Xota̱ Éfeso̱ 5:3 - Xo̱jo̱n eén Néná

³ Ta̱nga kjo̱a̱tondo̱, ko̱jo ngayeje ni xi ndándí, ko̱jo kjo̱a̱xki̱ꞌá, nde chjiénjín nga ko̱ndókjo̱a̱ kjo̱a̱a̱ kui nii̱ ngi̱jinjnú, ngatꞌa̱ kui nii̱ jmí tsi tsi̱ꞌe̱ xota̱ xi tsjiee̱ Néná.

Xota̱ Éfeso̱ 5:3 ပူးပေါင်းရင်းမြစ်များ

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 119:36

Ti̱ꞌin ji nga ta̱ ée̱n tsí xi sa̱ꞌinkjó án, kó jmí tsi to̱n xi niꞌán xi ndajín sakóná.

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 20:17

»Ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín».

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Énkjínkón 28:16

Xota̱ xi botixómá xi jmí ni makjínjiín, ta̱ tsꞌénkjó tsí nga tsie ngase to̱n kjo̱a̱ꞌáchjií xotaa̱, ta̱nga xota̱ xi chꞌoo̱ kjo̱a̱xkétoo̱n, kuí boá xi tsie ngase ka̱maa̱ nga kꞌuijñá nga̱sondie.

Lebitiko̱ 15:18

»Tsi ngo nda̱ ko̱jo ngo na̱ sa̱ꞌíntsjajo̱ yojoo̱, chjiéngá tsjiejín ka̱ma ngaskande nga ka̱majñoó, kó chjiéngá ko̱ngóyá ngijee̱.

Xki̱ 25:1

Kó xota̱ Israee̱l nga kisꞌińdo nangi Sitii̱n, ítsꞌi̱yanii̱ nga kisꞌiejo̱ ꞌma ínchjín xí chji̱a̱ni xota̱ tji̱e̱e̱ Moaa̱b.

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Rkaa̱ 12:15

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Ni xi kamá 15:20

ta̱ ka̱ma ta̱ ngo tsi xo̱jo̱n si̱ꞌandàa̱ nínga kꞌuiyáa̱, tsi̱ꞌe̱ nga ku̱i̱ꞌíjñátꞌaxiín yojoo̱ ngayeje ni xi ndándí xi chji̱a̱ni ngo a̱sie̱én ngo ne xi tsꞌénda xotaa̱, kó nga sa̱ꞌínkamajo̱jín xi tondo̱, ko̱jo nga skji̱ni̱e̱jín yojoo̱ cho̱ xi niꞌánxíndo nga niꞌánkꞌién, ko̱jo yojo xi ndyi̱a̱a̱ jín.

Ni xi kamá 20:33

Jmí to̱ntiboa, ti̱nde jmí to̱nsinié, ti̱nde jmí ńjñoo̱ xotaa̱ kamámejénjínna,

Xota̱ Roma̱ 1:29

Katsꞌén ngayeje to̱ko̱ya ni xi kixi̱jín, katsꞌén kjo̱a̱tondo̱, kamámejeén ni xi tsi̱ꞌe̱jín, kisꞌiee̱ kjo̱a̱ton, kisꞌiee̱ kjo̱a̱ꞌontakón, katsꞌénkꞌién xkjín, kisꞌiee̱ kjo̱a̱xti, tsꞌenṉcha̱jo xkjín, katsꞌén ni xi ndajín.

Xota̱ Roma̱ 16:2

nda ti̱ꞌansénjnúu̱ ngi̱yaa̱ jaꞌeén Ndi̱a̱ná, xikótsꞌèn niꞌánseén xota̱ tsjiee̱ Néná, kó tasíko̱jojnú ngayeje ni xi chjieén, ngatꞌa̱ achichí xota̱ xi je asíko̱jo kui naa̱, ngaskande an asíko̱jona.

Xota̱ Roma̱ 6:13

Ti̱nde ngata̱ jeéjín boeꞌéjnúu̱ yojojnú nga ni xi ndajín sa̱ꞌínjnú, ta̱sá Néná te̱ꞌéjnúu̱ yojojnú nga xikoó tsi je jaꞌáꞌyájnú ngi̱jii̱n xota̱ xi je jesoón, kó takójnú yojojnú xikoó ngo ni xi niꞌánkjieén ni xi kixi̱i̱.

1 Xota̱ Korinto̱ 10:8

Ti̱nde ngata̱ tondo̱jín májnú, xikó katsꞌén chiboa kui xotaa̱, kuíni nga nga ta̱ ngo ni̱xtjin kan ján mi̱ kamá xi jesón.

