Xota̱ Ebreo̱ 1:3 - Xo̱jo̱n eén Néná

³ Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 1:3 ပူးပေါင်းရင်းမြစ်များ

Joo̱b 37:22

¡kó ngotꞌe̱ ꞌne̱ xtji̱e̱e̱n ta̱ꞌin tsꞌéndibá ꞌna̱ ꞌna̱ ngo ndiꞌí! ¡Néná boá xi tsꞌéndibájo̱ ngayeje ngaꞌniuú!

Xo̱jo̱n Salmoo̱ 110:1

Néná bi̱ katsoó nda̱ rejne̱: «Kꞌi̱e̱ ti̱ndyintꞌení nínga kixi̱i̱ ngi̱ndie nínga botixoma an, ngaskande nga sa̱ꞌinchaja an kondra̱a̱».

Xo̱jo̱n Salmoo̱ 75:3

Kjiꞌanga kjo̱tsiè tꞌanangii̱ ko̱jo xota̱a̱, kó ngije mejeén ku̱i̱xo̱, Án boá xi koꞌniú án nínga tikónsón.

Eklesiastee̱ 8:4

Kuí boá xi botixómá, kó chjírií eén. Kó ꞌyá xí ku̱i̱ꞌaa̱ xki̱ kjo̱a̱a̱ ni xi tsꞌén.

Lebitiko̱ 15:15

Kósꞌe̱ chináꞌmii̱ nga kjíbé kuí cho̱o̱, kó ngo nga tsꞌenkꞌásꞌién kjo̱a̱tjó tsi̱ꞌe̱ nga sa̱ꞌinjetakóo̱n jeé, kó xi ingoo̱ nganda tsa̱ꞌa̱n ngatꞌítí. Kó bo̱a̱ tsí tsꞌén nga kui xi tjiín kui chiꞌii̱n, xota̱ xi je kamátsjie kꞌuiín.

Matioo̱ 22:24

kó bi̱ katsó nga asíyaá: –Ji Mostro̱, Moisee̱ bi̱ katsó: Tsi ngo nda̱ ko̱yà, kó tsi jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n.

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 1:4

Kuí xí tikoón kjo̱a̱mindyioo̱n, kó kui kjo̱a̱mindyioo̱n, kuí xí ndiꞌí kamaá xota̱a̱,

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 7:56

kó bi̱ katsó Ixtibaa̱: –¡Tsitsíjenjnú! Tsꞌénbé an nga tji̱e̱nti̱xa̱ ndiꞌakꞌajmi jàn, kó tsꞌénbe an nga ndií nda̱ xi̱ꞌii̱n tsja fojnií Néná tikón.

Xota̱ Roma̱ 1:16

Ngatꞌa̱ soboájín mána kjo̱a̱a̱ éntjatsi̱e̱e̱ Néná xí ꞌbini̱jmì án, ngatꞌa̱ kuí xí ngaꞌniuú Néná tsi̱ꞌe̱ nga kjo̱tjoꞌa ngayeje xota̱ xi sꞌijii̱n, tsi xota̱ xi jundío̱ ko̱jo tsi xota̱ xi jundío̱jín.

Xota̱ Roma̱ 8:34

ꞌYá xí ko̱tíjéná. ¡Ta̱ ꞌyàjín ni! Ngatꞌa̱ Kristoo̱ boá xi kꞌien ta̱ngatꞌanii̱ ñá, kó jaꞌáꞌyaá, kó ngotꞌe̱ ꞌne̱ ki̱a̱ tikón xtji̱e̱e̱n nga fojnií Néná, kó tsꞌénmíꞌatjeé Néná ta̱ngatꞌanii̱ ñá.

2 Xota̱ Korinto̱ 4:4

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsáyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

Xota̱ Kolosa̱ 3:1

Jè nijan jaꞌáꞌyájnú ko̱jo Kristoo̱, kuíni nga ti̱ndyi̱séjnú ni xi chji̱a̱ni ndiꞌakꞌajmi jàn, nínga tikón Kristoo̱ ki̱a̱ tsja fojnií Néná.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 1:13

Néná bi̱ katsoó ndií, kó jmí tsi ndítsjiee̱ xi bi̱ katsoó: Ti̱ndyintꞌení nga fojnína nínga botixoma an, ngaskande nga kꞌuindo an ngindie ndsa̱ki kondra̱ tse̱.

