Xota̱ Ebreo̱ 2:9 - Xo̱jo̱n eén Néná

⁹ Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

Xota̱ Ebreo̱ 2:9 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 6:28

Kó míkjo̱a̱a̱ nga nda̱ ka̱majnú kjo̱a̱a̱ ńjño xi xcha̱jàjnú. Tsitsíjen chi̱bo̱a̱yajnúu̱ naxó xí tjín ngi̱jin kꞌijñaá, kótsꞌèn kjimaxchá, kó tsꞌénxájín ti̱nde jmí ńjño kjóyàjín,

Markoo̱ 9:1

Kó Kjisoo̱ ti̱ bi̱ ti̱ katsó ngase: –Ja̱koxi̱ ni xi xiánjnúꞌun nga tjín káꞌá xi síndojinná kꞌi̱e̱e̱ xi ko̱yàjín ngaskande nga sku̱i̱e̱ nga kjo̱e̱ꞌe ngaꞌniuú Néná nga ko̱tíxoma.

Rkaa̱ 9:27

Ta̱nga ja̱koxi̱ ni xi xiánjnúꞌun nga tjín káꞌá xi síndojinná kꞌi̱e̱e̱, xi ko̱yàjín ngaskande nga sku̱i̱e̱ nga ko̱tíxoma Néná.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 10:17

Kuíni nga Na̱ꞌmina tjoó an, ngatꞌa̱ tsꞌén tsja an yojona tsi̱ꞌe̱ nga ko̱yà án, ko̱jo tsi̱ꞌe̱ nga kjo̱a̱ꞌáꞌyá nginína.

Juaa̱ 12:32

Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Juaa̱ 8:52

Sꞌe̱ bi̱ katsó já jundíoo̱: –Ngotꞌe̱ ꞌne̱ nga je yàjne̱ nga xindajín tjíjii̱n yojòo̱, ngatꞌa̱ Abraa̱n ko̱jo já chji̱ni̱e̱ꞌe̱én Néná jesón, kó jí bi̱ se ji: “Xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.”

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Xota̱ Roma̱ 5:18

Xikó tsꞌén, nga ta̱ngatꞌanii̱ nga ngo xi katsꞌénjé nga kisꞌiee̱ kjo̱a̱botíjé ngayeje xotaa̱, ti̱ bo̱a̱ ti̱ tsꞌén kjo̱a̱kixi̱i̱ ta̱ ngo tsí xi kjindibánii̱, tsi̱ꞌe̱ nga kixi̱ kꞌuíndo ngayeje xotaa̱ ngindyi̱ko̱n Néná.

Xota̱ Roma̱ 5:8

Ta̱nga Néná akó kjo̱a̱a̱ nga tjoó ñá, ngatꞌa̱ ndatsi xota̱ jé ñá, Kristoo̱ kꞌientjéná.

Xota̱ Roma̱ 8:3

Ngatꞌa̱ Néná xí kamaá katsꞌén ni xi kamájiín katsꞌén kjo̱a̱kitii̱ Moisee̱, ngatꞌa̱ kjo̱a̱kitii̱ jmí ngaꞌniú kisꞌiejiín nga tsꞌaxiéꞌá xota̱ nga̱sondiee̱ ngatꞌa̱ inda kamá xotaa̱. Ta̱nga Néná katsangiya ndií nga xikoó ñá kamá, kó nga ta̱ngatꞌanii̱ jéná nga kꞌien, kó kui íchjí tsi̱ꞌe̱ nga Néná sa̱ꞌínkjié jeé xota̱ nga̱sondiee̱.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

2 Xota̱ Korinto̱ 5:15

Kó ta̱ngatꞌanii̱ ngayeje xotaa̱ nga kꞌien Kristoo̱, tsi̱ꞌe̱ nga kui xota̱ xi síndoo̱, jmí tsi kjo̱a̱a̱ kui nga kꞌuíndo ngase, kꞌuíndo tsi̱ꞌe̱ nga sa̱ꞌín ni xi tsjaa̱ Kristoo̱, kui xi kꞌien ko̱jo jaꞌáꞌyaá ngandaa̱ kui xotaa̱.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

Xota̱ Ebreo̱ 1:9

Jè kiniꞌíntjé ni xi kixi̱i̱, kó kiniꞌínchꞌí ji ni xi ndajiín, kuíni nga Néná je jaꞌájiin, kui Ne xi tse̱, kó kuí xí katsjaá tsie kjo̱a̱tsja, tsie ngase ta̱bo̱a̱jiín ndítsjiee̱.

Xota̱ Ebreo̱ 10:5

Kuíni nga Kristoo̱ nga jeꞌe kui nga̱sondiee̱, bi̱ katsó: Kamámejénjiín ji kjo̱a̱tjó ko̱jo chji̱e̱, ta̱sá ngo yojo ikꞌíjñinde xi katseꞌéní.

Xota̱ Ebreo̱ 11:5

Ta̱ngatꞌanii̱ kjo̱a̱sꞌijii̱n Enoo̱k, nga Néná kijíjo̱ tikón ndiꞌakꞌajmi jàn, tsi̱ꞌe̱ nga kamábejín kjo̱a̱bo̱yaa̱, kó ngiti̱ ta̱ꞌyajín xi kasako ngasee̱. Ngindiee̱ nga tsangínjo̱, nda kichiboá kjo̱a̱a̱ kui nga tsintꞌiéꞌeén Néná, kó kui nii̱ xi tsja kamaá Néná.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 2:7

Ngindie ngase xikoó ndítsjiee̱ kiniꞌín ji ngotjón, ta̱nga katseꞌée̱ kjo̱a̱je ko̱jo nga xcha̱ndikón.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

Xota̱ Ebreo̱ 8:3

Ngayeje chináꞌmi xi ꞌniú nkꞌa xaá katseꞌéxárií tsi̱ꞌe̱ nga sa̱ꞌínkꞌasꞌien chji̱e̱ ko̱jo kjo̱a̱tjó, kó kuíni nga Jesukristoo̱ ti̱ chjiéngá kꞌuieé ngo ni xi sa̱ꞌínkꞌasꞌien nga.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

Ni xi akakoo̱ 19:12

Ndyi̱ko̱n ꞌna̱ kamá xikoó tsi ngo ndiꞌí, kó achichí kjín korona̱ kisꞌińdoo̱ to̱ko̱, kó ngo jaꞌén kisitꞌaa̱, xi ta̱ ngototo kui xi be,

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,