Xota̱ Ebreo̱ 4:3 - Xo̱jo̱n eén Néná

³ Ta̱nga ñá xi je kisꞌijinná, ku̱i̱tjásꞌi̱e̱n ñá kui ngi̱ndie nínga tsꞌénkjaꞌyá xota̱ xi tsi̱ꞌe̱ Néná, ngatꞌa̱ bi̱ katsó Néná: Kó kuíni kjiꞌanga katsꞌenxchán án, ja̱koxi̱ nga bi̱ sa̱ꞌin an kixiáa̱n: “Kꞌo̱sꞌienjín kui xotaa̱ ngi̱ndie xi tsjàa̱ nínga tsꞌénkjaꞌyá xota̱ xi tsa̱ꞌa̱n.” Ndatsi Néná je kamándo̱jo̱ó xá xí katsꞌén ndeskande koó nga katsꞌénda nga̱sondiee̱.

Xota̱ Ebreo̱ 4:3 ပူးပေါင်းရင်းမြစ်များ

Jenesii̱s 1:31

Kó tji̱e̱nga Néná askotsijee̱n nga tsjakon kamá ni xi katsꞌéndaa̱, kamájñó, sꞌe̱ jaskan kisisie̱èn. Kuí boá xi̱ꞌba̱ ni̱xtjin xi ma juu̱n.

Xo̱jo̱n Salmoo̱ 95:11

Kuíni nga kjiꞌanga katsꞌenxchán án, bo̱a̱ kixian an nga kꞌo̱sꞌienjín ki̱a̱ tꞌanangi nínga sa̱ꞌínkjaꞌyá katsaki.

Éksondo̱ 20:11

Ngatꞌa̱ jun ni̱xtjin katsꞌéndani an ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín. Ta̱nga ni̱xtjin xi ma yitoo̱ katsꞌenkjaꞌyá án. Kuíni nga katsꞌenchikonñé an kui ni̱xtjii̱n, kó án xi bo̱a̱ kixian an nga ngo ni̱xtjin ndikón ka̱ma.

Matioo̱ 13:35

tsi̱ꞌe̱ nga jatjosón ni xi katsó nda̱ chji̱ni̱e̱ꞌe̱én Néná nga bi̱ katsó: Énkjín xí sa̱ꞌinkjièn án nga kuichjiájo an xotaa̱, kó xiyàa̱ ni xi tjiꞌmaá Néná ndeskande nga kamánda nga̱sondiee̱.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Xota̱ Éfeso̱ 1:4

Kristoo̱ katsꞌénkjién Néná nga jaꞌájinná ndeskande ngindiee̱ nga kamánda nga̱sondiee̱, tsi̱ꞌe̱ nga tsjietsꞌén ku̱i̱ndyión, kó jmí jé kꞌuiéjínná ngindyi̱ko̱n kui.

Xota̱ Ebreo̱ 3:11

Kó kuíni nga katsꞌenxchán án, ja̱koxi̱ nga bi̱ sa̱ꞌin an kixiáa̱n: “Kꞌo̱sꞌienjín kui xotaa̱ ngi̱ndie xi tsjàa̱ nínga tsꞌénkjaꞌyá xota̱ xi tsa̱ꞌa̱n.”

Xota̱ Ebreo̱ 3:14

Ngatꞌa̱ jè nijan tjisákóná ni xi tsi̱ꞌe̱ Kristoo̱, tsi ngaskande nga kju̱i̱e̱tꞌa ꞌniú ku̱i̱ndyionjo̱ kui kjo̱a̱ꞌniátakón xi kisꞌiená nga tjón.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.