Xota̱ Éfeso̱ 3:3 - Xo̱jo̱n eén Néná

³ Néná akóna ni xi índa xi tjiꞌmaá ngasꞌe̱, xikótsꞌèn je katsꞌénꞌindó chiboajnúꞌun.

Xota̱ Éfeso̱ 3:3 ပူးပေါင်းရင်းမြစ်များ

Ni xi kamá 22:17

Kó ngije kijí nginí an na̱xi̱ńdáꞌniú Jerusale̱n, kijí an na̱ngo̱xi̱i̱ nga tsíchji̱a̱a̱ Néná, kó ki̱a̱ akakona ngo ni.

Ni xi kamá 22:21

Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”

Ni xi kamá 23:9

Kó ngayeje xotaa̱ askjandáyà xtín, kó tjín já xí chji̱ni̱e̱kjo̱a̱kiti, xi xota̱ fariseo̱ chji̱a̱ni xi jastjíe̱n, kó bi̱ katsó: –Kui nda̱a̱ jmí ni chꞌokjiꞌi katsꞌénjín, kó tsi ngo a̱siénni̱xtjin ko̱jo tsi ngo ndítsjie tsíchji̱a̱jo ki.

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

2 Xota̱ Korinto̱ 12:1

Kjénní nga jmí ni chjíjiín nga je kꞌoxié an yojona, ta̱nga chjiéngá bo̱a̱ sa̱ꞌin an, kuíni nga kuichjiájomájnúꞌun kjo̱a̱a̱ ni xi kamábe an, ko̱jo ni xi akóna Ndi̱a̱ná.

Xota̱ Ngalasia̱ 1:12

Ngatꞌa̱ jmí tsi ngo xota̱ xi katsjána, ko̱jo tsi xi akóyána, kuí Jesukristoo̱ xi katsóyàna kui eén.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Éfeso̱ 3:4

Kjiꞌanga si̱ꞌanyajnú kui xo̱jo̱o̱n, xcha̱jnú nga nda makjínna ni xi índa Néná ngatꞌaa̱ Kristoo̱.

Xota̱ Éfeso̱ 3:6

Kó kuí bí ni xi índaa̱: Nga xota̱ xi jundío̱jiín, ko̱jo kui sa̱ko̱ó ni xi Néná tsjaá ndií, kó nga ta̱ ngo tsí yojoo̱ Kristoo̱ ka̱ma ñá, kó nga nga jó tjiín nga sa̱ko̱ó ni xi Néná katsóyàtjón nga tsja̱á xota̱ xi sꞌijii̱n éntjatsi̱e̱e̱ Kristo̱ Kjisoo̱.

Xota̱ Éfeso̱ 3:9

Kó nga boko cha̱n cha̱a̱n ngayeje xotaa̱ kókjiꞌi ni xi índa, kui ni xi tjiꞌmaá ndeskande kui ni̱xtjin jàn kui Néná xí katsꞌénda ngayeje ni xi tjiín.

Xota̱ Éfeso̱ 6:19

Ti̱ bo̱a̱ ti̱ tsꞌén ndókjo̱a̱tjéjnúꞌun nga ko̱ndókjo̱a̱jnúu̱ Néná, tsi̱ꞌe̱ nga tsja̱ana én xí kꞌuini̱jmì an, ko̱jo tsi̱ꞌe̱ nga stsakjonjín an nga kuichjiá an, kó bo̱a̱ tsꞌén nga ka̱ma koko an ni xi kisiꞌma ngasꞌe̱ xi tsꞌén bokó éntjatsi̱e̱e̱ Néná ngotꞌe̱.

Xota̱ Kolosa̱ 2:2

Tsjàa̱ kjo̱a̱ni̱ma̱ yojona, tsi̱ꞌe̱ nga sa̱kó ngaꞌniuú ini̱ma̱a̱ xota̱ na̱ngo̱xi̱i̱, nga ta̱ ngo tjín ko̱a̱ꞌa̱ xkjín nga kꞌuieé kjo̱a̱tjó, ko̱jo nga kꞌuieé kjo̱a̱cho̱o̱n kjo̱a̱kjíntakón xi ndaa̱, tsi̱ꞌe̱ nga ka̱makjiín ni xi íjña ꞌma Néná ngasꞌe̱, kui xi Kristoo̱ ngotꞌe̱.

Xota̱ Kolosa̱ 4:3

Ndókjo̱a̱tjéjnú ji̱n, tsi̱ꞌe̱ nga Ndi̱a̱ná tsja̱ndièjne̱ nga kꞌuiyájne̱ eén, kó kꞌuiníjmi̱jne̱ ni xi kisꞌijña ꞌma ngasꞌe̱, kó je tjibóko ngotꞌe̱ ngatꞌaa̱ Kristoo̱, ngatꞌa̱ ta̱ngatꞌanii̱ kui nii̱ nga ndo̱bo̱a̱yà tikòn an.

Xota̱ Ebreo̱ 13:22

Jún ntsꞌie, tsiejín má ni xi katsꞌenꞌindójnúꞌun, kó ꞌniú míꞌájnúꞌun tsi̱ꞌe̱ nga nda si̱ꞌansenjnúu̱ kui nii̱.

1 Xo̱jo̱o̱n Peé 5:12

Silbanoo̱ kui nda̱ xi ngo nda̱ ntsꞌié xi ta̱nisién ꞌniátakón an, asíko̱jona nga katsꞌendajnúꞌun kui xo̱jo̱o̱n. Chiboa má ni xi itꞌajnúꞌun nga tsꞌénbotixomájnúꞌun, kó tsꞌénxiya kixi̱ kixi̱jnúꞌun, nga ni xi tjítꞌa kꞌi̱e̱e̱ kuí boá xi kjo̱a̱ndaa̱ Néná. ꞌNiú tindyionjinjnú kui nii̱.

2 Xo̱jo̱o̱n Peé 3:15

Kó ngatamakjínjnú nga kui kjo̱a̱chiyákjo̱a̱ xi tjiín Ndi̱a̱ná, tsi̱ꞌe̱ nga kjo̱tjoꞌa ñá boá, xikótsꞌèn nda̱ ntsꞌie xi tjóná xi ꞌmí Pabloo̱, ítꞌajnú xo̱jo̱n, xikó kjiꞌi kjo̱a̱kjínkón xi katsjaá Néná.