Xota̱ Ebreo̱ 10:12

Ta̱nga Kristoo̱ ta̱ ngo tsí ndi̱yà katsꞌénkꞌasꞌien yojoo̱ xikoó ngo kjo̱a̱tjó xi ta̱ kjiꞌání chjínií, ta̱ngatꞌanii̱ jeé xotaa̱, kósꞌe̱ ki̱a̱ kisꞌijña nga fojnií Néná.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 4:14

Kuíni nga ꞌniú ku̱i̱ndyión nga kongíntji̱ngí kui kjo̱a̱sꞌijin xi timatji̱ngí, ngatꞌa̱ tikónna ngo chináꞌmi xi ꞌniú nkꞌa xaá xi jaꞌatjoón ndiꞌakꞌajmii̱, kó kuí boá xi Kjisoo̱, ndií Néná.

Xota̱ Ebreo̱ 7:27

kuí xí chjiénjiín nga sa̱ꞌínkꞌasꞌien kjo̱a̱tjó ndyiojón ndyiojón, xikoó chináꞌmi xi ꞌniú nkꞌa xaá xi chjiéngá tjón mára sa̱ꞌínkꞌasꞌien ngo kjo̱a̱tjó kjo̱a̱a̱ jeé, sꞌe̱ jaskan kjo̱a̱a̱ jeé xota̱ na̱xi̱ńdaá. Ngatꞌa̱ Kjisoo̱ ta̱ ngo tsí ndi̱yà ko̱jo ngatsjéni̱xtjin nga katsꞌénkꞌasꞌien yojoo̱.

Xota̱ Ebreo̱ 8:1

Ngayeje ni xi ndyi̱chiboá, kuí ni xi̱ꞌbi̱ xi ꞌniú chjínií: Nga tikónná ngo chináꞌmi xi ꞌniú nkꞌa xaá, kui xi tikón nga fojnií kui Néná xí tsꞌénbotixómá ndiꞌakꞌajmii̱.

Xota̱ Ebreo̱ 9:16

Tsi̱ꞌe̱ nga ka̱machjínií ngo xo̱jo̱n nínga kjitꞌa ngo ni xi si̱ꞌankꞌasꞌien ngije kꞌien ngo xota̱, chjiéngá tjón mára ko̱yà kui xota̱ xi katsꞌénda kui xo̱jo̱o̱n.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 3:22

Jesukristoo̱ kijínijíngí ndiꞌakꞌajmi jàn, kó ki̱a̱ tikón nga fojnií Néná, kó kuí boá xi tsꞌénbotixómaá ndítsjiee̱, ko̱jo a̱siénni̱xtjin xi tjiín xá ko̱jo ngaꞌniuú.

2 Xo̱jo̱o̱n Peé 1:16

Kjiꞌanga kiꞌmíyàjne̱ nga kji̱ndi̱bá nginí Ndi̱a̱ná Jesukristoo̱ nga kjo̱e̱ꞌéjo̱ ngaꞌniuú, jmí tsi én xchá maña̱ xi ta̱ kiniꞌánda xí tsangíntjingijne̱, ta̱sá kiꞌmíyàjne̱ ngatꞌa̱ ji̱n má xi kamáyàjne̱ ngaꞌniuú Ndi̱a̱ná.

2 Xo̱jo̱o̱n Peé 1:17

Ngatꞌa̱ kjiꞌanga Jesukristoo̱ iskjíbé kjo̱a̱yandikón ko̱jo kjo̱a̱je xi katsjaá Néná xí Na̱ꞌmii̱, kanangiyaa̱ ngo nda̱ xi kandaꞌyá, xi tjiín kjo̱a̱je xi bi̱ katsó: “Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.”

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

Xo̱jo̱o̱n Jundaa̱ 1:25

kui Néná xí ngototoo̱ kui xi ꞌboxiéꞌáná ta̱ngatꞌanii̱ Ndi̱a̱ná Jesukristoo̱, nga sꞌiee̱ kjo̱a̱je, ko̱jo kjo̱a̱botíxoma, ko̱jo ngaꞌniú, ko̱jo xá, ndeskande koó ngasꞌe̱, ko̱jo ngotꞌe̱, ko̱jo ta̱ kjiꞌání. Bo̱a̱ kjiꞌi.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.