1 Xota̱ Korinto̱ 5:1

Ja̱koxi̱ nga ta̱jñàní ndaꞌyá nga tjín kjo̱a̱tondo̱ ngi̱jinjnú, ngatꞌa̱ ngo nda̱ tikónjinjnú xi na̱anjoón tikónjo̱. ¡Ngaskande xota̱ xi bejín Néná tsꞌénjín kui nii̱!

1 Xota̱ Korinto̱ 6:13

Ni chiniee̱ tsi̱ꞌe̱ ndo̱ꞌo̱stsa̱ná boá, kó ndo̱ꞌo̱stsa̱ná tsi̱ꞌe̱ nichiniee̱ boá, ta̱nga nga jó kui nii̱ xi sa̱ꞌínkjié Néná. Ta̱nga yojoná jmí tsi katseꞌéná tsi̱ꞌe̱ nga tondo̱ ka̱ma ñá, ta̱sá tsi̱ꞌe̱ nga xaá Ndi̱a̱ná xi si̱ꞌán, ngatꞌa̱ yojoná tsi̱ꞌe̱ Ndi̱a̱ná boá.

1 Xota̱ Korinto̱ 6:18

Ti̱yójnúu̱ kjo̱a̱tondoo̱. Ngayeje kje̱ꞌe jé xi sa̱ꞌín ngo xota̱ jmí ni tsꞌénjiín yojoo̱, ta̱nga tsi ngo xi tondo̱, ti̱kuíní yojoo̱ xi tjítsꞌénkjátsón.

2 Xota̱ Korinto̱ 12:21

Ti̱ nda̱ kjimana nga tsi kjiꞌanga kjóchokón nginíjnú an, Néná sa̱ꞌínni̱ma̱takónna ngi̱jinjnú, kó ngaskande skja̱ndá mára an kjo̱a̱a̱ kui xota̱ xi katsꞌénjé ngasꞌe̱, kó kji̱e̱ tsꞌénkꞌoyàjín yojoo̱ kjo̱a̱a̱ ni ndándí xí ndyi̱tsꞌèn, ko̱jo nga ndyi̱tsꞌèn kjo̱a̱tondo̱, ko̱jo xi ndyi̱tsꞌènkꞌásꞌieén yojoo̱ ni xi chꞌokjiꞌii̱.

Xota̱ Éfeso̱ 5:12

Ngatꞌa̱ ngaskande soboá má máná nga ndokjo̱a̱ kjo̱a̱a̱ ni ꞌma xi ndyi̱tsꞌèn.

Xota̱ Éfeso̱ 5:5

Ngatꞌa̱ chjiéngá xcha̱jnú kui nii̱: Nga ja̱koxi̱ boá nga kui xota̱ xi ndyi̱tsꞌèn kjo̱a̱tondo̱, ko̱jo xi ni xi ndándí ndyi̱tsꞌèn, ko̱jo xi xki̱ꞌá xi tjimátji̱ngi kje̱ꞌe ne xi Nénájín, nga ngayeje kui xotaa̱ sa̱kójiín nga Kristoo̱ ko̱jo nga Néná xí ko̱tíxomaa̱.

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

1 Xota̱ Tesalónika̱ 4:3

Ngatꞌa̱ Néná mejeén nga jún tsjietsꞌén ku̱i̱ndyionjnú ngindyi̱ko̱n kui, nga xín si̱ꞌankjaꞌájnúu̱ yojojnú kjo̱a̱tondoo̱.

1 Xota̱ Tesalónika̱ 4:7

Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin.

1 Timoo̱ 2:10

Ni xi nda niꞌaán xí chjiéngá ngatándani yojoo̱, xikótsꞌèn tsoboaá nga tsꞌén ínchjín xi mejeén sa̱ꞌíndikón Néná.

1 Timoo̱ 3:3

ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.

1 Timoo̱ 6:10

Ngatꞌa̱ kjiꞌanga ꞌniú niꞌántjó to̱o̱n, ki̱a̱ ndibánií ngayeje to̱ko̱ya ni xi ndajín, kó tjín xota̱ xi ta̱ngatꞌanii̱ nga mejeén ka̱ma cho̱n, nga xín katsꞌénkjaꞌa kjo̱a̱sꞌijii̱n, kó ti̱kuíní xi ndyi̱tsꞌènꞌoón yojoo̱.

2 Timoo̱ 3:2

Ngatꞌa̱ xotaa̱ ka̱maꞌonkon, kó to̱o̱n xi ꞌniú sa̱ꞌíntjó ngase, ko̱jo je ka̱maa̱ yojoo̱, ko̱jo ta̱kuítsí xi sa̱ꞌíntjó yojoo̱, ko̱jo chꞌo ka̱tso̱o̱ Néná, ko̱jo ku̱i̱ntꞌiéꞌénjiín xi xchaá, ko̱jo xota̱ xi tsꞌénkiejín yojoo̱ nga bosíko̱jo ka̱ma, kó sku̱i̱e̱ndikónjín Néná.

