ सन्‍तान हो! ‘परमेसोरिन गर्‌नार न्‍यायबान हाइ उम्‍कइ सक्‍छे’ बाजिके तोराल्‍काइ कुनिन बल्‌-ल्‍या?

पेरित 1:11

होल्‍किन बाज्‍ला, “गालिलकराइ मान्‍छे हो, तोरा किनारइ आकासदिस हेर्‌तिन ठडाइधर्‌लाछो? येसु ता स्‍वर्‌ग जाइसक्‍ले, जिनिखे अखन तोराल्‍किन येसुलाइ स्‍वर्‌ग जाइधर्‌ल देख्‍लाछो, उनिखे ने येसु फेरि आइनारआछ।”

पेरित 17:31

किनारइभने सन्‍सारकर सेब्‍बाइ मान्‍छेल्‍को न्‍याय गर्‌नार एक दिन परमेसोरिन तोक्‍दिलाछ, र ह्‍व दिन परमेसोर आफिन छान्‍ल मानुसबान ठिक इन्‍साफ गर्‌नारआछ। होलाइ मर्‌लबान जिउँते पारिके परमेसोरिन सेब्‍बाइ मान्‍छेल्‍काइ हेक्‍र पर्‌मान दिलाछ।”

पेरित 2:24

तर परमेसोरिन होलाइ मर्‌लबान जिउँते पारल्‍ते, र मिर्‌त्‍युकर बन्‍धनबान छुटाल्‍ते, किनारइभने मिर्‌त्‍युन येसुलाइ रोकिधरइ असम्‍भब रल्‍ति।

पेरित 2:32

हेइ येसुलाइ परमेसोरिन जिउँते पारल्‍ते अनि हेइ कुरोकर हाइ सेब्‍बाइ साछि आछे।

पेरित 3:15

जिबन दिनारलाइ तोराल्‍किन मार्‌लो, तर परमेसोरिन होलाइ मर्‌लबान जिउँते पारल्‍ते, अनि हेइ कुरोकर हाइ साछि आछे।

पेरित 3:21

परमेसोरिन पइलासिन ने आफ्‍ने पबित्‍र अगमबक्‍ताल्‍को मुखबान बाज्‍ल सेब्‍बे कुरो नयाँ बानाइनार समय नआउन्‍जेलसम्‍म येसु स्‍वर्‌गनाइ ने हकइपर्‌छि।

पेरित 4:10

तोराल्‍काइ र इज्‍राएलकराइ सेब्‍बाइ मान्‍छेल्‍काइ था हक्‍दिक कि तोराल्‍किन कुरुसनाइ टागिकइ मार्‌लाइ, र परमेसोरिन मर्‌लबान जिउँते पार्‌ल, होइ नासरतकर येसु खिरिस्‍टकर नाउँनाइ ह्‍य मानुस तोराल्‍को अगाडि बिसेक हकिके ठडाइलाछ।

१ थेसलोनिकि 1:7

इनिखे तोरा माकेडोनिया र अखइयानाइ हक्‍लाइ सेब्‍बाइ बिस्‍वासिल्‍को लागि एक उदारन बन्‍लाछो।

१ थेसलोनिकि 2:16

होल्‍किन हाइलाइ आने जातिराइ मान्‍छेल्‍काइ मुक्‍तिकर कुरो सुनाइ बइदिला। इनिखे सदइ होल्‍किन आफ्‍ने पाप थप्‍तिन जाइला, तर पछि परमेसोरकर रिस होलत उप्‍रान पर्‌लाछि।

१ थेसलोनिकि 2:7

तर हाइ ता आफ्‍ने नानिल्‍काइ स्‍याहार्‌नारि आमेक जिन्‍खाए नम्‍र हकिके तोराल्‍को माजनाइ सेवा गर्‌ले।

१ थेसलोनिकि 5:9

किनारइभने परमेसोरिन हाइ उप्‍रान आफ्‍ने रिस खन्‍याइलाइ छान्‍ल बया, तर हाम्‍रो पर्‌भु येसु खिरिस्‍ट मार्‌फत मुक्‍ति देइलाइ पइला ने छान्‍ल हो।

२ तिमोथि 4:1

मर्‌लाइ र जिउँताइ सेब्‍बाल्‍को न्‍याय गरइ आइनार खिरिस्‍ट येसु र परमेसोरकर अगाडि, अनि होक्‍र आगमन र राज्‍यलाइ ध्‍याननाइ धरिके मुइ तुइलाइ ह्‍य आग्‍या दिछु,

तितस 2:13

इनिखे ने हाइनिन आसा धर्‌ल कुरो पुरा हक्‍नार दिनकर बाट हेर्‌छे। ह्‍व दिन हाम्‍रो महान परमेसोर र मुक्‍तिदाता येसु खिरिस्‍टकर बड्‌खो आदर हक्‍ल देखइ पाइनारआछे।