Xota̱ Ebreo̱ 11:3 - Xo̱jo̱n eén Néná

³ Ta̱ngatꞌanii̱ kjo̱a̱sꞌijinná nga makjínná nga Néná katsꞌénda nga̱sondiee̱, nga katsꞌénkjién eén, kó kuíni nga ni xi ya ngotꞌe̱, ni xi yàjiín xí kamándani nga kisꞌijña.

Xota̱ Ebreo̱ 11:3 ပူးပေါင်းရင်းမြစ်များ

Jenesii̱s 1:1

Ni̱xtjin nga Néná ítsꞌi̱yanii̱ nga katsꞌénda nkꞌa jàn ko̱jo nga̱sondiee̱,

Xo̱jo̱n Salmoo̱ 33:6

Ta̱ngatꞌanii̱ én xí tsíchji̱a̱ Néná nga kamánda nkꞌajmii̱, ta̱ngatꞌanii̱ nda̱ xi jatjoo̱ tsꞌoa nga kamánda ngayeje ńñoo.

Xo̱jo̱n Salmoo̱ 33:9

Ngatꞌa̱ kjiꞌanga kui xi tsíchji̱a̱, kamánda nii̱, kui katsjá ngo kjo̱a̱, kó jatjosón kui nii̱.

Juaa̱ 1:3

Kuí ngatꞌaa̱ nga kamánda ngayeje ni xi tjiín, kó tsi kuijín xi bo̱a̱ katsꞌén, nde ngojín ni xi tjiín xi kamánda.

Ni xi kamá 14:15

–¡Jún já! Míkjo̱a̱a̱ nga bi̱ kjiꞌi ni xi ndyi̱niꞌánjnú. A yàjínjnú nga xota̱ ji̱n xikoó jún, ja̱ kuíni nga jéꞌe̱ ji̱n nga kꞌuiníjmi̱jne̱ éntjatsi̱e̱e̱ Néná, tsi̱ꞌe̱ nga kꞌuijñámasienjnú kui ni xi niꞌánjnú xi jmí ni chjíjiín, kó ta̱sá Néná ti̱ndyi̱sé nginíjnú, kui Néná xí tikón ja̱koxi̱i̱, xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín,

Ni xi kamá 17:24

Kui Ne xi katsꞌénda nga̱sondiee̱, ko̱jo ngayeje ni xi tjiín, kui xi Ndi̱a̱a̱ ndiꞌakꞌajmii̱ ko̱jo tꞌanangii̱, ki̱a̱jín tikón ngi̱ya ndiꞌa na̱ngo̱xi̱ xi katsꞌénda xotaa̱,

Xota̱ Roma̱ 4:17

ngindyi̱ko̱n Néná, xikótsꞌèn kjitꞌa xo̱jo̱n eén, nínga Néná bi̱ katsoó Abraa̱n: “Jí xí katsꞌeen na̱ꞌmii̱ kjín xota̱ na̱xi̱ńdá.” Abraa̱n kisꞌijii̱n Néná, kui Néná xi tsꞌénkjaꞌáꞌyaá xota̱ xi je jesoón, ko̱jo nga kui xi ka̱maa̱ sa̱ꞌínda ni xi kji̱e̱ jmíjín.

1 Xota̱ Korinto̱ 2:7

Én xí ndyi̱ndokjo̱a̱jne̱ kjo̱a̱kjínkoón Néná xi jmíjín xi bee boá, kjo̱a̱kjínkón xi tjiꞌmaá, tsi̱ꞌe̱ nga ko̱jo ñá, ka̱ma kꞌuiéná kjo̱a̱je xi íjñanda Néná ndeskande ngindiee̱ nga katsꞌénda nga̱sondiee̱.

1 Timoo̱ 4:5

Ngatꞌa̱ ta̱ngatꞌanií eén Néná, ko̱jo nga ndokjo̱a̱a̱ Néná nga matsjieni kui nii̱.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Xota̱ Ebreo̱ 6:5

ko̱jo xi je askotꞌa én ndaa̱ Néná, ko̱jo xi je askotꞌa ngaꞌniuú Néná xi xcha̱ ni̱xtjin xi jaskan ndibaá,

2 Xo̱jo̱o̱n Peé 3:5

Kui xotaa̱ ngayeje kon nga mejénjiín sku̱i̱e̱ nga ndeskande koó ngasꞌe̱ nga ta̱ngatꞌanii̱ eén Néná nga kamánda ndiꞌakꞌajmii̱ ko̱jo tꞌanangii̱, kui tꞌanangi xi kisꞌijñaa̱, xi ngi̱jin ndáfoaa̱ kjindibánii̱.

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.