Titoo̱ 1:11

Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.

Titoo̱ 1:7

Ngatꞌa̱ chjiéngá, nga kui xota̱ xi ngito̱ko̱o̱ na̱ngo̱xi̱i̱ ka̱ma, nga jmíjín xi chꞌo tsꞌén ku̱i̱chji̱a̱taꞌin nga tjítsꞌén xaá Néná, nga nkꞌakonjín kꞌo̱xié yojoo̱, nga ka̱májín xtinda ka̱ma, nga chjiénjín nga tsꞌatio kꞌuí bino̱, ti̱nde nga ka̱májín xota̱ xi kján ka̱ma, ti̱nde nga ka̱májín sa̱ꞌínmején ndyi̱ko̱n to̱o̱n ni xi ndajín tsꞌén kasakoni.

Titoo̱ 2:3

Ti̱ bo̱a̱ ti̱ tsꞌén ínchjín xi xchaá, chjiéngá sku̱i̱e̱ndikón Néná, ko̱jo chjiénjín nga éndísó kꞌuitsómajo̱, ko̱jo ka̱májín tsꞌatio kꞌuí bino̱, ko̱jo chjiéngá na̱ mostraa̱ ni xi ndaa̱ ka̱ma,

Xota̱ Ebreo̱ 12:16

ko̱jo tsi kꞌuié ngo xota̱ xi tondo̱ ka̱ma, ko̱jo tsi ngo xi sku̱i̱e̱ndikónjín nii̱ Néná xikó katsꞌén Esauu̱, kui xi ta̱ngatꞌanii̱ ngo chií ti̱bo̱a̱ nichinie xi atíñáni kjo̱a̱nda xi katsoboaá nga kui xi ndí xi tjón kamá katsaki.

1 Xo̱jo̱o̱n Peé 5:2

Chónjnú xota̱ na̱ngo̱xi̱ xi Néná katsꞌénkꞌindájnú xikoó ngo nda̱ xi koo̱n cho̱tsa̱nga̱a̱, chónjnú, kó jmí tsi kjo̱a̱ꞌniú nga bo̱a̱ si̱ꞌánjnú, ta̱sá ngayeje takónjnú, xikótsꞌèn mejeén Néná, jmí tsi kjo̱a̱a̱ kjo̱a̱xkéto̱n, ta̱sá kjo̱a̱a̱ nga tsja májnú nga niꞌánjnú kui xaá.

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

2 Xo̱jo̱o̱n Peé 2:14

Nde májín nda be ngo na̱, nga ja̱ kamá tsꞌénkjó nga sa̱ꞌíntsjajo̱, jmíni̱xtjin fenda nga ndyi̱tsꞌèn jé, ꞌboṉcha̱jo xota̱ xi kji̱e̱ ꞌniújín ndyi̱a̱, achichí kjo̱a̱xkéto̱n tjíjin ini̱ma̱a̱, xota̱ xi ꞌniú ndajín boá ngindyi̱ko̱n Néná.

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.

Ni xi akakoo̱ 2:21

An, jè katsjandièe̱ tsi̱ꞌe̱ nga sa̱ꞌínkꞌoyà yojoo̱, ta̱nga kui kamámejénjiín nga sa̱ꞌínkꞌoyà yojoo̱ kjo̱a̱a̱ xá xi tsꞌén nga na̱masien tjítsꞌén yojoo̱.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.

Ni xi akakoo̱ 22:15

Ta̱nga ndi̱tsén jàn kꞌuíndo ngayeje xota̱ xi ndajín, ko̱jo xi ndyi̱tsꞌèn kjo̱a̱tjiꞌe, kui xi ta̱xkiya ndyi̱tsꞌèntsjàjo̱ yojoo̱, xi ndyi̱tsꞌènkꞌién ini̱ma̱, xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo kui xi ndyi̱tsꞌèntjó ko̱jo xi ndyi̱tsꞌèn kjo̱a̱ndiso.

Ni xi akakoo̱ 9:21

kó kui xotaa̱ ti̱nde katsꞌénkꞌoyájín yojoo̱ kjo̱a̱a̱ nga katsꞌénkꞌién xota̱, ti̱nde íjñámasienjín nga katsꞌén kjo̱a̱tjiꞌe, ti̱nde íjñámasienjín kjo̱a̱tondo̱, ti̱nde íjñámasienjín nga katsꞌénchejé.