Xota̱ Ebreo̱ 2:3 - Xo̱jo̱n eén Néná

³ kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.

Xota̱ Ebreo̱ 2:3 ပူးပေါင်းရင်းမြစ်များ

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 4:17

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.

Markoo̱ 1:14

Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná.

Rkaa̱ 1:2

xikótsꞌèn akóyáná ndeskande nga ítjatsꞌennii̱ kui xota̱ xi chistiko̱ kamá nga kamábe, ko̱jo nga mosoo̱ eén Néná kamá.

Rkaa̱ 1:69

Kó katsangiya ngo xi ꞌniú tjiín ngaꞌniú nga kꞌo̱xiéꞌáná, xi chji̱a̱ni xota̱ tji̱e̱e̱ Ndabii̱, nda̱ xi mosoo̱ Néná,

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Juaa̱ 15:27

kó ko̱jo jún ko̱ndókjo̱a̱jnú kjo̱a̱a̱ an, ngatꞌa̱ ki̱a̱ kixindyionjo̱jnúꞌun ndeskande koó nga ítsꞌi̱yanii̱ nii̱.

Ni xi kamá 1:22

ndeskande nga Juaa̱ atíndá Kjisoo̱, kó ngaskande ni̱xtjin nga tsangínjo̱ ndiꞌakꞌajmi jàn, nga ngo kui jaá xi nijan ngatamajo̱ná chistiko̱ nga jaꞌáꞌyaá Kjisoo̱.

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

Xota̱ Roma̱ 2:3

Kó ji xi tiꞌbítꞌejé kje̱ꞌe xota̱, kó ti̱ kuii̱ kui nii̱ tiniꞌín ndatsa ji nga, a ka̱maári kjo̱tjoꞌàa̱ yojòo̱ kjo̱a̱a̱ kjo̱a̱botíjeé Néná.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

1 Xota̱ Tesalónika̱ 5:3

Kjiꞌanga bi̱ ka̱tso̱ xotaa̱: “Tjínná kjo̱a̱xió, ko̱jo jè jmí ni ka̱májínná”, kjiꞌá boá nga ta̱niján ma kji̱ndi̱bá nga kju̱i̱e̱ kui xotaa̱, xikó ma má nga je ndibaá tsi̱ndi̱o̱o̱ ngo xota̱chjo̱on xí yaꞌa ndí. Ngiti̱ jmíjín kótsꞌèn ka̱ma ku̱i̱yòjnú.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

Titoo̱ 2:11

Ngatꞌa̱ Néná je akoó kjo̱a̱ndaa̱ ngayeje xotaa̱, kó kuí boá xi ꞌboxiéꞌáná,

Xota̱ Ebreo̱ 1:1

Ni̱xtjin xcháján, Néná kjín ndi̱yà ko̱jo ja̱ kje̱ꞌe ja̱ kje̱ꞌe tsꞌén tsíchji̱a̱jo xota̱ xi xcháná nga katsꞌénkjién já chji̱ni̱e̱ꞌe̱én.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xota̱ Ebreo̱ 4:1

Ta̱kó tikónná ngi̱ndie nga ku̱i̱tjásꞌi̱e̱n ngi̱ya nínga niꞌánkjaꞌyá xi tsjaá xota̱ xi tsi̱ꞌe̱ Néná, xikó katsó nga katsóyàtjón, kuíni nga xchóo̱n yojoná, ngatꞌa̱ achichíra̱ ndasen kjiꞌi tsi tjín jún xi ka̱májín kjo̱chó kui ngi̱ndiee̱.

Xota̱ Ebreo̱ 4:11

Ja̱ kuíni nga chjiéngá si̱ꞌán ngo kjo̱a̱ꞌniú tsi̱ꞌe̱ nga ku̱i̱tjásꞌi̱e̱n kui ngi̱ndie nínga niꞌánkjaꞌyaá, tsi̱ꞌe̱ nga ngojín xi ko̱e̱je̱tji̱ngi kui chi̱bo̱a̱ xi íjñá kui xota̱ xi tsintꞌiéꞌénjiín.

Xota̱ Ebreo̱ 5:9

Kó ngije Kristoo̱ kamá xi chjiéngá ka̱ma kui, kuí boá xi kamá kui xi ngatsjéni̱xtjin kꞌo̱xiéꞌá kui xota̱ xi ndyi̱ntꞌièꞌeén.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

1 Xo̱jo̱o̱n Juaa̱ 1:1

Ndyi̱ꞌbíni̱jmìjne̱ jún kjo̱a̱a̱ kui xi tikón ndeskande koó nga ítsꞌi̱yanii̱ nii̱, kui xi je kandaꞌyájne̱ nga tsíchji̱a̱jojne̱, ko̱jo kui xi ndyikón má ji̱n xi je kamábe, kui xi je kamáyà cha̱n cha̱n ji̱n, ko̱jo kui xi ndsa̱ má ji̱n xi je katsꞌénjo̱. Kuí boá xi Én xí tikoón, kui xi tsjaá kjo̱a̱mindyion xotaa̱.

Xo̱jo̱o̱n Jundaa̱ 1:17

Ta̱nga jún ndí ntsꞌie xi tjóna, ngatjaꞌátsjienjnú én xi katsó já apostroo̱ Ndi̱a̱ná Jesukristoo̱,

Ni xi akakoo̱ 7:10

Kó ngayejee̱ nga ꞌniú tsíchji̱a̱, nga bi̱ katsó: ¡Néná ko̱jo cho̱tsa̱nga̱a̱ kuí xí botixómá, kó kuí xí ꞌboxiéꞌáná!