Xota̱ Ebreo̱ 13:3 - Xo̱jo̱n eén Néná

³ Ngatjaꞌátsjienjnú nga ko̱si̱ko̱jójnú xota̱ xi síndoyá ndo̱bo̱a̱ya̱à, xikó maá tsi jún nijan tindyionjo̱jnú ndo̱bo̱a̱yà, ko̱jo ti̱ ngatjaꞌátsjienjnú nga ko̱si̱ko̱jójnú xota̱ xi ndajín tjíniꞌánjo̱o̱ nga, xikó maá tsi jún xi bo̱a̱ kjimataꞌinjnú.

Xota̱ Ebreo̱ 13:3 ပူးပေါင်းရင်းမြစ်များ

Matioo̱ 25:36

kistsoꞌbákjiꞌixtí an, kó jún katseꞌéjnúꞌun ńjño xi tsajá an, kamáꞌonna, kó jún tsangínchonjnúꞌun, kisꞌijña an ndo̱bo̱a̱yà, kó jún tsangíntsitsijénjnúꞌun.»

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.

Xota̱ Roma̱ 12:15

Tsja ngatamajnú tsi tjín xí tsja tjiín, kó chaꞌájo̱jnú tsi tjín xí ndyi̱kjandà.

1 Xota̱ Korinto̱ 12:26

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Xota̱ Kolosa̱ 4:18

An Pabloo̱, tsꞌéntsangiyajnúꞌun ngo tinde ngi̱yaa̱ kui xo̱jo̱o̱n. Ngatjaꞌátsjienjnú nga ndo̱bo̱a̱yà tikòn an. Néná ngatsjájnú kjo̱a̱ndaa̱. Bo̱a̱ kjiꞌi.

1 Xo̱jo̱o̱n Peé 3:8

Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.

Matioo̱ 25:43

kistsoꞌbásón an, kó katseꞌéjínjnúꞌun ngo ngi̱ndie nínga jajña an, kistsoꞌbákjiꞌixtí an, kó jmí ńjño katseꞌéjínjnúꞌun, kamáꞌonna ko̱jo ndo̱bo̱a̱yà kisꞌijña an, kó tsangíntsitsijenjínjnúꞌun.»

Ni xi kamá 24:23

Kósꞌe̱ Firii̱ katsangiya nda̱jun ngito̱ko̱ xi nkꞌa ngase xaá tsi̱ꞌe̱ nga ta̱kó ngatꞌíjñáꞌniúrá Pabloo̱, ta̱nga nga tsjandiè chií nga ku̱i̱ꞌíjñandé, ko̱jo nga tsja̱á kjo̱a̱ nga ka̱ma kjo̱chókoón xota̱ xi nda be tsi̱ꞌe̱ nga tsja̱á ni xi chjieén.

Xota̱ Éfeso̱ 4:1

Kuíni nga an, nga ndo̱bo̱a̱yà tikòn an ta̱ngatꞌanii̱ Ndi̱a̱ná, ꞌniú míꞌájnúꞌun tsi̱ꞌe̱ nga kixi̱ ku̱i̱ndyionjnú xikótsꞌèn chjiéngá kꞌuíndo xota̱ xi Ndi̱a̱ná tsíchji̱a̱a̱.

Ni xi kamá 27:3

kó nga kamángindyiojón jáchójne̱ na̱xi̱ńdá xi ꞌmí Sindo̱n, nínga nda̱ xi ꞌmí Julioo̱, achichí nda katsꞌénjo̱ Pabloo̱, ngatꞌa̱ katsjandieè nga kijíkatsijee̱n xota̱ xi nda yaꞌa ko̱jo nga nda katsꞌénseén kui xotaa̱.

Jenesii̱s 40:23

Ta̱nga kui nda̱ ngito̱ko̱o̱ já xí tjón kotꞌa bino̱ xi ꞌbi nda̱ ree̱ ngiti̱ jaꞌátsjienjiín Kosiee̱, ta̱sá katsꞌénchíyà kjin.

Xota̱ Ebreo̱ 11:37

Tjín xí ndi̱jo̱ akjaya nga kiniꞌánkꞌién, tjín xí jó tjín kiniꞌán, tjín xí kachjatꞌayákón, tjín xí ki̱cha̱ndojó kiniꞌánkꞌiénni, tjín xí kijí kꞌi̱e̱ kijí ngaján nga tsajá ńjño xi kamándani tji̱xi̱ín cho̱tsa̱nga̱, ko̱jo tindso̱, tjín xí ni̱ma̱ tsꞌén kisꞌińdo, tjín xí nda̱ kamaá, ko̱jo tjín xí ndajín kiniꞌánjo̱.